Премногу ми е мило што ги тепаја Сити, им скинавме планиран трофеј
. Еве причина плус да ги порачам сите сликички што ми фалат од тимов во Панини ПЛ албумот за 2023/24, па нека остане спомен за деца и внуци, дека овој бил најлошиот Јунајтед последниве децении, ама сепак лапнал ФА куп
. Е сега околу смената на менаџерот....мислам Тен Хаг се коцкаше во вториов дел од сезонава откако стана јасно дека ќе биде претешко да се постигне солиден резултат на било кое поле, што од повреди, што од недисциплина на поединци, итн.. Играше со тоа што го има на располагање, па ред е да му се дадат заслуги за купов, пошто сепак и тоа не е лесно да се освои, ако се знае дека е посакуван трофеј од било кој клуб од Англија, не е како лига купот. Знае(ше) дека ако го избркаат, секако добива голема отштета, но и дека со овој трофеј ќе им даде ултимативна причина на газдите да го остават уште 1-2 сезони да продолжи да го гради тимот. Нека не го потценат и фактот што овој куп им обезбеди и ЛЕ што не е мала работа и од натпреварувачки но и од финаниски аспект, ако се знае дека пред неколку кола прежаливме и ЛЕ и КЛ, а ЛШ одамна се знаеше дека е недостижна. Заради тоа, заслужува уште една шанса, затоа што го има моментумот за да продолжи. Нов менаџер би било почнување од 0. Ќе се исчисти троа ѓубрето сега, троа во Јануари можда и конечно да се надеваме дека ќе погодиме 2-3 солидни засилувања и ете не во борба за топ 4. Да не заборавиме дека сезонава ги добивме Гарначо и Мејно, што не е мала работа. Допрва треба аир да видиме и од Маунт. По мене, играчи кои треба да си заминат, покрај Марсијал и Варан кои се сигурни за заминување, се Каземиро, Линделоф, Ериксен, Еванс. Приоритет треба да се штопер (Редклиф треба да го среди Тодибо лесно) лев бек (желба ми е Тео Ернандез од Милан), замена за Каземиро и Ериксен и уште еден шпиц. Десен бек ќе мора да се трпи тоа што имаме, али во следни две години, најверојатно ќе треба еден од Бисака или Далот да лета. Мајно треба да се зацементира во средината и да му најдат добар партнер, и тоа поискусен, ама не толку како Каземиро, со 32 год. Е сега ако решат да прават подлабок рез за да обезбедат повеќе прилив, тоа значи да лета и еден од Рашфорд или Фернандеш. Ако мене ме прашувате, сум да остане Фернандеш, ама од друга страна тој е највредниот наш играч кој лесно може да донесе 80ина мил акооди во С. Арабија. Ќе треба тоа новите директори добро да го измозгаат и да пресечат. Внимателно треба да се следи и ЕП и да се грабне некој ветувачки потенцијал.