Се досега овој документ имаше неформален карактер и владите на двете земји беа обврзани да не го покриваат. Делови од него беа цитирани и презентирани, но со ваквото објавување, Грција го прекрши барањето на медијаторот, документот да не се објавува се додека двете страни не одговорат дали предлогот за нив е прифатлив.
„Товима“ ја објавува грчката верзија на оригиналниот документ, во кои низ девет точки е детализиран најновиот план на Нимиц.
Премиерот и министерката. според грчки извори, меѓусебно се обвинувале која од двете институции го доставила документот до „Товима“.
Портпаролот на владата Русопулус ја отфрли констатациите на грчките медиуми дека постои сериозен конфликт меѓу Караманлис и Бакојани, но не можел да потврди од каде оригиналниот документ на Нимиц се нашол кај грчките весници.
За да се затвори прашањето, власта нема да спроведува понатамошни истраги.
Во изборниот документ на Нимиц покрај анексите со познати пет предлози стои:
Бидејќи досега никој не искоментира ќе дадам свое мислење за секоја од точките.
1.Се признава дека два дела од Грчка Македонија и еден дел од Република Македонија, се делови од историска Македонија
Македонија е разделена меѓу три држави и секоја има еден дел. Не ми е јасно како може Грција да има два дела? Некоја чудна математика или јас не разбирам?
2.Се признава дека уставното име на втората страна е РМ
Се признава само на хартија а со другите точки тотално се анулира.
3.И покрај признавањето на уставното име на Македонија, таа во меѓународна употреба ќе го користи официјалното меѓународно име.
Значи ем се признава и ем не се признава.
Точката е многу двосмислена бидејќи не прецизира за каква меѓународна комуникација се однесува!!! Тука треба претпазливост 100%!
4.Официјалното меѓународно име веднаш ќе го замени името БЈРМ во Обединети Нации.
Ова е јасно.
5.Официјалното меѓународно име ќе се користи како име на Македонија и во пасошите
Ова задира веќе и во уставното име и во името за домашна употреба. Има држави кои воопшто немаат лични карти и пасошот им е документ за идентификација и дома.
6.Се предлага официјалното меѓународното име да се користи и за билатерална комуникација.!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Ова е конкретна де факто и де јуре смена на уставното име и за внатрешна и за надворешна комуникација.
7.Зборот Македонија сам по себе нема да биде признат како официјално име, ниту на Македонија ниту на некоја друга држава
Бидејќи нема ниедна друга држава со тоа име ова не засега директно нас и ни забранува зборот Македонија како таков да го користиме во било која комуникација со странски држави.
Ова директно имплицира дека никаде нема да смееме да бидеме налистани или напишани како Македонија туку целото име какво и да е ќе биде третирано како една целина. Ова е многу опасна одредница.
8.Ниедна земја ќе нема ексклузивни права на името Македонија и придавката македонски
Бидејќи само ние сме земја со тоа име ова ќе значи дека утре уште пет грчки провинции ќе можат да кажат дека се македонски а ние нема да можеме да направиме ништо. Исто опасен преседан.
9.Името Македонија и македонски може да се користи во комерцијални цели во согласност со меѓународните конвенции
Што сака со ова авторот да каже? Кои се тие комерцијани цели? Како да сме на натпревар по маркетинг!
10.Македонија се обврзува да започне административни процедури за можноста да се промени името на аеродромот „Александар велики“. Македонија се обврзува да започне уставни измени согласно со процедури на советот на безбедност во врска со евентуален договор врз основа на предлогот на Нимиц.
Ова докажува дека постојат и тајни анекси (кои не се објавени) во кои де факто стои дека целата античка историја и се остава на Грција. Ете зашто Бакојани била искезена после состанокот.
За крај би кажал дека и советувам на владата 100% да ја смени тактиката во преговорите и да изјави ЈАВНО дека се согласува да се разговара за сите точки но само под услов ако има РЕЦИПРОЦИТЕТ кај двете страни. Значи се што се однесува на зборот Македонија да се однесува на зборот Грција и Хеллас кај другата страна.
Треба да се прејде во офанзива со лукавост и итрина!
