САД со двојна формула за името
Соединетите Американски Држави ќе претстават варијанта на двојната формула како решение за спорот со името меѓу Атина и Скопје, пишува денешното издание на грчкиот весник “Танеа“.
“Предлогот е така изготвен, за да може да се претстави како успех и во Грција и во Македонија. Се работи за сложено име, што би се користело во меѓународните организации и во односите со Грција, и уставното име, што би се употребувало во комуникацијата со трети држави. Со таа формула ќе може да се замени сегашниот назив ПЈРМ со друго име, кое не би имало привремен карактер“ пишува весникот повикувајќи се на дипломатски извори.
Според “Танеа“, Атина не е многу задоволна од формулата, но признава дека тоа е подобра варијанта од досегашната. Дипломатите настојувале на измени на предлогот, односно да се воведе обврска сложеното име да важи и за оние кои досега го користеле називот ПЈРМ.
Автор на веста: Нетпрес
Објавена на 13.02.2008 14:09:40
edit: Јас мислам дека двојната формула е единствено решение..Решение кое во меѓусебната комуникација Грците нека не викаат како ќе им душа сака..Ама во друга намена да се користи УСТАВНОТО ИМЕ Република Македонија..