Се слагам со делот дека на нејзините граници постојано и се прави притисок, некогаш од надвор (Грузија, Украина, Балтик), некогаш од внатрешни струи (Чеченија, Дагистан, и тн). По природата на нештата, имаат најголема територија на планетата и 9 временски зони, граничат и со САД и со ЕУ, и Кина. Исто како што Русија се ширела низ различни територии и земала дел од други (Кина, Финска, Украина, Грузија и тн), така и други земји гледаат на Русија како закана или со свој интерес (или историски реваншизам, да речеме кај Кина). Исто се слагам дека можат брзо да се развијат ако управуваат правилно со ресурси и човечки капитал, имаат здрав правен систем (што е предуслов за здрава бизнис клима). Делот со кој не се слагам е демографија, мислам дека кај нив ова е голем проблем (иселување и низок степен на наталитет), иако може да компензираат.
Ако тврдам дека Русија треба да нема корупција и злоупотреба на моќ, тоа не значи дека тврдам Навални или Каспаров да дојде на власт. Ако ти кажеш Путин е добар, тоа не значи дека кажуваш Сталин треба да се врати и да ја стави пола Русија во гулаг нели.
Мојот став е следен, ако сака Русија да движи напред, во овој формат, не е во идеална позиција. Историјата и е: прво е царска империја, со мал слој ултра-богати, мала средна класа, и мнозинството селани во серфство, каде што селанот е роб на земјата на својот господар (на нашки кажано робовладетелство). Со векови сам својот народ, легално, го третира државата како роб. Не се индустријализираат, не се инвестира во образование и развој, и се касни еден век позади Европа која во тој период иде низ индустријализација, пазарни и системски промени. Прочитај за серфство во царска Русија и види како својот народ е третиран.
Потоа тој систем не е издржлив, има масовна сиромаштија и незадоволство и имплодира. Се случува граѓанска војна и имаш тоталитарен комунизам. Нема социјални нееднаквости, полека државата се индустријализира, али почетната точка и е многу зад западните земји пазарно и системски. Се врши репресија над свој народ (Солженицин има најдобра книга за ова, Архипелагот Гулаг) и се воведува економски систем (планска економија) кој едноставно не е компетитивен споредено со пазарните економии. И овој систем имплодира од внатре, не генерира на долги стази вредност, јака армија, сиромашна држава. Ова не е ради странски фактор, туку е одговорност и одлуки од внатрешното лидерство - не дошол Сорос да им инсталира планска економија, сами си ја бирале. Пошто имаш авторитарност, никој не смее да писне за системот и грешките во него, и да посочи што треба да се смени, така да истиот си постои со години, иако не им иде во корист (објективно гледано, животен стандард е доста низок во СССР, споредено со било која земја на запад).
Денес се движи кон автократија и се страда од доста внатрешни проблеми (одозгора на тоа државата има проблеми и од надвор). Овде не велам САД треба да ја превземе Русија или Русија треба да се распадне, или дека треба утре да биде либерална. Туку аргументот ми е дека ако сака Русија да биде компетитивна и да не движи на долги стази кон уште една имплозија или кризи, мора да носи огромни реформи (пазарни и системски, поготово врзани со судство и корупција). Ако движи кон автократија, единствено ќе може да функционира по моделот на Сингапур (што Кина го има копирано добро, и заради тоа е таму каде што е денес). Системот е строга, централизирана власт, со слободен пазар и мало, незначително ниво на корупција. Проблемот со автократија е, кога лидерот носи лоши одлуки, немаш механизам да го смениш (пошто цела власт е во негови раце). Утре ако дојде некој лик, калибар на Кадиров, Пригожин, или било кој друг лик што нема да работи во интерес на Русија, нема државата/луѓето да имаат механизам да го сменат. Ќе мора да прифатат се што им сервира и тоа не е добро за нив.
Момак, има разлика меѓу испратени дронови или терористички напад врз голема сила, и окупација и целосна промена на систем кој е нуклеарна сила, смешна дискусија е. Северна Кореа е педа земја меѓу 3 големи сили, никој не ја пипа, не па држава со 5000+ нуклеарки. Тоа што САД има свој техно-феудализам, не значи дека е во интерес на Русија да има олигархија. Ако кажам пицава во кафанава не ја бива, не е одговор "е да бе, а хамбургерот во другава кафана до нас што е за нигде? сто пати полош е". Овде дискутираме за Русија конкретно, ако САД има дефекти, тоа не оправдува дефекти во Русија нели и веројатно е друга тема на разговор.
