Да како стоите со овој термин?
Дали сте доволно самоуверени? Кое е вашето ниво на верба во себе?
Хм...самодоверба...што беше тоа? Се мачка не леб и се јаде?
Не, мојата самодоверба е прилично отидена во минус, иако се трудам од петни жили да ја поправам ситуацијата, затоа што знам дека многу е битно за еден човек верува во себе и во своите способности.
Ви се случило ли некогаш да имате проблем со самодовербата?
Проблемот со мојот недостиг на самодоверба започна некаде при крајот на седмо одделение и се уште трае... ама нема да дозволам да останам до крај на живот без самодоверба. Некогаш имам некои светли моменти кога си се изненадувам позитивно, ама претежно преовладува ниската самодоверба.
Што мислите лоша е претераната самодоверба?
Да, затоа што тоа преоѓа во нарцисоидност. И претерана самодоверба може да донесе заслепеност, гледање на другите од високо, егоцентричност. Се што е претерано не чини.
До што може да доведе превисоката доверба? Кои се последците од немање доверба во себе?
Превисоката самодоверба може да го направи човекот опериран од самокритичност која во некои ситуации од нашиот живот е потребна. Може да направи егоистично суштество кое смета дека е најпаметно и најубаво на светот, што често може да ги иритира останатите луѓе во неговата околина.
Ниската или непостоечката самодоверба може да направи човек да се осеќа мизерно, да се кочи, да има проблем со комуникација со други, срамежливоста е најчесто производ на ниската самодоверба, може и многу работи човек воопшто да не се ни обиде на ги направи, затоа што нема верба во себе, да пропушти многу шанси со мислата дека нема да го биде, повлеченост...и така натака...
Во секој случај лошо е човек кога има ПРЕмногу и кога има ПРЕмалку самодоверба. Значи најубаво е нешто измеѓу. Златна средина. Да знаеш доволно да се цениш себеси, но сепак да бидеш доволно самокритичен да признаеш дека правиш грешки и дека не си совршен.
Како ја “билдате“ вашата самодоверба? Со успеси и победи...?
Па што знам...да убаво ми е кога ќе успеам во нешто кое што не сум очекувала да успее. Баш ми е мило и си викам: Еј види мајката, и јас сум го можела ова. Но во секој случај кај мене обично преовладува самокритичноста, па речиси секогаш викам дека можело и подобро. И убаво се осеќам во врска со себе, кога некоја личност која многу ја почитувам и која знам дека е објективна ќе ме пофали и ќе каже дека тоа што сум го направила било добро.
Кои се факторите од кои зависи самодовербата? Игра ли тука важна улога респектот и угледот во средината?
Мислам дека игра. Како што може љубоморни и злобни луѓе да ти ја уништат самодовербата особено во тинејџерскиот период, никој не може. Особено кога се градиш како карактер, ако постојано некако не те прифаќа некоја група или ако прави таа група работи за те омаловажи тогаш да, твојата самодоверба паѓа во вода.
Напротив можат ли неуспесите и поразите многу лесно да ја срушат довербата во самиот себе?
Да.Самодовербата тешко се гради,меѓутоа многу лесно се уништува. Баш како кула од карти. Доволен е еден пораз да влијае врз самодовербата повеќе од 10 победи. Многу полесно е да се разочараш од себе отколку да си бидеш задоволен.
Колку самите имате верба во себе, во своите размислувања, потези и чекори?
Не знам.Мислам пред луѓето и околината гледам да изгледам самоуверено, но реално колку верувам во себе,не знам,ама во секој случај не многу. Во размислувањата да.Имам цврсти ставови и сум самоубедена дека се точни, ама што се однесува на се останато... малце тешко иде со самодовербата. Но,се трудам. Навистина, искрено се трудам да не се препуштам на меланхонија и депресија и на непостоечката самодоверба. Гледам да го победам тој долгогодишен проблем кој го имам и со кој се борам уште од основно школо. Тешко иде тоа градење самодоверба, некогаш имам многу лоши периоди, кога не се сакам ич, ама бидејќи сум Бикче во хороскоп, си викам дека мора од инат да ја изградам самодовербата па што сака нека биде. Ете доказ дека некогаш тврдоглавоста и инатот, може да бидат и продуктивни и да му помогнат на човек да не престане и да не се откажува.
Ваша дефиниција за самодоверба?
Кога си свесен за своите квалитети,кога знаеш колку вредиш,кога ги цениш квалитетите кај себе, кога се почитуваш самиот себе, кога веруваш во себе,но во исто време и кога имаш самокритичност и си свесен дека не си совршен и дека и како и останатите луѓе грешиш и знаеш да го признаеш тоа.
