Кој ти црн народ покажува пари ?
Единствени кои покажуваат пари се криминалците и политичарите кои ги перат нелегално стекнатите средства преку градежните офанзиви.
Над половина од сите нови станови низ Скопјево се празни, едни се таксани за издавање под кирија, други се таксани за продавање по што е можно повисоки и напумпани цени во иднина. Им се исплати на криминалците да ги држат становите празни, ако денес метар квадратен се продава по 2000 евра, за 2 години од сега ќе се продава за 3500 евра, ако не и за 4000 евра. Ем веќе си го испрале нелегално стекнатиот капитал, ем ќе си остварат уште поголема добивка за 2 до 3 години од сега.
Единствените кои покажуваат пари, а да не се криминалци или политичари, се исклучоци, како што се странските доселеници како Холанѓаните кои го сардисаа Охрид, или некои македонски емигрант кој од досада се вратил тука - лично запознав таков пред 2 години, живеел и работел во Канада повеќе од 10 (ДЕСЕТ) години, но сега се враќа во Скопје бидејќи иако во Канада имал и работа и добра плата, сепак животот во Канада му бил досаден и неинтересен - или луѓе од внатрешноста кои или распродале што имале во родните краеви, или се презадолжиле кај банките или кај приватните лихвари за да се преселат во Скопје во потрага по работа или по можност за фаќање џаде во странство - па сепак тука е аеродромот и меѓународна автобуска станица Скопје од каде што можат да фатат џаде за Белград или за Приштина, а од таму нареден правец централна или западна Европа. Охрид иако има аеродром сепак е полупразен во поголемиот дел од годината, а вака додека се во Скопје ќе најдат некаква работа за да крпат од први до први.
Еве пријателка на моите која инаку потекнува од Македонска Каменица, но со сопругот се преселија во Охрид пред повеќе од 20 години, кога ќерките и` завршија средно таму некаде во 2020 или 2021 година го убеди татко и` да извади кредит за да купи стан во Скопје за ќерките да не биле сместени под кирија додека студираат на факултет во Скопје. Дедово на стари години извади кредит, стави куќа под хипотека, продаде нива и што уште не, за внукиве да имале сопствен стан во Скопје.
Тоа не е покажување на пари, тоа е исклучок на шаблонот кој се повторува: криминалците и политичарите ги перат нелегално стекнатите средства преку изградба на објекти, преку продавање на станбени и деловни простории по нездраво високи цени, или преку издавање на станбени и деловни простории под кирија, исто така под нездраво високи цени.
Во темелите на секој нов објект низ Скопјево се кријат организиран криминал и корупција, или инвеститорот е криминалец или има криминалци за партнери, или е обичен смртник кој начекал можност да гради, но сепак морал да потплати некаде за градежна дозвола.
