Исламот изгледа ќе го крши мразот во Франција. За ваша информација
Захед: Да е Мухамед жив, сигурно би венчавал геј парови
Се отвора првата џамија за ЛГБТ лица
Кон крајот на овој месец во Париз ќе се отвори првата џамија во Европа каде што ќе се одржуваат венчавки на истополовите партнери/партнерки. Основачот на здружението „Хомосексуалните муслимани во Франција“, Лудовик Лутфи Захед, којшто е геј и муслиман, порача дека во новата институција ќе биде овозможено и мажите и жените заедно да се молат, а наскоро и истополовите бракови да ги озаконат своите врски.
- Во „нормалните“ џамии, жените мора да седат во задните редови, покриени со шалови или марами, а хомосексуалците се плашат да влезат во нивните простории поради потенцијалната агресија и насилство кон нив – изјави Захед за турскиот портал Daily Hürriyet.
Она што го поттикнало на оваа идеја е сознанието дека неговите колеги геј мажи и муслимани немаат место на коешто би можеле да ја практикуваат својата религија без да бидат дискриминирани.
Захед е првиот муслиман и геј што се венчал со својот партнер во Париз. По потекло е од Алжир, а моментално ја истражува темата на исламот и хомосексуалноста во рамки на својата докторска дисертација. Неговата прва книга „The Koran and the Flesh“ беше објавена во март оваа година.
По долгогодишна внатрешна борба со сопствениот идентитет, што вклучувала и експериментирање со будизмот, Захед се одлучил да замине на аџилак во Мека и на тој пат повторно го открил исламот.
- Сегашната исламска елита се противи на хомосексуалната ориентација, а всушност, нема ништо ниту во исламот ниту во Куранот што не ја одобрува ваквата ориентација. Напротив, со векови муслиманите немале ништо против хомосексуалноста, а денес ја сметаат за зло – вака Зехад ја опиша положбата на хомосексуалноста во исламот, што инаку, е најбрзорастечката религија во Франција.
Новата џамија ќе почне да функционира во просторите на еден будистички храм во Париз и ќе биде центар на модерниот живот на сите муслимани што не сакаат хомофобијата, мизогинијата и нетолеранцијата да бидат дел од нивната религија.
- Многу муслимани чувстуваат дека не можат отворено да разговараат за некои теми додека претходно не се консултираат со имам. Ова е една од причините поради кои џамии како оваа се основаат и во Северна Америка, на иницијатива на прогресивните муслимани, а верувам дека истото ќе се случи и во Франција – изјави Захед.
- Ако пророкот Муахед денес беше жив, сигурен сум дека ќе ги вечаваше хомосексуалните парови – заклучи Захед, којшто ја озакони својата врска во февруари годинава.
