Абе не измислувај те молам, сето се тоа твој инсинуации.
Хе,хе абе не можам јас да пишувам и за два-три дневни печатени медиуми, или можам,треба да пробам арно велиш.
П.С.: А што би рекол за ова подолу?
По владината одлука за двојно зголемување на бројот на македонските војници во Ирак, најавени се нови зголемувања на контингентите во Авганистан и повторно во Ирак.
„Сето тоа е во согласност и договор во рамките на коалицијата предводена од САД, така што во Авганистан ќе одиме со симболично проширување, со три штабни офицери“, изјави Лазар Еленовски, министер за одбрана.
Од идната година се планира АРМ да се вклучи во обуката на ирачката армија под команда на НАТО. Испраќањето на тројца или четворица штабни офицери во Авганистан се должи на апелот од НАТО до земјите сојузнички да дадат повеќе придонес за мисијата.
За споредба, Грција како долгогодишна земја членка на НАТО, во Авганистан има само 157 војници, во Ирак нема војници. За разлика од АРМ, најголем дел од грчките мировници се распоредени во регионот, што не е случај со Македонија, факт што го забележале и Американците.
„Благодарни сме и за придонесот што го дава Македонија денеска за глобалната безбедност. Вашите војници не служат само на Балканот, туку служат и во Ирак и Авганистан. Навистина сме ви благодарни за тоа“, рече Викторија Нуланд, амбасадор на САД во НАТО.
Се чини повторно едногласно Собранието ќе одобри испраќање на зголемен број од 80 македонски војници во Ирак, и тоа најверојатно при следната ротација на силите во декември.
„Сите политички партии ги поддржуваат сите операции на АРМ надвор од нашите граници, а во Ирак сме заради сојузништвото со Америка, којашто е наш најголем лобист и промотор за членство во НАТО“, вели Влатко Ѓорчев, Собраниска комисија за одбрана.
Веќе постојат најави дека овие македонски војници нема да бидат распоредени во базата Таџи, како досега, туку во „Зелената зона“ во Багдад.
„Нашата единица, по она како што изгледа, сепак ќе биде ангажирана во „Зелената зона“, која не е баш најбезбедна. Ние требаше сепак малку посериозно да подразмислиме, особено затоа што во овој временски период најголемиот број од земјите учеснички во оваа мисија веќе сериозно размислуваат или за повлекување или за намалување на бројот на своите војници“, изјави Благоја Марковски, експерт.
Од следната година со новите зголемувања на војниците во Авганистан и Ирак, Македонија ќе има над 250 мировници.
