Стрелец
El Mariachi
- Член од
- 23 јануари 2005
- Мислења
- 910
- Поени од реакции
- 10
Ги повлекувам аплаузите за двајцата актери... Особено оние за Груевски!?
Бранко Црвенковски и Никола Груевски во пинг-понг преписка
Компромисните предлози што ги предложи претседателот Црвенковски вчера се претворија во скандалозен пинг-понг со писма меѓу него и премиерот Груевски, со крајно неизвесно финале. Двајцата цел ден си разменуваа писма во кои ја изразуваа нивната подготвеност да се сретнат и да разговараат за итните државни теми, но остана нејасно дали средбата ќе се одржи. Груевски инсистира Црвенковски да дојде во неговиот премиерски кабинет, а Црвенковски одбива да ја прекрши политичката етикеција и бара премиерот да дојде на разговори во претседателскиот кабинет.
Циркусот почна некаде претпладнето кога Груевски писмено му испрати абер на Црвенковски дека ја прифаќа неговата покана да се видат и дека е првиот слободен термин му е утре, четврток, во 12 часот. Црвенковски, како што вели неговиот кабинет, зачуден што Груевски, и покрај итноста на темите, тактизира и ја одлага средбата до четврток, писмено му потврди на премиерот дека го прифаќа терминот за средбата и дека го очекува Груевски да дојде во неговиот претседателски кабинет.
„Во врска со вашата покана за средба во четврток на 20 септември во 12 часот, ве информираме дека, и покрај итноста на темите, го прифаќаме терминот и ве очекуваме на средба во кабинетот на претседателот на Македонија“, му напиша кабинетот на Црвенковски на Груевски.
На тоа уследи ново писмо од кабинетот на премиерот со кое Груевски го поправа претседателот и му вели дека средбата ќе се одржи, но во премиерскиот, а не во претседателскиот кабинет. Груевски, покрај тоа го покани Црвенковски и на средбата што наедно ја закажал со лидерите на четирите најголеми партии во земјава. „Ве поканувам, по заедничката средба која во координација помеѓу нашите два кабинета е веќе договорена за 20 септември (четврток) во 12 часот во просториите на Владата, да се придружите и да присуствувате и на средба со лидерите на четирите најголеми партии“, му напиша премиерскиот кабинет на Црвенковски.
Писмената реакција што следуваше потоа од страна на Црвенковски беше дека тој завчера јавно дал предлози за надминување на најважните прашања, како што е докомплетирање на Судскиот совет и назначување амбасадори и дека очекувал од Груевски јасен одговор дали го прифаќа компромисот или не.
„За жал, денес е втор ден како вие не се изјаснувате по вакви важни прашања за Македонија. Наместо тоа, почнавте ситни игри со тенденциозни писма кои водат кон опструкција на последните шанси за надминување на проблемот. Јас во таквите игри нема да учествувам“, порача Црвенковски во писмото потпишано лично од него.
Црвенковски, уште еднаш јавно го повика Груевски да каже дали се согласува со неговите предлози и ако се согласува веднаш да почнат консултациите со партиите. „Закажувањето лидерска средба в четврток попладне значи непотребно губење време кое го немаме“, му напиша Црвенковски на Груевски. На крајот Црвенковски му рече на Груевски дека е подготвен за средба со него, но, како што наведе во писмото, согласно со меѓународната и домашната практика, премиерот треба да дојде во претседателскиот кабинет.
„Се' додека за сите во земјава и во светот, освен за вас и вашите послушници, јас сум претседател на Македонија, проблемот е ваш, а не мој. Доколку во овој термин што го предложивте вие не се појавите во мојот кабинет, ќе сметам дека моите предлози се одбиени, а вие ќе ја поднесете одговорноста за последиците“, жестоко возврати Црвенковски.
Предлозите на Црвенковски до Груевски се четирите партии ВМРО-ДПМНЕ, СДСМ , ДУИ и ДПА самите да се договорат за петтемина кандидати за државниот Судски совет, а Црвенковски, за да се заврши работата, нема да инсистира на негови предлози на кои има право согласно со неговата надлежност. Исто така, Црвенковски рече дека за деблокирање на испраќањето амбасадори ќе се откаже од пазарот со премиерот што досега ја кочеше постапката и ќе ги прифати сите десетмина кандидати што ќе ги одбере Груевски од листата на професионални кадри со кои располага Министерството за надворешни работи.
Премиерот Груевски вчера немаше одговор до Црвенковски на последното писмо, но неофицијално високи структури од ВМРО-ДПМНЕ го обвинија Црвенковски дека „прави проблем од техничко прашање за местото на средбата“ и дека всушност зад тоа се крие игра на Црвенковски земјава да не добие позитивна оцена во извештајот од Европската комисија.
Европската комисија го пишува извештајот за напредокот на земјава во кој судските реформи и се' уште некомплетираниот Судски совет ќе бидат еден од елементите според кои ќе биде оценувана нашата земја. Меѓутоа, вчерашните настани не даваат знаци на оптимизам за вкупната политичка стабилност и амбиентот што владее во земјава.
Бранко Црвенковски и Никола Груевски во пинг-понг преписка
Компромисните предлози што ги предложи претседателот Црвенковски вчера се претворија во скандалозен пинг-понг со писма меѓу него и премиерот Груевски, со крајно неизвесно финале. Двајцата цел ден си разменуваа писма во кои ја изразуваа нивната подготвеност да се сретнат и да разговараат за итните државни теми, но остана нејасно дали средбата ќе се одржи. Груевски инсистира Црвенковски да дојде во неговиот премиерски кабинет, а Црвенковски одбива да ја прекрши политичката етикеција и бара премиерот да дојде на разговори во претседателскиот кабинет.
Циркусот почна некаде претпладнето кога Груевски писмено му испрати абер на Црвенковски дека ја прифаќа неговата покана да се видат и дека е првиот слободен термин му е утре, четврток, во 12 часот. Црвенковски, како што вели неговиот кабинет, зачуден што Груевски, и покрај итноста на темите, тактизира и ја одлага средбата до четврток, писмено му потврди на премиерот дека го прифаќа терминот за средбата и дека го очекува Груевски да дојде во неговиот претседателски кабинет.
„Во врска со вашата покана за средба во четврток на 20 септември во 12 часот, ве информираме дека, и покрај итноста на темите, го прифаќаме терминот и ве очекуваме на средба во кабинетот на претседателот на Македонија“, му напиша кабинетот на Црвенковски на Груевски.
На тоа уследи ново писмо од кабинетот на премиерот со кое Груевски го поправа претседателот и му вели дека средбата ќе се одржи, но во премиерскиот, а не во претседателскиот кабинет. Груевски, покрај тоа го покани Црвенковски и на средбата што наедно ја закажал со лидерите на четирите најголеми партии во земјава. „Ве поканувам, по заедничката средба која во координација помеѓу нашите два кабинета е веќе договорена за 20 септември (четврток) во 12 часот во просториите на Владата, да се придружите и да присуствувате и на средба со лидерите на четирите најголеми партии“, му напиша премиерскиот кабинет на Црвенковски.
Писмената реакција што следуваше потоа од страна на Црвенковски беше дека тој завчера јавно дал предлози за надминување на најважните прашања, како што е докомплетирање на Судскиот совет и назначување амбасадори и дека очекувал од Груевски јасен одговор дали го прифаќа компромисот или не.
„За жал, денес е втор ден како вие не се изјаснувате по вакви важни прашања за Македонија. Наместо тоа, почнавте ситни игри со тенденциозни писма кои водат кон опструкција на последните шанси за надминување на проблемот. Јас во таквите игри нема да учествувам“, порача Црвенковски во писмото потпишано лично од него.
Црвенковски, уште еднаш јавно го повика Груевски да каже дали се согласува со неговите предлози и ако се согласува веднаш да почнат консултациите со партиите. „Закажувањето лидерска средба в четврток попладне значи непотребно губење време кое го немаме“, му напиша Црвенковски на Груевски. На крајот Црвенковски му рече на Груевски дека е подготвен за средба со него, но, како што наведе во писмото, согласно со меѓународната и домашната практика, премиерот треба да дојде во претседателскиот кабинет.
„Се' додека за сите во земјава и во светот, освен за вас и вашите послушници, јас сум претседател на Македонија, проблемот е ваш, а не мој. Доколку во овој термин што го предложивте вие не се појавите во мојот кабинет, ќе сметам дека моите предлози се одбиени, а вие ќе ја поднесете одговорноста за последиците“, жестоко возврати Црвенковски.
Предлозите на Црвенковски до Груевски се четирите партии ВМРО-ДПМНЕ, СДСМ , ДУИ и ДПА самите да се договорат за петтемина кандидати за државниот Судски совет, а Црвенковски, за да се заврши работата, нема да инсистира на негови предлози на кои има право согласно со неговата надлежност. Исто така, Црвенковски рече дека за деблокирање на испраќањето амбасадори ќе се откаже од пазарот со премиерот што досега ја кочеше постапката и ќе ги прифати сите десетмина кандидати што ќе ги одбере Груевски од листата на професионални кадри со кои располага Министерството за надворешни работи.
Премиерот Груевски вчера немаше одговор до Црвенковски на последното писмо, но неофицијално високи структури од ВМРО-ДПМНЕ го обвинија Црвенковски дека „прави проблем од техничко прашање за местото на средбата“ и дека всушност зад тоа се крие игра на Црвенковски земјава да не добие позитивна оцена во извештајот од Европската комисија.
Европската комисија го пишува извештајот за напредокот на земјава во кој судските реформи и се' уште некомплетираниот Судски совет ќе бидат еден од елементите според кои ќе биде оценувана нашата земја. Меѓутоа, вчерашните настани не даваат знаци на оптимизам за вкупната политичка стабилност и амбиентот што владее во земјава.
