Не викам дека е будала, напротив, направил одличен потег, исто како и другите. Да сум на нивно место и јас би отишол. Па и подобри држави од нас не можат да задржат талентирани луѓе, што е и нормално. Би било безобразно да со сила да се држат или нерационално за мак услови да им се даваат големи плати само за да останат дома. Па и на секој уметник треба да му е амбиција да се докаже во градовите кои што се центри на културата, дали европски или светски.
Но, мене најинтересно ми е тоа што викаш дека не се будали парите да ги трошат така што ќе помагаат култура во МК, а ние сите треба да бидеме будали и без поговор да дозволиме од нашите плати да одат пари за култура. Тоа е лицемерно и тоа ептен. Ако мислиш дека државата треба да зема од мои пари и да одат за култура, а според ова што го пишуваш, мислиш дека и ова сега е малку, тогаш не разбирам зашто некој што се бави со уметност и успеал надвор не би финасирал разни проекти во Македонија?!
Јас ниту сум член на ДПМНЕ, нити некогаш сум гласал, а има милион работи за кои им замерувам, но не знам зошто се буните во култура, кога никогаш во Македонија не оделе повеќе пари за таа дејност. Зголемени се платите, направени се нови згради каде се сместени разно-разни институции, запослен е нов кадар (веројатно и таму најчесто се запослуваат со врски и книшка, како и на други места)...
Мислам дека е доста, веќе не треба да се зголемува буџетот за култура, кога ќе се заврши со градбите треба и да се намали. Барем додека не ги вратиме повеќето од долговите и не набркаме еден куп неработници во администрацијата. Тогаш ако има вишок, нека оди за култура.
Има и други подобри начини, како даночно ослободување/олеснување за инвестирање во култура. Така ќе се исперат малку пари кои што дремат неактивни, а и ќе се снимаат доста серии, филмови, ќе има за претстави, концерти... Богатите и заради престиж ќе даваат во култура, како на запад.
Но, сега не гледам друг начин, освен и ’културњаците’ да ја делат судбината на народот од кој земаат примања. А балерините земаат и по повеќе од две просечни плати, жените ако не работат во администрација, земаат околу 10 000 денари во просек...
Дајте малку усул...
