Со трансферот на Донгмо, според спортскиот директор се завршува трансфер периодот за нас, кој правеше трансфери, кои менаџери и агенции предложуваа играчи, кој даваше зелено светло и дали ќе погоди некој играч допрва ќе видиме, се надевам знаел што прави и не почнал да копа гроб на клубот уште во првиот месец, во спортивно тоа приватното обезбедување стварно ќе има работа.
Како и повеќето навивачи, очекував по квалитетни и проверени имиња, после првичната еуфорија за новиот спонзор, најавите за враќање на старите патеки, трансферот на Најдоски, шпекулациите за Николов, мислев дека ќе проложиме со засилувања од тој тип, останатите што потпишаа сите се со многу прашалници, скоро за сите никој ни слушнал ни видел до сега, потпишани на муабет со надеж дека ќе се погодат.
Ростерот:
Голмани: Гача, Мето
Штопери: Ѓуриќ, Најдовски, Мишко, Ѓурковски.
Бекови: Брдаровски, Велковски, Чосиќ, Здравковски.
Средина: Мицевски, Донгмо, Дошев, Блажевски, Николовски, Цветков и Константино.
Напад: Закариќ, Дианеси, Ким, Шаркоски, Костов, Омерагиќ.
Закариќ има некое CV позади себе, настапи и успеси во сериозни клубови во балкански рамки, за брзо ќе полни 32 години, последните две сезони кариерата му оди во надолна линија, последната полусезона во Борац на 17 натпревари постигнал 1 гол, вториот дел од сезоната бил кратко во Саудиска Арабија и после неколку месеци во Задар во ТРЕТА ХРВАТСКА ЛИГА, минатата сезона ја поминал во клуб што испаднал од втора грчка лига, 5 гола имал цела сезона на 28 натпревари, ептен удолница фатил последните години, тука го планираме главен играч да биде, се надевам дека има уште фудбал во него и дека ќе има мотивација за игра.
Сонародникот негов Чосиќ офанзивно не верувам дека може да има удел во играта како Глишиќ, дефанзивно ќе брка работа, Кореецот е најголема енигма на сите, некако сомнителен трансфер, за него кажав и кога потпиша дека може да биде тотално промашување, јасно е дека нема некој посебен квалитет, како ќе се вклопи во екипата, менталитетот на луѓето, навивачите, искрено ми делува дека ќе се изгуби, ништо чудно и да ја здувне уште во првите месеци, детето Костов што потпиша од Брера веројатно ќе има помала минутажа, ќе влегува како младинец, Шаркоски ќе биде ротациски играч, ќе добива минути во моменти кога ќе чуваме резултат.
За крај намерно ги оставив Дианеси и Донгмо, во овие двајца ќе се крстиме и од нив главно ќе зависи во кој правец ќе ни оди сезоната, првиот имал добри сезони пред повредата, сега прашање е во каква форма ќе биде и колку е спремен, вториот е уште доста млад и нема некое искуство со претходни клубови, тешко е да се процени за каков играч се работи, во младинската репрезентација на Камерун има само еден настап на пријателска пред 2 години, не е воопшто стандарден репрезентативец, не знам што да кажам, со ваквите трансфери никогаш не се знае, вреди да се пробаат ама не знам колку е паметно да се ослониме само на нив, сите сценарија се отворени, се надевам ќе ги славиме на крај.
Би го спомнал и Панта, ако ја врати формата тој ќе биде најголемо засилување, класа играч за наша лига, респектиран од навивачите, тој ќе биде лидер на екипата и на терен и во соблекувална.
Горе доле тоа е тоа, оставам простор дека покрај стандардната 4-3-3 според која мислам дека е граден составот, Горазд може да проба некоја формација 4-4-2 со Панта, Пато, Дошев и Донгмо во средина, Закариќ и Дианеси во напад или 3-5-2 со Брда по офанзивно и Ким од другата страна да ора по терен, може и Шаркоски тука да се уфрли во некоја варијанта.
Често овде се покренува дискусија кој бил оптимист кој песимист и скоро секогаш и едната и другата страна одат во некоја крајност, од освојување титула до испаѓање од лига, реалноста е дека сме нешто помеѓу, јасно ни е скоро на сите(барем тие што колку - толку пратат домашно првенство) дека ова не е состав што лесно ќе ги оствари целите што се споменуваат уште од сега, после првите неколку кола ќе станат многу работи појасни и ќе видиме до каде сме, многу луѓе што по коментари се спремаат да слават титула, а немаат дојдено на стадион 5-6 години ќе се разочараат, се плашам само целата еуфорија што се створи кога се официјализираше спонзорот да не се одрази негативно и да пукне тиквата, уште од сега има многу луѓе кои се накостршени спрема Миленко(за некои работи и со право), војна со навивачите, бркање управи, протести, бојкотирање, скандирања против управа и така натаму се нешто што ни е најмалку потребно во оваа ситуација, се надевам дека за ова се свесни и двете страни и нема да се доведеме во несакани ситуации.
Последните сезони дечките што ја водат групата направија се што е во нивна можност, што и да се случи не смее да се каже лош збор за нив, на нас останатите ни останува уште на почетокот да се истуриме на трибина во голем број и да дадеме подршка на клубот, да тргне работата, доста беа баражи, муабети за долгови, згаснување на клубот и останати црни сценарија, следуваат подобри денови за сите нас.
За крај нека е среќен роденденот на нашата гордост, 77 години традиција, љубов, среќа, македонштина, пренесувана од татковци и дедовци, од колено на колено, од постар на помлад, од генерација на генерација, така нека продолжи до вечноста.