Светот на Македонија гледа како на земја која сеуште си бара име,знаете ли зошто е тоа така?Мислите ли дека тоа е само заради геноцидниот став на Грција?Знаете ли дека на многу наши пријатели во странство не им е јасно дали ние сакаме да бидеме Македонци или си преговараме со Грција за да си го смениме името.
Деновиве едни стари пријатели Германци дојдени на одмор по традиција во Македонија ми го поставија ова суштествено и болно прашање:
-Зошто сакате да се преименувате?
Најнапред помислив дека не ги разбрав,па ги замолив да ми го повторат прашањето,др.др.Карл(соговорникот) полека и малку гестикуларно ми го повтори прашањето кое ми изгледаше малку чудно.
Му одврзав за некакви УН па ЕУ кој се солидаризираат со Грција и кој не притискаат на сите можни начини да го смениме името а тој одкако стрпливо ме сослуша ми се обрати со зборовте како прав Германец и со кратки и јасни дефиниции:
-Па никој во историјата никого не присилил сам да си го смени името,освен доколку тој самиот не покажал макар и најмала желба да го стори тоа.
Ми дојде да му свирнам еден бокс на Германецов и си реков дека налетал на некој “напален“ Грк па ми поставува вакви прашања и ми образложува со вакви одговори.Го познавам човеков 20тина години и знам дека никогаш не бил злонамерен,ја сака Македонија и посебно му се восхитуваше на нашиот другарски менталитет,на нашата гостопримливост и сочуство љубовта кон своите блиски како што нигде немал сретнато иако прошетал многу по светов,едноставно е заљубен во Македонија.
По малку време,после првото вино малку ги релаксиравме разговорите,и човекот ми објасни подетално што сакал да ми каже всушност со неговото прашање.
-Дали ќе умрете од глад доколку не ве примат во НАТО ме праша,најверојатно НЕ,му одговорив.
-Дали ќе умрете од жед доколку не влезете во ЕУ,продолжи,најверојатно НЕ,му одговорив пак.
Тогаш не можам никако да ве разберам за оваа работа,ми вели,јас сум Германец и во добро и во лошо,јас сум Германец и кога Хитлер им наредуваше на нашите родители да тепаат,и кога Русите влегоа во Берлин,и кога ќе се испоизедевме меѓусебе од глад по војната како деца во урнатините на Дрезден и кога бевме окупирани од целиот свет за злосторствата што ги правеле неколкумина политички лудаци и кога моравме долго време со наведнати глави да го тргаме погледот од оправдано осветољубивите очи на поранешните жртви од фашизмот,сепак ние останавме Германци ми вели Германчево,и ме подзамисли малку.
-Па добро бе докторе му велам,ние останавме малку,притиснати сме од сите страни,сардисани што се вели(му објаснувам гестикуларно),не можеме против цел свет да се бориме за своето име или идентитет.
-Не треба да се борите!,ми вели со малку повишен тон.
-Чекај бе докторе како не треба?Па ние Филип,Александар,Крале Марко,Гоце,Даме па Илинден па Ченто па партизани па ДПМНЕ,Брат Љубе му велам,онака набрзина за сите што ми текна во моментот.
-Знаеш ли кој се бори за сопственото име?ме прекина докторов.
-Е па еве ние му велам,дури во Пакистан појдовме за да си го докажеме идентитетот и името.
-А зарем се сомневате во сопственото име и идентитет? ме прашува.
-Не бе,му велам,ние само така,ааа,овај,не знам како да кажам,и ми се зеде зборот,не знаев што да му одговорам оти насетив дека ќе паднам во замка.
-Е мој пријателе,оној кој се сомнева во своето име,оној кој е поробен или окупиран и кому се заканува смрт,можеби ќе размислува да го смени сопственото име или ќе бара поддршка од сите страни дури и во Пакистан ако треба ќе оди само да опстои како таков,но никој нормален и здрав нема да преговара како ќе се вика и како другите ќе го викаат,вашата борба за името ние започнавме да ја разбираме како сомнеж во вашиот идентитет,вие сами како да се сомневате дали сте навистина Македонци и барате докази за вашето потекло дури во Пакистан,ми рече докторот пред да го допиеме шишето Т`га кое го отворив пред да започнеме со дискусијата.
Размислете сами што сакаше докторчево да ми каже со муабетов пред да замине на Маркови Кули за да се наполни со космичка сила како што вели и кој ги споредува со пирамидите на Кеопс,само овие се навистина поубави и позначајни оти очигледно не се изградени од човек,ќе додаде скоро секојпат на крајот.
Инаку неговите докторати по Теологија и Историја на Архитектурата го претвориле во најумниот човек кого сум го запознал.
П.С.:-Ќе се бориме ли уште за сопственото име???