Wow, постот ти е just wow.
Прва работа што сите заборавате, ние сме многу мал пазар и парите се ограничени т.е освен храна и облека нема некој друг посериозен бизнис во мкд. Друга работа што забораваме е дека над 60% од вработените земаат плата од 8-20.000.
Од тука остануваат многу мал број на луѓе да си дозволат да одат на било каков културен настан барем еднаш неделно и да допридонесат за културата, а со тоа и учесниците во неа да заработат, со оглед на тоа што не сите преферираат балет, театар и слично.
Затоа треба државата, да издвои пари и да тие пари се многу малку од причина што кај нас и најплатените професии како банкар или ИТ, земаат плата со која може да обезбедат пристоен живот.
А тие споредби што ги правиш, се многу глупа работа од причина што балет/глума/музика треба талент и вежбање и ако е толку лесно земи вежбај.
Да ти кажам една многу лесна професија што земаат многу пари, а не прават ништо ? Тоа ти е бачко, полицаец во внатрешноста и тоа Источна и Јужна Македонија, на пример, Берово, Делчево, Свети Николе и слични мали градови. Тие земаат од 20-30 к денари плата и постојано се по кафани и скоро пола од нив имаат приватен бизнис, како и тоа дека на 55 одат во пензија.
Барем кога правиш споредба направи со некои што навистина не заслужуваат за платата и за што не треба многу мислење (келнер донеси една даска мешана скара и шише ракија)
wow, wow, ау, ау, мјау, мјау, ав, ав...
Утнат ти е постот, мене главната теза не ми е дека не треба да се дава за култура, туку дека тие треба да ја делат судбината на народот, дек треба да се свесни дека живеат на туѓа сметка, па затоа не треба да се бунат, посебно кога видов дека се добро платени, мислам за наши услови, земаат доста повеќе од просечната плата, дупло повеќе, а имаат и други поволности.
Иако ова теза дека треба да се дава немам цврсти аргументи да ја бранам, но ќе прифатам дека како општество сме направиле некаков таков договор, и покрај тоа што не сме. Но, ете, да се сложиме дека е потребно.
Понатаму... Јас напишав дека ако некаде првин треба да се крати тоа се административците кои се еден куп, а не работат ништо, има дури и оние што не треба ниту да се разбудат и да отидат на работа во 8, седат дома и земаат плата.
Исто и во полицијата има премногу вработени. Но, знаеш што е работата помеѓу полицијата и културата. Граѓаните сакаат некој да ја врши дејноста што ја вршат полицајците и скоро сите ќа ангажираат приватни агенции кои ќе го работат истото тоа што го работи полицијата, но многу мал дел ќе ангажира/подржи приватна агенција која ќе ја врши дејноста на институциите под Министерството за култура... Дури и кога би давале за култура на дневно, месечно и годишно ниво (карта, даноци и сл), сигурно тоа не би била ваква култура каква што денес сака да им продаде мин. за кул.
Ајде сега дајте Моцарт кугли и налејте француски коњак... (зашто, нели, култура)[DOUBLEPOST=1427039219][/DOUBLEPOST]
Културата е најдобар претставник на една нација, уметниците имаат доста тешка задача-да го претставуваат својот народ пред светот достоинствено и затоа нормалните општества високо ги ценат своите уметници. Не е ни чудо што многу млади таленти од кај нас фаќаат патот надалеку. Капак на тоа што се платени помалку од своите колеги во странство, од сопствениот народ подлежат на зајадливи критики затоа што се бават со професија што ја работат со пасија.
Не ме чудат коментариве. 500 години сме биле неписмени мрсулковци без ниедно отворено училиште. А сега сеуште сме неписмени мрсулковци со училиште на секој агол.
Јас сум убедена дека истите коментари би ги насочиле и кон луѓе што се занимаваат со наука и слично, доколку се финансираа кај нас научни истражувања.
Вајда глупи биле на западот што ги финансирале Бетовен и Моцарт, и во Русија што Болшој го финансирале многу благородници.
И да, имаме поголеми проблеми од тоа колку една балерина зима плата.
Добро, зошто имаш потреба да заземаш ваков став и од висина да ни објаснуваш на нас простите? Како што вели баба ми: ’Сум идела и јас два дена во школо’. Така и ние сме биле на некои ’културни настани’ и тоа не само во мк, туку и надвор, а сме прочитале и некоја книга. Но, дури и да не сме го направиле сето тоа, непотребно е да ни доцираш вака професорски и од позиција на морална супериорност.
Ах, тие муабети за ’претставници на нацијата’. Се изнаслушавме еден куп муабети изминативе години за разни македонски амбасадори, од ’културњаци’ до манекенки. Тоа е само доказ колку имаме менталитет на касаба, и како од секое промочување надвор од границите правиме производ за национална гордост.
Но, нешто не ми текнува на голем број Македонци кои успеале надвор, ако веќе тука не сме знаеле да ги цениме, а биле огромни таленти. А уште помалку ми текнува на проект кој што излегол од македонските институции, значи финансиран од државата и постигнал успех надвор од границите. Има уметници што постигнале некој успех во странство, но не затоа што имале помош и сигурна плата, туку затоа што ризикувале да седат во соба 2 на 2, да отидат илјадници километри далеку од Македонија и да покажат што знаат. Значи, не затоа што некој ги чувал како бели мечки, затоа што биле талентирани, а плачеле дека никој не им го цени талентот, туку успеале затоа што биле спремни да ризикуваат, да бидат надвор од институциите кои нудат сигурност (а во чии рамки ретко се создава добра уметност), биле спремни се да жртвуваат. Како проект подржан од нашите институции кој постигнал успех, ми текнува само на ’Пред дождот’, мислам дека Вардар филм го подржа финансиски, иако не ми текнува колкав беше тој дел.
Всушност, најголемите дела во уметноста се настанати надвор од институцијата која се вика Министерство за култура. Таа институција е релативно нова и прв пат е воведна од комунистите во Русија, затоа што мислеле дека културата е добар начин за обликување на народот. Најголемите писатели и уметници кога ги создавале своите дела немале сигурност, биле во немилост, надвор од институциите, или чекале милост да најдат од некој мецена.
Околу 500 години и неписменити мрсулковци (тогаш и денес)... Интересно е што тој период и не бил толку пуст за културата. Ние како народ, тогаш сме направиле поголеми дела со кои може да се пофалиме отколку од ’45 до денес. Со што да се пофаилме ако не се тие цркви, фрески, резби?! Што би му покажала на некој од странство кога ќе дојде во Македонија, нешто од македонската современа уметност?
А како се создавала тогаш уметноста? Така што еден талентиран ќе собере своја тајфа, ќе направи некаде нешто, ќе се расчуе дека е добар и ќе го викаат од едно до друго место низ целиот Балкан. Без да стои Министерството за култура позади нив.
Прочитај го уште еднаш делот од интервјуто со Т.Б. кој го ставив на претходната страница.
П.С. Зарем никој не знае колку се платите во култура, онака подетално? А и колкави се платите во соседството, па да споредиме дали нашите се во милост или немилост. Би било добро да се спореди колку земаат во инситуции кои се пандан на нашите МНТ, МОБ, музеи во Софија и Белград, па и да се спореди колку земаат таму во споредба со просечната плата во тие држави.