Зборување од памет

[leandra]

Добро што им е на луѓево,зошто првин зборуваат а после мислат.Расправаат приказни,кажуваат нешто што ниту го виделе,ниту го доживеале,трескаат глупости од ракав.Која е потребата да се каже било што во секоја ситуација,а при тоа да се нема поим од тоа што е кажано.Примери има милион на форумов,само да се пишувало или зборувало нешто.Ако каже некој дека видел марсовец половина од луѓево овде ќе одговараат на тема "раскинување со марсовец".
Не зборувам за нешто што незнам,може да прашам ако ме интересира нешто за да научам,но не оправам криви дрини ако немам доживеано.Страшно ме иритираат луѓе кој кажуваат нешто што ни во најубавите сонови не го доживеале,а ломотат без крај па дури и советуваат бе!
Вие како се снаоѓате со вакви паметњаковиќи?

Само една напомена:Немој да трупате постови за џабе на темава,а при тоа имате лепеза на глупости од ракав низ подфорумиве.Ќе мавам со црвени!

 

[ex machina]

Гад демит, леандра, баш за ова размислував сабајлево додека се возев (и се возев, и се возев) во автобус за на работа. Прстите побрзи од мозокот.

Решение? Можеби темите треба да се поставуваат поостро. Например, во самата поставка на некоја контраверзна тема да се замолат модераторите да ги бришат стандардните одговори од калибарот на "јас никогаш не би .. (бла бла)", "мене такво нешто не може да ми се случи".. и слично. Ќе се добијат два и пол одговори, али бар ќе бидат квалитетни. Ама еве размислив и не ќе да е остварливо.

Можеби вистинискиот одговор е - пошто повеќето дискутанти имаат малку години и не можат да ја проценат вистинската димензија на прашањето? Јес да, искуството не е секогаш правопропорционално со годините, ама има некој зајак и во таа грмушка.

 

[city]

Па некако и јас имам чувство дека се претвораме во народ кои верува и се замара само со трачеви и озборување. Некако ќе почнам да верувам дека никого не го интересираат теми поткрепени со факти и со докази. Затоа што сите нас не мрзи да размислуваме.

Покрај ова, никој не сака да ги прифати туѓите докази, факти и тврдење. Зошто дискутираме и дебатираме овде ако секој си стои на својот став? Ретко кој ги чита мислењата на другите, и најголемиот дел од членовите реплициираат само колку да го дадат своето мислење или да набилдаат број на мислења и репутација.

Како сакаш да има издржани и цврсти дискусии кога Играчница е подфорум со највеќе мислења. И мене не ми е јасно што е поентата на штанцање на мислења.

И за репутацијата, и таа стана ствар на форумов која е максимално „искомерцијализирана„. Добар е потегов за нејзино рестартирање и конечно да ја сфатиме репутацијата која треба да се даде на секој квалитетeн пост. Јас не знам каква е сатисфакцијата од репутација дадена врз основа пријтелско-познанички односи, или некој овде глуми лудило.

Од друга страна не е само овде така. И во секојдневниот живот е така. Луѓево само се замараат со ПИНК и ПЛАНЕТА. Вест и Свет се најчитани весници во Македонија и што сакаш од таква популација да размислува јасно, цврсто и со факти. Тоа малку тешко!!!

 

[jass]

Apsolutno se soglasuvam so city. Ne mozes da ocekuvas da procitas nekoj dobar post od covek koj 90% od denot go pominuva pred televizor gledajki pink ili ovde na forum vo Igracnica ili nekoj takov podforum. Inaku sekoj den sum na forum i gledam sto i kako se pisuva a pisuvam po eden do dva posta na den ne sakam da pisuvam za nesto sto ne znam ili samo za da trupam nekoi bezveze postovi. A i sto da pisuvam koga sekogas koga kliknam na novi mislenja se pojavuvaat milion temi od Igracnica ili Fan club toj i toj. Ama toa e znam deka ima mnogu pametni lugje na forumov ama povekje od polovinata celenovi ne spagjaat vo taa grupa. Care? Nema sekogas ke ima takvi lugje na forumov ama ubavo i kulturno se trudam da gi ignoriram:smir:

 

[кики]

Токму од таа единствена причина - да се направат паметни. Не знам зошто повеќето сметаат дека е подобро да кажеш било што отколку да си премолчиш и да разбереш како стојат работите.

Имаше една ваква слична тема "Долги постови и содржајни теми". Разгледувајќи ја и таа тема налетав на интересни работи. Понекогаш се потребни само неколку правилно искористени зборови за да ја доловиш поентата, понекогаш е потребно и да се опуштиш со пишувањето. Лично мислам дека проблемот е во нас самите, поточно во нашата гордост и его. Секој се обидува да го наметне своето мислење, дури и во моментите кога греши. Дури ни на форумов, каде нема директен контакт ни е тешко да признаеме дека грешиме, а тек пак во реалноста.

Еве конкретно на некои подфоруми скоро и воопшто не пишувам, само читам бидејќи сето тоа ми е непознато а сепак сакам да научам нешто. На одредени теми реплицирам со работи кои лично мене ми се случиле или пак сум била сведок на тие случувања. Многу е глупаво кога некој само нагаѓа и со тоа нагаѓање ги уништува темите. Па мене на моменти и ми се смачува да читам кога ќе видам кој ми продава памет. Во ред не сакам никој да подценuвам, ниту пак да преценувам, ама сепак пред да се реплицира на се треба малку и да се подразмислиш дали си дораснат за таа дискусија.

Не е проблемот само во Pink и Планета, проблемот е во нас самите. Во последно време се повеќе се замараме со проблемите на другите мислејќи дека така за момент ќе ги заборавиме сопствените.

 

[Сатори]

~*~

Па некако и јас имам чувство дека се претвораме во народ кои верува и се замара само со трачеви и озборување. Некако ќе почнам да верувам дека никого не го интересираат теми поткрепени со факти и со докази. Затоа што сите нас не мрзи да размислуваме.

Луѓето не размислуваат злато, имаат функција на усисавање информации и бесплатно дистрибуирање на истите, ако би се потрудиле околу нивната веродостојност, не би биле луѓе.

Сите мислат дека знаат нешто повеќе од тоа што навистина го знаат, а и ретко кој на работите гледа како што гледал Сократ, затоа не треба да се замерува, да може да иритира, да фрустира на моменти, да сите ние знаеме да се убедиме сами себе дека нашата теорија е најбитна и најправилна, но тоа не не прави попаметни, не?
Затоа не е до справувањето со тие персони, кои што своето его го кренале до облаците а не гледаат дека под појасот другите оро им играат, туку е до едноставно игнорирање.

Верувај Леандра, тоа најмногу ќе ги погоди!:wink:

 

[leandra]

Муабетот ми е зошто некој би зборел каква журка има на Марс кога не ни бил.Зошто преку еден пост читам предвидувања,фантазии кога немаат поим за што зборуваат,зарем не сваќаат дека е тоа толку провидно за човек кој го доживеал?Ако некој ми врзе шамар јас ќе знам како боли,дозволете да ви ја залепат и вас за да можете да кажате како е или барем застанете до личноста на која и врзале шамар да го слушнете и видите ударот и болката на лицето.
Нема врска со долги и кратки постови,со содржина или не,овде станува збор за постови со бујна фантазија со која се дрзнуваат дури и да советуваат,смешно.Алоо,где то ја живим!
Сатори за овие не помага игнор,само директно укажување дека немаат поим од тоа што го зборуваат,можеби ќе се усрамат и понатаму нема да се пикаат во туѓа помија.

 

[G e G o]

За да се најдет во муабет, затоа лупет од мал мозок

 

[CafeDelMar]

Седат двајца другари и едниот вика
-Знаеш бурекот ти бил многу убава работа?!
-Од кај знаеш бе,јадеше?
-Не бе на братучед ми еден другар ни кажуваше!

Муабетот е не е битно кој колку видел и почувствувал во животот,битно е пуштија ја имагинацијата да се дружи со фантазијата па може и ќе испадне нешто.

Кога децата ќе седнат да си играт со своите играчки си создаваат свој свет како им би било поубаво и нормално си живеат во тој свој свет зошто вистинскиот сеуште го немаат видено.Но навистина е жалосно кога возрасен човек живее во свој свет надвор од секаква ралност и кога она што го има во својот ум,без да го осознае дали е исправно или не,го презентира кај што ќе наиде.Па и си зема за да право да дебатира за тоа.

Потреба од зборување на памет не доаѓа само од неиформираноста за нештото,туку и од НЕпотребата на тоа нешто да му се открие вистинското лице.

 

[AnaMercury]

Таквите луѓе се дрски идиотчиња кои како што кажа гего, сакаат само да се најдат во муабетот, да се види дека и тие можат да напишат или кажат во врска со некоја тема, или едноставно да се направат паметни со што испаѓаат глупи.
Знам неколку такви личности кои крајно ме иритираат со самото слушање на нивните "искуства" и нивната "проживеаност", а знам дека сето тоа нема благо везе.

 

[Out Of Reality]

Секој има право на свое мислење

јбг и такви има

многу ретко има теми за кои што вреди да се пишува , Форумов 80% е глупости, темите се која од која..
Има толку општи и одбро познати теми , за кои одговорот се подразбира и сите се повторуваат , зборуваат за некое БОШ прашање..
Би требало да има СТРОГ критериум за бирање на ТЕМИ ШТО ВРЕДАТ..

[Едитирано од модератор]: Користи ја опцијата измени.

 

[dance_girl]

Оооо навистина ме нервираат такви луѓе коа зборуват на памет се прават паметни а благе везе нема тоа што го зборат и упорно те убедуваат дека е така е да си апниш од г'з :nerv: не можам у такво друштво со такви луѓе ме иритира :nesum:

 

[navivacka]

Во мојот град постојано зборуваат,тоа постојано ми оди на нерви:uvo:еден каже едно друг друго трет трето и на крај ете ти приказна...незнам зашто не си ја гледат својата работа.Како што кажа некој погоре секој има право на свое мислење точно е, но човек прво размисли па после кажи:uvo:...тие трескања на глупости не секогаш донесуваат последици

 

[Aceva]

...Муабетот ми е зошто некој би зборел каква журка има на Марс кога не ни бил....

Де бе мајка му стара, не биди толку ригидна, дај им малку простор на луѓево да симулираат ситуации. Всушност 90% од темите се - што би било кога би било. Па и младички се повеќето, добро им доаѓаат вакви ментални вежби. Ќе ги подготват за некои животни ситуации кои немале кога да ги изживеат и доживеат. Па може и за таа журката на Марс ќе можат да зборат - од сопствено искуство.

Маај црвено, само не маај по глава.:smir:

 

[AtoM-AnT]

Точно е тоа дека на денешно време има многу што трескаат глупости со цел да се покажат во некое друштво дека тие се знаат, шефот нему му рекол дека тоа и тоа ќе се случи во фирмата а тој уствари и има страв од шефот добар ден да му каже а не па да зборува со него.
Ваквите луѓе измислуваат разноразни глупости ама бираат и пред кого зборуваат, проблемот е кога ќе го проценат некој по грешка па тогаш и тој некој ќе му ја каже правата сторија на настанот и дури тогаш фраерот не знае на кај да фати.
Едноставно ова е стори оф мај лајф, кај моите колеги кои бај д веј јас ги викам колешки тоа многу е изразено така да јас сум отрпнат на такви работи а бидејќи на моите „колешки“ им сум предпоставен па секогаш чекаат кога јас не сум во друштвото да се истакнат со своето знаење.
Немојте да се замарате со таквите, пуштете ги нека си трескаат глупости, фрустрациите не можеш никому да ги излечиш а ниту пак на некој таков можеш и да му докажеш па затоа почитувани форумџии кучињата нека си лаат а караваните нека си врват, будалите нека се збудалуваат, мора да има и такви на овој свет...