Прво во 90тите ги разоружаа, сега ги поделија. Одговорноста за пропаста на Украина е на двете страни, кај Америка и Русија. Подеднакво виновни.
И кај нив е вината.
Кога државата ти се наоѓа во една сфера на влијание, во нивен случај руска, не правиш оштри вртења, секогаш тоа завршува најмалку со дестабилизација, но и со воен конфликт, особено кога имаш и етнички проблеми во државата.
****
Од сето ова соголување на политиката и соочување со реалноста, без разни дипломатски и идеолошки украси, да се види убаво оголено до срж како функционира светот, единствено им терам сеир на европјаните и нивните "големи" лидери.
Изгубени, се повеќе неважни (економски, војно, нови техонологии), не знаат што да прават, ќе се организирале, уште повеќе обединувале, ќе воделе независна политика. А доколку сакаат да направат такво нешто, ќе треба да креваат раце од трансатлантизмот, нивните гообалистички бајки, да заборават на досегашната улога, како привилегирана зона заштитена од САД и во ова геополитичко престројување, да бараат ново решение, да бидат партнери со САД, а не потчинети и да продлабочуваат соработка со Кина, Индија.
Е сега, колку изгледа реално такво нешто, колку можат да направат цврсто интегрирана Европа околу Франција и Германија, како стожери (сосема друга Европска Унија од каква што ја знаеме, која што ќе биде нешто налик на она што се зборува со години, ЕУ во повеќе кругови), некои воени, безбедносни сојузи, организаци чиј дел ќе биде и Велика Британија, се сосема дриги прашања.
Има премногу различни национални интереси во Европа, кои САД ќе ги користи за правење раздор и да си ги држи под контрола, додека се замараат со многу поважни работи за нив, Азија и Артик.
Нормално, најважен е судирот со Кина. Сега инвестираат во Русија, која сигурно не сака да биде доведена во целосно инфериорна положба во однос на Кина. Ниту една држава (освоено ако не е водена од идиоти) не сака да има сосед, кој утре може да биде најмоќна светска сила. Пробуваат Американците да играат на слична карта како Никсон и Кисинџер, тогаш им требаше Кина против СССР, сега Русија против Кина. Тоа немора да значи целосен отклон на Русија од Кина и прекин на секаква соработка.
Плус да не се заборави на Индија, која ќе станува се поголем фактор во наредните децении.
И Русија и Индија се соседи на Кина. Едно е кога ги имаш САД како убедливо најмоќна светска сила и пробуваш да го срушиш униполаризмот, но сигурно дека Русија и Индија, плус другите помали соседи, не сакаат нов САД во нивен двор или нешто налик на тоа.
