Не сум за укинување, но сум за ревизија на системот.
Да бидеме реални, 2026 година е, мора да има централизиран електронски систем за закажување прегледи и следење историја на пациентот. Не знам дали и сега постои таква можност, но јас би го отворила системот и за пациентите, да може да видат белешки од посетата, дијагнози, резултати од испитувања, упати кај специјалисти, рецепти за лекови. Значи скроз да се искорени папирот. За продолжување терапија на хронично болни, ако веќе мора, веднаш по завршување на прегледот, закажи нов за една година, да не мора пациентот сам да бара термин.
Приоритетен упат би укинала скроз, да не постои. Кој е навистина во животозагрижувачка состојба нека си оди на Ургентно. И Ургентно треба да се реорганизира, да се нормализира подолго чекање за случаи кои не се ургентни а по секоја цена сакаат да бидат прегледани. Нека чека и 24 часа доколку му се чека, се знае за што се оди на ургентно. Ќе ја дадам Шведска како пример пошто од тука имам искуство. На ургентно одам само ако знам дека состојбата е за таму, иначе заглавуваш и по цел ден. Пример касно навечер или викенд, а состојбата не може да почека да отвори матичниот. И тука не зборам за имал температура 38, па сега качил 40 и 2 часа не му се спушта. Зборам за респираторни проблеми, забрзано дишење, ненајден осип итн. И се тоа го правам во консултација со телефонска служба опслужувана од мед.сестри 24/7. Даваш симптоми, ти звонат со видео, даваат проценка на состојбата. Ама и мед.сестра тука со мед.сестра во Мк е небо и земја, мед.сестра тука има поголеми ингеренции и поголеми одговорности, врши тријажа, третира хронични состојби, има специјалности и во тоа поле и за така, некритични состојби многу често само и сестра може да заврши работа, нема потреба од доктор. Пошто дефицитарни се докторите и тука и насекаде низ светот. Тука пример е скроз нормално да се чека до 3 месеци за термин, тоа е и рокот предвиден со закон.
Сега во МК приоритетен се зема пошо на пациентот не му се чека еден месец за редовен преглед. И доаѓаме во состојба кај што еден доктор на пример, има 30 закажани прегледи во 8 часа преку мој термин, и уште 20 со приоритетен. Едноставно не е изводливо.
