ДЕНЕСКА И ПИСМЕНА ПОТВРДА
Струмица останува прволигаш, макар и со младинска екипа!
Се помалку се дилемите дека екипата на Струмица ќе биде дел од следното издание на Првата лига. Иако процентот на "неиграње" на екс-шампионот се сведе на "нула", викендов се доближи скоро до "стотката" или оди кон неа.
"Како што е познато Струмица имаше рок до 26. септември да даде одговор дали ќе игра или пак нема да игра во следната сезона на Првата лига"- вели комесарот за натпреварување, Томе Димишковски. "Засега, веројатно за да се запази тој рок кој го одреди Здружението на Прволигашите, имаме само усмена потврда дека Струмица ќе го задржи своето право да игра во Првата лига. Но и најава дека во текот на денешниот ден, канцеларијата на Првата лига ќе добие и писмена потврда од Струмица дека ќе учествува во натпреварите од сезоната 2008/2009 година"- дополнува Димишковски.
Согласно со овие најави, тоа би требало да стави крај на сите недоразбирања кои траеја цело лето. Поточно од моментот кога раководството на клубот прво објави дека нема да игра во Балканската лига, а потоа и дека постојат само теоретски шанси Струмица да остане прволигаш.
"Мртвиот" летен период не донесе никакви промени во размислувањата на струмичани, а згора на се, тоа некако беше одложувано (беспотребно) поради ангажираноста на КФМ во и околу репрезентативните акции, кои дојдоа во преден план.
По нивното завршување тргна со работа и Здружението кое даде рок до кога може да се зборува за Струмица како сериозен конкурент во прволигашкото друштво.
А прашање е колку ќе биде сериозен настапот на екс-првакот ако се знае дека токму во летниот период останаа без екипа. Странците заминаа први, а еден по еден, Струмица ја напуштија и репрезентативните имиња како Дарко Соколов, Диме Тасовски, истото го стори и Виктор Крстевски
Можеби клубот на хартија и ќе постои, но прашање е како ќе функционира екипата која од 4. октомври треба да стартува во новото првенство, ако се знае дека во нецели десет дена треба да "оживеат", да покренат нешто што беше "мртво" цело лето.
Б. Радуловиќ
ДОКОЛКУ СТРУМИЦА ОСТАНЕ ПРВОЛИГАПШ, НЕ МОЖЕ ДА ГИ ЗАДРЖИ "СТАРИТЕ" ИГРАЧИ
Кој има исписница, може да си оди!
Пресвртот во размислувањата на струмичани, макар и за момент може(ше) да донесе нови моменти, поврзани со играчите кои летоска добија споразумен раскин на договорот.
Тоа посебно се однесува на тројката Соколов-Тасовски-Крстевски, играчи кои откако беше извесно "растурањето" на клубот, добија "слобода" да бираат нова играчка средина.
Тоа прв го искористи Дарко Соколов, кој ја прифати понудата која на негова адрса ја испрати раководството на Фени Индустри и потпиша договор со шампионот.
"Согласно со Регистрацискиот Правилник на КФМ, односно членот 21, играч кој добил исписница или согласност за раскинување на договорот со клубот, може да оствари премин во друг клуб до 72 часа пред било кој натпревар до вториот преодне рок. Играч може да оствари еден ваков премин во текот на првиот дел од првенството. Тоа кажува се за овој случај. Доколку овие играчи имаат валидни исписници од Струмица, може да остварат премин во било кој клуб. Но, доколку некој од нив го нема направено тоа, тогаш истиот останува играч на Струмица, и тоа под истите услови кои ги има во важечкиот договор со клубот за наредната сезона"- појаснува Комесарот.
Малку е за верување дека Диме Тасовски, кој сеуште е без ангажман, би се вратил во Струмица, нешто што важи и во случајот со Виктор Крстевски, кој исто така е слободен во изборот на нов клуб.
Ова ново "правило", на пример, веќе го искористи Дарко Радуловиќ, кој по "раскинот" со екипата на Фени Индустри се реши кариерата да ја продолжи, т.е да се врати во МЗТ ФОН Универзитет.
ја денеска шо пише у спорто шо значи сигурно играме