Вечна и` слава !!!
Во време кога македонскиот народ и македонската држава се` под постојани политички напади од страна на соседите, македонските историчари спаѓаат меѓу ретките вистински бранители на македонската историја и македонскиот национален идентитет, од кои македонските (наводно се декларираат како македонски) политичари од поодамна се` откажаа и не го бранат ниту по дома, ниту надвор од границите на татковината.
https://mkd.mk/pochina-nade-proeva-istoricharkata-koja-znaeshe-se-za-antichkite-makedonci/
Почина Наде Проева, историчарката која знаеше сè за античките Македонци
7.11.2024 20:01 часот
Вчеравечер, на 6 ноември 2024 година почина Наде Проева, историчарка, универитетска професорка од Институтот по историја на Филозофскиот факултет при УКИМ, експертка по античка историја.
Нејзина особена професионална специјалност беа Историјата на стариот век, и Историјата на античките Македонци, предмети што до пензионирањето им ги предавала на студентите по историја. Професорката Проева важеше за бескомпромисно принципиелен научник, секогаш на страната на историската вистина и на историската правда. Нејзините студенти ја паметат како професорка која целосно одговора на описот „строг, но правичен учител“. Нејината книга „Историја на Аргеадите“ (2004) е прв учебник за историјата античките Македонци и прв напишан учебник за студентите на катедрата за Историја.
Наде Проева е родена на 9 септември 1949 година во Ресен, каде завршува средно образование – гимназија. Дипломирала на античка археологија во 1973 г. на Филозофскиот факултет во Белград со тема „Четири необјавени доцноантички некрополи од околината на Прилеп“.
На Филозофскиот факултет во Белград, во 1978 година ја брани магистерската тема: „Типологија на надгробните споменици во југословенскиот дел во римската провинција Македонија“, а во декември 1992 на групата за историја и докторската теза: „Влијание на доселениците на развојот на културните прилики во римската провинција Македонија“.
Од 1979 до 1981 била на специјализација во Париз, на Универзитетот Сорбона, каде што се здобила со диплома за продлабочени студии од областите епиграфика, нумизматика и религија.
Повеќе пати била на студиски престои во странство: Полска (1977), Француска археолошка школа во Грција (од 1992 речиси секоја година), Француски институт во Истанбул (1993), Австриска академија на науките (1998), Универзитети во Нанси и во Нантер-Paris X и др.
Учествувала на меѓународни научни собири во Франција, Канада, Србија Бугарија, Хрватска, Естонија, Русија, Романија, Италија, Полска држела предавања во Хрватска Словенија, Франција, Холандија. Исто така учествувала во ископувањата на антички и средновековни локалитети во Македонија, Србија, Полска и Грција; во проекти на Археолошки институт во Белград, на МАНУ, на САНУ и на Берлинската академинја на науките. Како визитинг – професор има одржано предавања на универзитетите во Франција (Нанси, Нантер-Paris X), како и низа јавни предавања за разни прашања за античките Македонци.
Професорката Наде Проева, до последните денови од својот живот беше ангажирана преку свои критички текстови и публикации за праведно решение, за како што велеше – „неправдите што современата политика ги нанесува на Македонија, Македонците и македонскиот национален идентитет“.
https://lider.mk/pochina-najgolemat...va-kje-bide-zakopana-na-grobishtata-vo-butel/
Почина најголемата експертка за Античка Македонија: Професорката Проева ќе биде закопана на гробиштата во Бутел
08.11.2024. 19:28
Семејството ја информира јавноста дека погребот на проф. д-р Наде Проева ке се изврши на Градските Гробишта Бутел во Скопје во Недела, 10 ноември 2024 година.
Погребната церемонија ќе започне во 13:00 часот.
Проева важи за водечки светски експерт за Античка Македонија призната и во Грција како еден од најдобрите познавачи на оваа историска област.
Професорката Наде Проева од Катедрата по историја на Филозофскиот факултет во Скопје која важи за најголем експерт за Античка Македонија ќе биде закопана на гробиштата во Бутел.
Која е професорката Наде Проева?
Родена е во Ресен на 9 септември 1949. Таа македонска историчарка и класицист, редовна професорка на Универзитетот Св. Кирил и Методиј, при Филозофскиот факултет на катедрата за историја во Скопје.
Нејзиниот научен интерес првенствено е насочен кон историјата на Античка Македонија, со своите научни трудови придонесе за развојот на историската наука, особено во делот за антиката кој долго време беше пренебегнуван од разни причини.
Родена е на 9 септември 1949 год. во Ресен, каде завршува средно образование – гимназија. Дипломирала на античка археологија во 1973 г. на Филозофскиот факултет во Белград со тема „Четири необјавени доцноантички некрополи од околината на Прилеп“.
Од 1 декември 1973 до 1 март 1975 г. работи како кустос во Народниот музеј во Прилеп. Во јуни 1978 г. на Филозофскиот факултет во Белград ја брани магистерската тема: „Типологија на надгробните споменици во југословенскиот дел во римската провинција Македонија“, а во декември 1992 на групата за историја и докторската теза: „Влијание на доселениците на развојот на културните прилики во римската провинција Македонија“.
Од 1979 до 1981 била на специјализација во Париз, на Универзитетот Сорбона, каде што се здобила со диплома за продлабочени студии од областите епиграфика, нумизматика и религија.
Од 01.03.1984 г. избрана е со звање – предавач на Филозофскиот факултет во Скопје (Институт за историја) за предметот Историја на стариот век, а од 1993 и за доцент на предметот Историја на античките Македонци, a се пензионариала како редовен професор.
Повеќе пати била на студиски престои во странство: Полска (1977), Француска археолошка школа во Грција (од 1992 речиси секоја година), француски институт во Истанбул (1993), Австриска академија на науките (1998), Универзитети во Нанси и во Нантер-Paris X и др.
Настапувала на меѓународни научни собири во Франција, Канада, Србија Бугарија, Хрватска, Естонија, Русија, Романија, Италија, Полска а држела предавања во Хрватска Словенија, Франција, Холандија.
Уредник е на две едиции: Miscellanea Byzantino-macedoniaca (1.1 и 1.2); Historia Antiqua Macedonica (HAM no 11, при што за сите напишала предговор, забелешки, индекси, изработила карти). Во едицијата Historia Antiqua Macedonica се објавуваат книги за историјата на античките Македонци при што за сите напишала предговор, забелешки, индекси, карти, a „Историја на Аргеадите“ (2004) е прв учебник за историјата античките Македонци и прв напишан учебник за студентите на катедрата за Историја. За Expo 2000-Hanover ја подготвила книгата Natural and cultural monuments, Skopje, 2000. Има преведено три книги преведени од француски на македонски јазик.
Член е на редацијата на две меѓународни списaнија што излегуваат во Белград (Зборник Народног Музеја Београд) и Загреб Радови Института за хрватску Повјест, Филозофског факултета ). .
Учествувала во ископуањата на антички и средновековни локалитети во Македонија, Србија, Полска и Грција; во проекти на Археолошки институт во Белград, на МАНУ, на САНУ и на Берлинската академина на науките. Како визитинг професор има одржано предавања на универзитетите во Франција (Нанси, Нантер-Paris X), како и низа јавни предавања за разни прашања за античките Македонци.
Постојано работи на популарицација на историската со учество во бројни радио и ТВ емисии, како и написи, прикази на книги и интервјуа во дневниот печат.
Добитник е на Орденот Витез за академски палми (Chavalier de palmes academiques) од владата на Република Франција.
Проф. д-р Наде Проева
9 септември 1949 - 6 ноември 2024
Лесна и` земја
нека почива во мир !!!
R.I.P.
off.net.mk
