Кајганџиски книжевен предизвик за 2025 година

[jokoc]

9. As good as dead, Holly Jackson, 5/5 трета и последна книга од трилогијата A good girl's guide to murder



Леле луѓе какво финале! Олку добра трилогија одамна немам читано, од проста причина што уште од првата книга авторката не подготвува за тоа што следи во втората, ликот еволуира, се соочува со гнев роден од неправдата, растечка агресивност, а после втората книга и со PTSD, за сето тоа да биде одлично доловено и кулминарано во третата книга. Иако навидум, посебно првата книга делува тинејџерска, воопшто не е така.

 

[Анде Јанков]

1. Приказничар - Жарко Кујунџиски
Одлична збирка на раскази од Жарко, му доаѓа како еден постмодернистички обид за проширување на можностите на расказот како книжевна форма. Посебно ми се допадна расказот И јас сум Скопје, во кој што на еден смел и оригинален начин авторот зборува за општествените неприлики што го задесија нашето општество и главниот град. 4.5/5

2. Кад смо били млади - Оливер Ловренски
Книгава ја прочитав на хрватски, кај нас уште не е преведена. Лани направи мал бум низ Европа и во Норвешка, па ми беше на тапет веќе некое време. Арно ама, се гледа дека повеќе време се посветило на форма отколку на содржина (а не сум сигурен дека тоа е направено целосно намерно). Авторот е релативно млад, и верувам дека го искористил моментот на помодарство за да провлече еден просечен ракопис за современата младина во Осло, користејќи се со сленг и своевидна мешавина од поезија-проза. Иако не ми остави некаков преголем впечаток, книгата си има свои предности, посебно интересниот хумор и референцирањето на популарна култура на моменти. 3/5

 

[FilipMKD007]

1. На запад ништо ново - Ерих Марија Ремарк - 9.5

Феноменална книга со брутални описи на случуањата на војната и целата бизарност која истата ја носи. Исто така како секударен мотив би го издвоил и другарството, случката кога главниот лик правеше се да му е полошо за да го симнат и него на станицата на која ги симнуваа болните меѓу кои беше и другарот негов ми е премногу симпатична и ми ја згреа душата. Уште два моменти би сакал да издвојам но ќе ги поставам во спојлер за да не испадне дека откривам премногу за тие кои уште ја немаат читано. Првиот е анегдота повеќе, но вториот е нешто што ептен ме разниша, каква само животна ситуација. Сумирано, ептен многу ме потресе, прекрасно ремек дело, топла препорака...

Спојлер: Спојлер

2. 1984 - Џорџ Орвел - 9

Да се наежи човек колку се што е пишано е реалност во денешницата, некои работи се само повеќе спакувани од други, ама тука се присутни. Книга пред своето време. Книга за пркосот, желбата за неприфаќање на неминовното, желбата да се оди преку наметнатите граници, соочување со стравот. Слободата нема цена, се надевам дека некој, некаде, некогаш ќе е вистински слбооден, неостварената утопија на главниот лик. Одлична книга и задолжително четиво.

3. Животинска фарма - Џорџ Орвел - 9

Лесна кратка книга која брзо се чита, секоја страна е предобра и ништо не е вишок, но последните 2 страни се и целата поента на книгата и ја носат целата тежина на ова ремек дело. Кога ја читав не можев да не направам паралела со Македонија, цело време кружиме во круг, актерите само се менуваат а системот и начинот на водење е ист, секогаш се враќаме на почетна точка. Дури и делот кога сите животни забораваат и повеќе им веруваат на туѓите зборови отколку на сопствените очи/памет и тоа е пресликано во нашето општество. Уште една одлична прочитана книга, уживав во секоја секунда и ја препорачувам на тие што ја немаат прочитано.

 

[McLovin]

01. Лет над кукавичјото гнездо



Лет над кукавичјото гнездо е приказна за човек по име Рандл Макмрфи, кој доаѓа во психијатриска болница и почнува да ги менува работите таму. Тој е слободен дух и не сака да ги следи строгите правила на болницата. Со својата енергија и храброст, ги охрабрува другите пациенти да се борат за себе и да не се предаваат.
Книгата зборува за борбата меѓу поединецот и системот, за слободата и за тоа колку е важно да бидеш свој.
Го имам гледано и филмот. Исто како книгата, одличен!

5/5

 

[Saladin]

2. The midnight library - Matt Haig 4/5
3. The Broken Spears: The Aztec Account of the Conquest of Mexico - Miguel León-Portilla 4/5

 

[Saber Rider]

2. The travelling cat chronicles - Хиро Арикава (4/5)

Долго време ја барав книгата, како најдобро оценета книга во која мачките имаат главна улога. Ја најдов во Загреб, на хрватски и малку се измачив додека ја читав.
Уште една лесно читлива книга, која ја замислував малку поинаку. Напишана е од гледна точка на мачорот Нана, кој го добива името по опашот свиткан во форма на бројот 7 (нана на јапонски), но приказната повеќе се врти околу човекот кој ќе ја вдоми од улица. Поради негови лични причини (се дознаваат при крај на книгата, да не спојлеришам) после 5 години, мора да ја даде Нана на вдомување и тргнуваат на едно големо патување околу Јапонија. Посетуваат неколку негови пријатели од детството, како и неговата тетка. Низ приказните го дознаваме целото негово минато, а Нана прави се' за нејзиниот газда да не се одвои од нејзе. Мачорот ужива во глетки и пејсажи во текот на патувањата, морето, планините, убавите полиња на Хокаидо, снегот во Сапоро...
Приказната е доста предвидлива од сам почеток и книгата има тажен крај, кој колку и да го очекував, убаво ме погоди. Емотовна приказна за односот меѓу еден домашно милениче и неговиот газда, проткаена со хумористичен наратив на мачорот.
Мачорот и неговиот пријател делуваат мотивирачки слично како и библиотекарката од претходната книга која ја напишав во темава, само што кругот на кого влијаат не се непознати луѓе, туку познаници од минатото.
Убава книга за сите љубители на мачки, но засега "Мачешки писма" од Оја Бајдар ми е се' уште број 1.

 

[Saladin]

2. The travelling cat chronicles - Хиро Арикава (4/5)

Долго време ја барав книгата, како најдобро оценета книга во која мачките имаат главна улога. Ја најдов во Загреб, на хрватски и малку се измачив додека ја читав.
Уште една лесно читлива книга, која ја замислував малку поинаку. Напишана е од гледна точка на мачорот Нана, кој го добива името по опашот свиткан во форма на бројот 7 (нана на јапонски), но приказната повеќе се врти околу човекот кој ќе ја вдоми од улица. Поради негови лични причини (се дознаваат при крај на книгата, да не спојлеришам) после 5 години, мора да ја даде Нана на вдомување и тргнуваат на едно големо патување околу Јапонија. Посетуваат неколку негови пријатели од детството, како и неговата тетка. Низ приказните го дознаваме целото негово минато, а Нана прави се' за нејзиниот газда да не се одвои од нејзе. Мачорот ужива во глетки и пејсажи во текот на патувањата, морето, планините, убавите полиња на Хокаидо, снегот во Сапоро...
Приказната е доста предвидлива од сам почеток и книгата има тажен крај, кој колку и да го очекував, убаво ме погоди. Емотовна приказна за односот меѓу еден домашно милениче и неговиот газда, проткаена со хумористичен наратив на мачорот.
Мачорот и неговиот пријател делуваат мотивирачки слично како и библиотекарката од претходната книга која ја напишав во темава, само што кругот на кого влијаат не се непознати луѓе, туку познаници од минатото.
Убава книга за сите љубители на мачки, но засега "Мачешки писма" од Оја Бајдар ми е се' уште број 1.

Се сложувам и за Оја и за Хиро. Оја по препорака ја читав, така да не останав многу изненаден, но по мене една од најдобрите писанија за мачки општо. Оваа со Хиро беше буквален random pick, и пошто бев у такозвана мураками-ишигуро фаза ми дојде ко кец на десетка книжево. Има и уште една со мачки - Мачорот кој ги спаси книгите - Сосуке Нацукава, не е лоша ни таа иако е со бајковити предиспозиции. И секако Мачорот Боб на Џејмс Бовен е одлична feel good, mood boost книга. И И И да не забораам Dalai Lama's cat може тука да се стави во ист кош.

Ова пренесено од еден мачкатор кон друг.

 

[Saber Rider]

Се сложувам и за Оја и за Хиро. Оја по препорака ја читав, така да не останав многу изненаден, но по мене една од најдобрите писанија за мачки општо. Оваа со Хиро беше буквален random pick, и пошто бев у такозвана мураками-ишигуро фаза ми дојде ко кец на десетка книжево. Има и уште една со мачки - Мачорот кој ги спаси книгите - Сосуке Нацукава, не е лоша ни таа иако е со бајковити предиспозиции. И секако Мачорот Боб на Џејмс Бовен е одлична feel good, mood boost книга. И И И да не забораам Dalai Lama's cat може тука да се стави во ист кош.

Ова пренесено од еден мачкатор кон друг.

Ги имам читано и Мачорот кој ги спаси книгите (мислам ја имам опфатено во некоја од темиве од лани или пред 2 години) и Мачорот Боб. Вторава ја читав некаде во 2015 година. Се сложувам, двете книги би ги препорачал на секој љубител на мачки, иако во првава мачорот и нема некоја главна улога, повеќе фокусот е значењето на книгите.
Dalai Lama's cat не ми е читана, може да ја земам предвид во иднина

 

[Zlatikevichius]

04. Јод - Снежана Младеновска Анѓелков (Или Или, 2024)



„Јод“ е навистина краток роман (само 94 странички), но успева да начне многу теми низ нив. Ниту една од темите нема „епилог“, односно не одговара на некакви прашања, туку само ги поставува, што потиикнува дискусија подоцна од страна на читателите, па верувам дека затоа намерно се така оставени. Личи на автобиографска приказна, зашто опишува едно деноноќие (или две, не сум сосема сигурен) на авторка која е на резиденцијален престој во Сплит, Хрватска, за време на летните месеци кога е екот на туристичката сезона (исто како што и Снежана Младеновска Анѓелков била во книжевна резиденција во Сплит додека ја пишувала оваа новела). Авторката (раскажува во прво лице) имала на ум да пишува роман за македонските печалбари кои летните месеци ги поминуваат во Хрватска за да остварат поголема заработка, но наместо тоа, не можејќи да оствари средба со некои од нив, во романот кој го пишува раскажува за себеси, за настинката која полека ја зафаќа и ја става во полусвесна, луцидна состојба додека лута по улиците и плажите низ Сплит, за своите деца, сопруг, за она што го среќава низ Сплит - туристите и Сплиќаните, но и се навраќа на моменти од своето детство. Искрено, не ми остави некој особен впечаток и веројатно брзо ќе го заборавам, но во секој случај, според мене, ова е позрело дело, покомпактно и повеќе наликува на роман од „Единаесет жени“ - единственот0 нешто од неа што претходно го имам прочитано. Размислував да дадам 3 ѕвездички, но на крајот од романот има една кратка фантастична епизода која многу ме потсети на фантастичните раскази во стилот на Хофман, на пример, и која многу ми се допадна, па затоа една солидна 4/5 оценка од мене. Сметам дека ќе беше далеку поубав роман доколку се фокусираше само на една тема, вака се чини многу расплинет на малку страни и изгледа ко да му фали фокус. Или, да беше барем 50-тина странички подолг и да се обидеше подолго да се задржи на некои од темите, мислам дека пак ефектот ќе беше појак. Но солидно, зрело, во секој случај!

4/5

 

[Zlatikevichius]

05. Ехото на акробатите - Владимир Јанковски (Арс Ламина, 2024)



За да постои убава, складна сложувалка, соодносот на страните треба да е 3:4. Во таква сложувалка не можеш да имаш 100 пазли - или се одвишок или ти фалат (математички минимум 8). Плус, ако претходно си имал прекрасна сложувалка од Равенсбургер на која повеќето кои ја виделе и се восхитувале, не можеш да очекуваш со исто око да ја гледаат и таа која ко да си ја купил од Али Експрес, па и тебе не ти се допаднала, па си зел уште 2 други и од трите си пробал да направиш една...

...а при тоа си изгубил минимум 8 пазли!

2/5

 

[McLovin]

02. The Winter of Our Discontent - John Steinbeck






Зимата на нашето незадоволство е роман од Џон Стајнбек што зборува за моралните дилеми и борбите на обичниот човек. Главниот лик, Итaн Хоули, некогаш бил од богато семејство, но сега работи како продавач во продавница, која некогаш била сопственост на татко му, и се соочува со притисокот да успее во животот. За да го постигне тоа, тој мора да направи компромиси со своите морални вредности.

Многу бавно почна книгата, кон крајот значајно го дигна темпото. За разлика од другите книги на Џон, оваа не ми привлече некое посебно внимание. Многу еднодимензионална и предвидлива ми се виде. Како последен негов роман, сигурно писателот сакал да ги научи читателите и на некои морални вредности.

3/5

 

[jokoc]

2. The midnight library - Matt Haig 4/5
3. The Broken Spears: The Aztec Account of the Conquest of Mexico - Miguel León-Portilla 4/5

Midnight library ми е преценета книга. Од старт го знаеш крајот и поентата, а цело дејство врти во круг и се повторува. Ако ти се допадна, побарај ја The humans од него, многу е забавна за читање.

 

[Saladin]

Midnight library ми е преценета книга. Од старт го знаеш крајот и поентата, а цело дејство врти во круг и се повторува. Ако ти се допадна, побарај ја The humans од него, многу е забавна за читање.

Midnight library у старт знаев како ќе вози тематиката. Ради концептот ѝ дадов повисока оценка. Инаку The book of form and emtiness на Ruth Ozeki е 3 нивоа над оваа. Сличен концепт но многу подлабоко навлегува во човековата психа. Топла препорака.

 

[SK-92]

Одамна неам прочитано книгa, многу гејмам периодов.
Секако, тоа не ме спречува да купувам нови па така им направив промет на Литература.
Ја купив "И јас сум Сирма" од З.Спасов Ѕоф.
Авторот ми е познат само по тоа што објави една книга, може и да го згрешам насловот ама ме мрзи да гуглам сеа. Некако џабе живиш у Скопје така нешто. Небитно.
Бев хајпнат за книгава, особено што авторот ја ословува како "оче наш за секој македонец"
Епа не баш. Имал добра идеја Ѕоф ама реализацијата е лоша, особено вториот и третиот дел.
Од преселбата на старите словени не носи до Ѓоковиќ и Јокиќ.
Особено ме изнервира кога пробува авторов да се изразува како форумџија. Да ми беше мене целта да читам нешто само колку да се рече читам, ќе отворев некоја од политичките теми и ќе го прочитав релативно истото, на ист начин напишано. Авторот пола книга тера еден стил, пола книга друг стил. Од важни историски моменти до кафана и кладилница.
Големо не од мене. Имам уште многу што да пишувам за книгава и авторот ама ќе ми одземе многу време а не вреди.

 

[jokoc]

10. Цртежи од темнината, автор Џејсон Рекулак мистерија 5/5

Оваа книга ги има сите елементи на добра мистерија, постепено градење атмосфера преку запознавање на ликот и мистеријата -замисленото другарче на детето и цртежите кои тоа ги слика, одлична локација -изолирана куќа со огромен двор близу шума, и мистерија од минатото.

11. Риба вон мрежа, Јована Матевска Атанасова YA 4/5 Темата е интересна, што без телефон?, тинејџерка -наша австралјанка која лута по Охрид барајќи ја куќата од баба ѝ. Повеќето забелешки ми се како Охриѓанец, односно кон местата и движењето, кон континуирано користење на охридскиот дијалект, дури и кај тинејџерите од охрид. Син ми е тинејџер и зборува англиско-македонски а не охридски.


12. Woow Omnibus, Hugh Howey sf 4/5 На оваа книга е базирана серијата Silo и морам да признам дека серијата е подобра од книгата. На книгата и фали подобро обработени ликови за да можете како читател да се поврзете со нив, да се грижите за нив, а авторот ги убива со референци во дијалог.


13-14-15 Attack on Titan v.1-3 manga 4.5/5 Првиот дел изгледаше како доста да се повторува, опишувајќи го светот, моралите, и прчесто нагласување на стравот, но од средината на вториот дел, веќе добиваме нешто друго и ете... јас сум навлечен


16. Engleby, на Sebastian Faulks 2/5 трилер Ја читав како референца за книга со unreliable narrator и едвај ја истуркав до крај.



17. Страшни приказни, Сузана Камберова 4/5 Група луѓе пред оган завеани од снег си раскажуваат страшни приказни, но всушност следиме само една приказна на еден лик. Стилот на пишување и изразување на Сузана пријатно ме изненади, но проблемот за мене беше нарацијата. Од старт знаеме дека ликот кој раскажува преживеал, како и тоа што почнува како мистерија/ хорор а се претвара во правна драма, додека крајот е предвидлив.