Сепак тоа е процедура. Прво треба да се конституира Парламентот, а сеуште не е завршено гласањето. Второ, да се формира Влада која ќе донесе предлог закон по кој Парламентот ќе расправа и ќе одлучува. За тоа треба време. Од друга страна пак одлуката на Уставниот суд мора да се спроведе, а таа стапува на сила по седум дена. Кога ќе направиш сума-сумарум, калабалак брат.
Замисли си во тој период пак да недостигаат цитостатици за деца со малигни заболувања и слични срања.
Кој директор ќе објави и потпише тендер ?
Запрени сите тендери на клиниките
Владата и вчера без решение за клиниките, па вработените станаа волонтери, а пациентите се во паника за лекови
Јасмина Јовановска
Владата веќе два дена ги остави клиниките да работат со незаконски директори, а поради немање преодно решение за поништената трансформaција на Клиничкиот центар жртви станаа и вработените и пациентите. Здравствените работници станаа волонтери, а болните се во паника дали започнатата терапија ќе ја завршат, бидејќи секојдневно резервите лекови се трошат, нови не се нарачуваат, а според неофицијални извори - на клиниките има залихи најмногу за 15 дена. Сите тендери се запрени, како за поправка на расипаните апарати, така и за набавка на лекови, бидејќи по поништување на поделбата на Клиничкиот центар од страна на Уставниот суд, како што објаснуваат правните експерти, директорите на клиниките немаат право на потпис. Нивните ингеренции повторно ги презема клиничката управа, односно последниот директорот и Управниот одбор на Клиничкиот центар, пред да се подели.
Д-р Борче Георгиевски беше последниот директор на Клиничкиот центар, но и тој не се нафаќа да се врати на старата позиција, додека за тоа не биде известен од Владата. Со оглед дека тој беше в.д. директор, вели дека можеби Владата нема повторно него да го постави за директор и затоа не може да презема чекори на своја рака. И додека Георгиевски се двоуми, директорот на Заеднички служби, преку кои се вршат најголемиот дел од набавките, Нусрет Дема, вели дека нема да дозволи да има застој на клиниките, ниту пак да ги остави пациентите без терапија. Тој ќе се однесува како директор на Заеднички служби додека Владата не му даде нови инструкции. Иако е незаконски директор, тој ќе ги потпишува барања за нови набавки, макар за тоа и кривично да одговара. „Што да правиме, зарем болните да ги однесеме пред Уставен суд“, вели Дема.
Директорите, иако тврдат дека нема да дозволат да дојде до криза во набавките, сепак, според добро упатени извори, велат дека недостигот веќе се чувствува, но на директорите им е забрането да зборуваат. Состојбата со снабденоста на клиниките, како што дознаваме, ќе стане алармантна посебно на крајот од месецов кога ќе се потрошат резервите и ќе треба да се вршат нови требувања, а ќе нема кој да потпише.
„Можеби некои од клиниките ќе набавуваат на реверс, но тоа е краткотрајно и за мали количества, бидејќи не веруваме дека некој ќе дава лекови ако нема гаранција кој ќе ги плати“, објаснуваат дел од здравствените работници на клиниките, кои додаваат дека мора да се најде преоден модел за да не дојде до криза и не се надмине овој вакуум.
Владата и вчера беше без преодно решение за клиниките како да функционираат по поништувањето на трансформацијата. Според портпаролот Ивица Боцевски, Владата решението треба да го изготви на наредната седница. Добро упатени извори велат дека се тактизира со преодното решение зашто Владата не се откажува од поделбата на Клиничкиот центар и брза одлуката да ја протне на новото Собрание кое денеска се очекува да се конституира. Правниците велат дека тоа не оди тукутака, бидејќи се потребни предлог и законски измени. Дотогаш клиниките и натаму ќе бидат блокирани и раководени од незаконски директори, кои поради непочитување на одлуката на Уставниот суд може да заработат и казна затвор од пет години. „Директорите ќе одговараат материјално, додека од Владата ќе се бара политичка одговорност зошто не донела решение за надминување на вакуумот“, објаснува професор Ана Павловска- Данева од Правниот факултет.
На пасивноста на Владата реагираше и СДСМ, кој бара итно да се врати Клиничкиот центар зашто трансформацијата, каква нема никаде во Европа, значи растурање на здравствениот систем, на што укажале уште пред две години.
Е на ова мислев....
Само да не се доведеме пак во ситуација пациентите со канцерогени заболувања да останат без цитостатици, хемофиличарите да плачат во очај немајќи лекови кои исто така мораат редовно да ги земаат...
