Влиjанието на Српската култура врз модерниот Македонски идентитет

[Sheldon Cooper]

Утка личи на таа буква на ова мислев ь ептен се слични знаците се мешаат. Имаат 4 букви кој може да се заменат само со една а тоа е Ј. Очигледно им фали таа буква.
Караџица е исто кирилица е најдобра форма на кирилица. Азбуката треба да е практична а не да е некоја петардирана и архаична. Ако гледаш така треба и на глаголица да се вратиме. Инаку си замешал е не е р`бет туку `рбет и не а ак`л туку акал. Инаку ако мене ме прашуваш јас би вовел нова буква за `р на пример q. Иако не е некоја голема разлика меѓу `р и р` така да не мора баш. Идеално би било сите да си ги реформираат азбуките зошто користат застарени кирилици и имаат непотребни букви и некои им фалат за да бидат фонетски.

Ок, сите имаат различен став околу ова прашање. А тоа дека можат да се заменат сите со j, не е точно. Ниту пак j не е македонска буква ама аjде..
Само затоа што не ти се допаѓаат на изглед не значи дека не чинат. Мене пак поприродно ми изгледа текст напишан со такви букви отколку со вакви. Кога ќе споредиш напис на Гоце Делчев со оригинални букви и „преведен“ со сегашни букви согледуваш колку е неприродна оваа азбука. (за сегашната мислам)

 

[Stefus Corp.]

Сите азбуки се „неприродни“ сите се измислени од човек. Така да најбитно е да се практични.

Најидеално е да се користи IPA азбука за сите јазици така да нема да има веќе проблеми со спелинг и глупости ама од национистички побуди и компликации при пренос не се користи таа азбука. Но бенефитите на IPA се поголеми од проблемите. Не очекувам дека светот би некагаш преминал на IPA...

Што се однесува на која азбука пишувал Гоце или Александар Македонски не е битно.
Јазиците и азбуките треба да им служат на луѓето во секојдневниот живот т.е. да се практични а да не се израз на погледи на историјата или национал-политика.

 

[Bratot]

Потсетување дека ова е форум за Историја.

 

[Dave]

Затоа реков, имаме лоjалисти (србомани) и сепаратисти кои биле казнувани од страна на Jугославиjа. На Србите им било доволно да не подбуцнат за ние самите да направиме хаос меѓусебе. Сите наши борци биле убиени од нивни браќа, иста крв и статистички гледано, Македонците наjмногу страдале од самите себе.

Има точно....во денешно време пак се враќа на сцена оваа поделба.
Што е со луѓето (па може и јас да се вметнам во нив), на кои сите овие нови балкански држави вклучувајќи ја и нашава, им изгледаат како п*****н дим во европски и светски размери? „Југоносталгичари“.....а никогаш не се збори за придобивките од тоа време. Сме биле дел од федерација во која не сме знаеле да се поставиме како што треба и сега од како сме сами пак не знаеме каде тераме, па најлесно бараме кривци во другите.
Нема регион во светот во кој поголеми народи асимилираат помали (по бројност), ама и покрај тоа има релативно мали заедници кои опстојуваат со векови затоа што има што да ги одржува како такви.
Цели 21 година самостојност нашава земја реално ја кочат земји како: Албанија - држава која скоро 50 години живееше како Северна Кореја сред Европа и афрички економски и животни параметри, Бугарија - земја од екс-варшавски (најзатуцан) тип, со слични економски услови како Албанија, Србија - која најголем дел од независноста ја помина во војна и економски ембарга и Грција - земја на која младите македонци и се восхитуваат на богатството, а е пример на европски протекторат (заради геостратешката позиција) и им седи во скут на европјаните, а паралелно праи некакво лажно богатство со задолжување (и крадење) - сума сумарум - држава со сериозна култура (каква што сакаме да бидеме) не би имала вакви елементарни проблеми со постоењето и опстанувањето. Па што ќе беше држава од тип на Германија и Франција да ни беше сосед - со нас bye-bye ќе беше приказната одамна. Поразително е тоа што меѓу народов не се гледа воопшто потенцијал да се работи на одржувањето на нашата култура.
Горе се карате за нашата азбука, а во меѓувреме ни по телевизииве, ни по весници веќе не се зборува како што треба. Главен импорт на надворешна култура што е најтрагично и воопшто не е култура - најголем шлајм од музика од Бугарија и Србија и турска „филмска“ продукција, а 90 проценти од конзументите на истото не ни слушнале за Конески и не отишле подалеку од Зоки Поки во нашата литература. Таа масовна култура е најголемиот проблем. Истата воопшто не е наивна и не е створена од прост за прост народ, туку напротив, на мала врата ни се сервираат работи кои дополнително не оглупуваат, не делат и не обезличуваат.
Коренот е длабоко во нас и уште не ни доаѓа памет да се опраиме. Најважно е да се има идеја да опстане оваа држава, како и да е: самостојно, во некаков сојуз (ЕУ, дрн-дрн)....никој друг нема да се бори нас да не има како такви.

 

[Darling]

Србите се наjголемите кочничари на Македонскиот напредок. Тито спречил да се обединиме со Пиринска Македониjа иако имало подлога за тоа, имало подлога и за обединување со дел од Егеjска но исто така тоа не се случило.

Тоа е вистина, имало подвизи за тоа, но за такво мислење луѓето биле настрого казнувани, па дури и стрелани. Имало огромни стрелања Во Велес, Куманово, на луѓе на кои и гробот не им се знае до ден денеска, затоа што тие масакри останале само државна тајна.

 

[NikolaMKD91]

Тито спречил да се обединиме со Пиринска Македониjа иако имало подлога за тоа, имало подлога и за обединување со дел од Егеjска но исто така тоа не се случило.

Друже одличен ти е целиот пост, воглавно се согласувам со напишаното.

Само сакав да разјаснам за погоре цитираното, што точно се случило со Пиринска Македонија и зошто истата не била присоединета кон Југославија односно Македонија , бидејќи гледам дека тој дел од историјата не ти е баш најдобро познат. Не ги читав сите постови до крај се извинувам, ако некој веќе го разјаснил тој дел.

После завршетокот на втората светска војна Бугарија како поразена страна заедно со целиот фашистички блок, биле принудени да големи отстапки и плаќање на дебели оштети во корист на сојузниците (антифашистичките сили), на кои што припаѓала Југославија односно Македонија. Точна ти е констатацијата дека имало добра подлога за обединување на Пиринска и Вардарска во една државава, Тито можел можел комплетно да ја приграби Пиринска. На Југословенските комунисти аспирациите им биле цела Бугарија да биде присоединета кон Југославија како седма сојузна република , таков диктат имало дојдено и од "другарот" Сталин во Москва под чие гео - политичко влијание биле Бугарија и Југославија. На Советите во тоа време им одговарало да ги обедини двете сателитски јужнословенски држави во една со комунистичко уредување за полесно управување и менаџирање со истите .

Тоа припојување на Бугарија кон Југословенска федерација требало да се одвива во 3 фази:
1.Пренесување на гробот на Гоце Делчев од Софија во Скопје
2. Присоединување на Пиринска Македонија кон НР Македонија
3.Припојување на останатиот дел од Бугарија како седма сојузна република во рамките на СФРЈ

Многу е битно во овој план да се забележи дека Пиринска не би влегла во склопот на Бугарија , туку на Македонија !!! Зошто овој план не успева да се реализира ?? Т.е дел од него успева да се реализира, само првата фаза за жал. Моштите на Гоце Делчев се пренесени (каде што се и денес) во црквата свети спас во Скопје. Целиот процес се прекинува, затоа што се случува судирот Тито - Сталин vo 1949 година познат како инфобиро, со кој Југославија излегува од источниот комунистички блок на држави кои се под капата на Комунистичка Русија, и се приклучува кон сојузот на неврзаните. Токму затоа се прекинува реализацијата на проширувањето на Југославија кон Бугарија, заради конфликтот Тито - Сталин, границите се спуштаат, културната автономија на македонците во Пиринска Македонија се укинува.

Подоцна нема никакви услови за обедунвање, бидејќи Пиринскиот дел останува како и цела Бугарија под Советско влијание, НР Македонија е во склоп на Југославија која го формира сојузот на наврзаните заедно со Индија и Египет, а Егејска Македонија останува под капиталистичко западно влијание. Сите три дела биле под различни сфери на влијание, што го прави целиот процес на обединување или автономија на Македонија невозможен.

Штета навистина, доволно би било само втората фаза од целиот тој проект да се реализира, како што во тоа време Италија беше принудена Трст да го отстапи на Југославија, кој денес е под суверенитет на Хрватска,плус и Словенија си доби излез на море кој пред втората светска војна го немаше .
--- надополнето: 29 октомври 2012 во 12:39 ---

Македонската азбука содржи голем броj на букви од Караџицата.

Прав си друже и за буквите и азбуката, се согласувам со твојот став. Имам само да додадам и појаснам мал дел. Пред да се кодифицира македонската азбука, имало повеќе предлози и опции како таа треба да изгледа и кои букви треба да ги содржи. Прва опција која била ставена(читај наметната) на маса за сериозно разгледување била опцијата македонската азбука да се состои од целата српска кирилица + буквата ѕ.

Тоа го туркал Белград и комунистичкиот режим во тоа време. Е сега од таа позиција на прифаќање на целата српска азбука + плус уште една буква која би била само формална, македонските дејци успела да "избоксуваат" многу подобра и поприфатлива варијанта. Успеале покрај ѕ да се изборат македонската азбука да ги содржи уникатните македонски знаци како ќ и ѓ, а да ги исфрлат ћ

и​

ђ​

. Морале да направат компромис и да ги прифатат словата Џ,Њ,Љ ,Ј и да ги извадат од употреба меките гласови.

Ние од оваа дистанца денес неможеме да ги осудуваме (македонската страна) за тоа што прифатиле некои српски знаци, имајќи го предвид режимот во тоа време кој бил тоталитарен и секое поместување од идеологијата на "братство и единство" значело идење на голи оток! Толку во тоа време им била моќта да избоксуваат, имај во предвид дека на почетокот имало многу полоша варијанта (цела српска азбука + ѕ), дури подоцна успеале да дојдат до ова компромисно решение кое ние и ден денес го користиме . Поздрав

 

[Vanlok]

Тоа припојување на Бугарија кон Југословенска федерација требало да се одвива во 3 фази:
1.Пренесување на гробот на Гоце Делчев од Софија во Скопје
2. Присоединување на Пиринска Македонија кон НР Македонија
3.Припојување на останатиот дел од Бугарија како седма сојузна република во рамките на СФРЈ

Многу е битно во овој план да се забележи дека Пиринска не би влегла во склопот на Бугарија , туку на Македонија !!! Зошто овој план не успева да се реализира ?? Т.е дел од него успева да се реализира, само првата фаза за жал. Моштите на Гоце Делчев се пренесени (каде што се и денес) во црквата свети спас во Скопје. Целиот процес се прекинува, затоа што се случува судирот Тито - Сталин vo 1949 година познат како инфобиро, со кој Југославија излегува од источниот комунистички блок на држави кои се под капата на Комунистичка Русија, и се приклучува кон сојузот на неврзаните. Токму затоа се прекинува реализацијата на проширувањето на Југославија кон Бугарија, заради конфликтот Тито - Сталин, границите се спуштаат, културната автономија на македонците во Пиринска Македонија се укинува.

Подоцна нема никакви услови за обедунвање, бидејќи Пиринскиот дел останува како и цела Бугарија под Советско влијание, НР Македонија е во склоп на Југославија која го формира сојузот на наврзаните заедно со Индија и Египет, а Егејска Македонија останува под капиталистичко западно влијание. Сите три дела биле под различни сфери на влијание..

Одлично елаборирано.

Овдешните потомци на некогашните испрани мозоци, сеуште сетно и со носталгија се сеќаваат на некогашна Југославија. Дури и ја величаат и фалат, во денешното време на изобилие од информации се сеуште несвесни дека токму Тито и целото политичкото раководство на Југославија окулу него се директно одговорни за македонската трагедија.
Во времето кога обединувањето на целата македонската територија било на дофат, Македонците биле поразени од тие што им се представувале како пријатели а всушност едната форма на ропство им ја замениле со друга, завиткана во светкав привид на независност.



Факти:

- Тито и Југославија директно го спречија обединувањето на Македонија.

- Најмалку обединувањето со пиринскиот дел од Македонија беше завршена работа. За таква една цел, секоја немарионетска хипотетично-тогашна македонска влада, не со Сталин, туку и со ѓаволот би влегла во политички пакт.

- Обединувањето со егејскиот дел на Македонија било повеќе од можно, повторно преку влијанието на Сталин и Советскиот Сојуз. Обединета Македонија била идеално геополитичко решение за Сталин, токму зошто Поранешната Отоманска Провинција Грција била и е идеално геополитичко решение за западниот блок. Токму Британија е таа што директно и воено се инволвирала во грчката граѓанска војна, што ни покажува од колкава важност бил регионот за западниот блок.
Политички и воени услови постоеле, Македонците имале и воени единици и евентуален сојузник во Грчката Комунискичка Партија, нормално сето со подршка од Сталин, кој со ова целиот регион би го ставил под своја сфера на влијание. Најголем победник во целата хипотетична ситуација несомнено би била Обедината Македонија.
И ова како и се друго било директно спречено од Тито/Југославија.

Илустрација за реториката на тогашната југословенска власт по повод геноцидот и погромот на Македонците во Егејска Македонија:

Југославија нема ниедно територијално или друго барање спрема Грција- (30.09.1945)
Споделете ја веста

ИЗЈАВА НА ЕДВАРД КАРДЕЉ ВО ЛОНДОН: (30 септември 1945 година)
Весникот “Елефтери Елада” од 29 септември изнесува наслов “Југословенскиот народ го поздравува грчкиот народ” следниот допис од Лондон: “ Дописникот на овој весник во Лондон го примил Едвард Кардељ и му рекол: “Сигурен сум дека југословенскиот народ ја дели радоста на грчкиот народ по повод прославата на четиригодишнината на ЕАМ и испраќа братски поздрави”.
Што се однесува до грчко-југословенските односи, Кардељ нагласил:
„Маршал Тито изјави и јас повторувам уште еднаш дека Југославија нема ни едно територијално барање ниту барање од друга природа спрема Грција. Знаеме дека оваа кампања е отворена против Југославија од страна на грчките реакционери поради што нашиот народ уште од почетокот ја следеше со симпатија херојската борба на грчкиот народ против напаѓањето на неговите соработници, која ја предводеше ЕАМ.
Не гледам никаква причина за кавга меѓу Југославија и демократска грција. Пријателството меѓу Југословените и Грците ќе продолжи, бидејќи двата народа сакаат искрено да живеат во најблиски пријатеслки односи и да соработуваат хармонично и мирно во изградбата на своите земји”.
Марушиќ, кој беше присутен кога Кардељ го прими Доганис, во поглед на Грците и Славофоните демократи кои побегнале во Југославија поради теророт, го рече следното:
„Сметаме за наша должност да пружиме секаква помош на овие илјадници несреќни бегалци кои ја преоѓаат нашата граница за да ги спасат своите животи”.
ДАРМ, ф. А ССНР, ПА, К-1 XI/259, Л ДФЅ А,
пов. бр. 234/ 30 септембра 1945, В.Крулј.

 

[NikolaMKD91]

Одлично елаборирано.

Благодарам

Факти:

- Тито и Југославија директно го спречија обединувањето на Македонија.

Обединувањето на Македонија го спречија околностите под кои се наоѓаше земјата во тој период,случувањата од минатото, како и големите сили кои одлучувале одсекогаш наместо нас. Не дека Тито нема удел во сето ова, мислам дека неблагодарна е целата вина да му се препише нему. Точно дека го гушел секој "сепаратизам" на тлото на Македонија (Ченто е најдобар пример), но мое мислење е дека некој одамна пред Тито одлучил и направил атмосфера Македонија да неможе никогаш повторно да се обедини како една етно - географска целина, па дури ни денес 32 години по смрта на Тито.

- Најмалку обединувањето со пиринскиот дел од Македонија беше завршена работа. За таква една цел, секоја немарионетска хипотетично-тогашна македонска влада, не со Сталин, туку и со ѓаволот би влегла во политички пакт.

Прашање е дали тогашната македонска влада и да го сакала тоа, дали воопшто имала капацитет да направи нешто такво, според мене премногу сме биле мали и немоќни и под директна контрола на Белград за недај боже да помислиме само за време на инфобирото да му кажеме на Тито НЕ, а на Сталин ДА. За да спориме за вакво нешто треба да се преселиме на подфорумот научна фантастика.

- Обединувањето со егејскиот дел на Македонија било повеќе од можно, повторно преку влијанието на Сталин и Советскиот Сојуз. Обединета Македонија била идеално геополитичко решение за Сталин, токму зошто Поранешната Отоманска Провинција Грција била и е идеално геополитичко решение за западниот блок. Токму Британија е таа што директно и воено се инволвирала во грчката граѓанска војна, што ни покажува од колкава важност бил регионот за западниот блок.

Било можно но не успеало, тоа ќе успеело само преку Британците мртви Советите да излезеле на исто море со нивните Северноафрикански колонии. Тука вината дирекно ја гледам во Британија како една од големите сили што го спречила обедувањето на Македонија.

Политички и воени услови постоеле, Македонците имале и воени единици и евентуален сојузник во Грчката Комунискичка Партија, нормално сето со подршка од Сталин, кој со ова целиот регион би го ставил под своја сфера на влијание. Најголем победник во целата хипотетична ситуација несомнено би била Обедината Македонија.
И ова како и се друго било директно спречено од Тито/Југославија.

Амам бе друже пак ли да ти објаснувам, убаво напиша во претходно цитираната мисла Британија директно и воено се инволвирала во грчката граѓанска војна. Тито не беше тој што ги бомбардираше македонците во Егејска Македонија со напалм бомби! Реално КПЈ и Југославија ги помагале Грчките комунисти чии прврзаници биле и тамошните македонци, со храна, лекови, оружје, воена опрема и тн . Значи Тито и Југославија имаат улога тука преку ширење на комунистичкото влијание и обединување на Вардарска Македонија со Егејска под еден комунистички режим, и на Сталин исто. Тоа што они не успеале во тоа не ги прави директно одговорни (конкретно за Егејска сега зборам), пак ќе кажам во тој случај одговорен бил некој од запад што фрлал напалм бомби.

 

[Vanlok]

Обединувањето на Македонија го спречија околностите под кои се наоѓаше земјата во тој период,случувањата од минатото, како и големите сили кои одлучувале одсекогаш наместо нас. Не дека Тито нема удел во сето ова, мислам дека неблагодарна е целата вина да му се препише нему.

Во ситуација на судир на двете големи сфери на интереси (запад и исток), токму Тито/Југославија е тежината што ја накривила скалата на вагата кон запад.

Или да употребам поедноставна метафора, каква фундаментална разлика прави по нас изгорените, дали Тито самиот го фрлил напалмот или ги спречил Македонците да им помогнат на своите браќа од Егејот?


Без разлика на опасноста дека сега , како што ти предупреди -одиме во доменот на фантастиката, со увереност можам да кажам дека во таа точка на историјата Македонија била одвоена од обединувањето за само еден бескруполозен водач и политичар. Да и дури по цена на „граѓанска„ војна во тогашна Југославија.
Колку што Сталин не можел да си дозволи да се впушти во директна војна против Југославија и западот, толку можел и морал на многу начини да ја помогне македонската страна во еден ваков хипотетички конфликт.

Никогаш нема да дознаеме заради еден таков бескруполозен водач и политичар од другата страна, кој само во периодот на почетокот од 45тата е одговорен за смртта на 140.000 луѓе во Југославија, од кои голем дел и во Македонија.
Да, името му е Тито и за мене токму тој е најдоговорниот а не „тие што го фрлаа напалмот„.

 

[garmin]

.
Да, името му е Тито и за мене токму тој е најдоговорниот а не „тие што го фрлаа напалмот„.

Не си во право, НАЈОДГОВОРНИ беа гејците и покрај нив англичаните кои и им помогнаа најмногу но едно да биде јасно, кој и да беше на чело на Југославија, не ќе си дозволеше уште една (две) војна посебно не со грција + западот.

Од тие причини не си дозволи ниту освојување на Трст иако не само за Солун, имаше внатрешни повици и за Трст. Можеме ние да везиме уште 200 страници тука, но на Тито му беше најважно да го зачува мирот ВО Југославија и да не си дозволи никаква војна со било кој од соседите. Па и пошироко.

Еден член погоре напиша, никој не ни е крив, секогаш баш Македонецот му бил најголемиот кочничар на Македонецот. Само анализирај КОЈ ги давал наредбите за погубување во Маедонија се ќе ти стане јасно како бел ден. Eдноставно, во тој период така ни се наредиле картите со за нас секогаш Македонците-душмани. Верувај, поголеми душмани од самите себе ниеден народ нема како Македонскиот, не ни е крив нам ни Тито, ни Сталин, ни гејците ни англичаните колку што сме си себеси криви.

 

[Bratot]

Доколку сакате да разговарате за Тито, тогаш продолжете на една од овие теми:
1. http://forum.kajgana.com/threads/Дали-го-почитувате-животот-и-делото-на-Јосип-Броз-Тито.57801/

2. http://forum.kajgana.com/threads/Тито-и-Македониjа.35827/

 

[Misirkov]

Гледано од српски аспект, во изјавата на нивниот претседател Тома Николиќ дека денешна Република Македонија може да му ја должи својата државност и на српското учество во Првата балканска војна, нема ништо страшно. Ако се следи редот на подоцнежните настани, можеме само да жалиме што Србите во 1912/1913 година не се спуштиле некој километар појужно од Гевгелија. Впрочем, токму српското инсистирање, наспроти грчкото, во Букурешт 1913 година, односно во деновите пред почетокот на фамозната Букурешка конференција, довело до тоа денес Гевгелија да е македонски, а не грчки град. Тоа е, како што рековме, српскиот аспект на работите поврзани со Балканските војни.

Од друга страна, нема македонски политичар што лесно би поминал доколку на грчки или на бугарски претставници им дозволи некакво чествување на нивните жртви во Македонија од тие денови, како што тоа ѝ е дозволено на српската делегација на Зебрњак. Дали имаме двојни аршини кон Србите наспроти преостанатите наши соседи? Дали на мала врата не го враќаме односот кон северниот сосед од времето на СФРЈ, и тоа токму во време на владеењето на ВМРО-ДПМНЕ? Можеби да, можеби не, допрва ќе видиме, но едно нешто е факт: за Србија, македонскиот народ и македонската држава не се спорни, па кога веќе од нив не се чувствуваме загрозени од тој аспект, немаме голем проблем со тоа како тие гледаат на настаните од пред сто години и што слават. За Бугарите, спорни се народот и јазикот, за Грците, државата, народот и јазикот. Во таква ситуација, тоа што за Србите Балканските војни се ослободителни, а за нас окупаторски, изгледа дека е најмалиот проблем што во овој момент го имаме.

Меѓутоа, има нешто друго во целата приказна што збунува. И ние и Србите изминативе години се изнаслушавме приказни за тоа како не треба да гледаме наназад, туку само напред. Истовремено, и ние и Србите сме некакви „црни овци“ на Балканот, земји и народи што се означени како неспособни да изградат добри односи со соседите. Поради тоа и нам и на Србија ни е блокиран напредокот кон ЕУ, а нам ни беше забрането и членството во НАТО. Причината е една и иста: малку-малку, па сме се оптоварувале со историјата.

И тие две држави, означени со црн фломастер, одеднаш во меѓусебните односи немаат проблем околу историјата. Реално гледано, ако ние, Македонците, не сакаме некој друг да ни го менува нашиот став за карактерот на Балканските војни, тогаш зошто би отворале „војна“ со Србија за да го смениме нивниот став за истите тие војни. Ако Србите сакаат да ги чествуваат нивните загинати војници, каде е проблемот? Се чини дека го нема, сеедно што, и без да ставаме рака на срце, јасно е оти тие не гинеле за еден ден оваа територија да биде самостојна држава со македонски народ за кого Србите се само еден од соседите.

Паралелно со ова, истата таа Македонија која, нели, гледа наназад, со години не може глава да крене поради две членки на ЕУ и на НАТО, Грција и Бугарија, особено поради првата, која е во друштвото на тие што ни делат лекции за нашата оптовареност со историјата. А и грчката и бугарската „аргументација“ не потекнуваат од погледот кон иднината, туку од погледот кон минатото. И сега, дури и со најдобра волја, една работа тешко можеме да сфатиме. Како е можно да немаме проблеми од ваков вид со една држава како Србија, а да имаме со земји-членки на ЕУ? Кој тука гледа наназад: ние или членките на ЕУ, заедно сосе нивниот Брисел? Ние или оние демократи што среде Скопје ни ги вртеа стрелките на часовникот за, демек, како на последни малоумни случаи во светот, да ни нацртаат што треба да правиме?

Точно, со Србија го имаме црковниот проблем. И тој е дел од времето кога и Србија гледаше со очите на тилот. Непризнавањето на МПЦ од страна на Српската црква е само дел од мозаикот за целосно негирање на македонскиот народ и неговата држава. Тој е дел од мозаикот изграден во Атина за да се покаже дека народ што е непризнат од сите соседи (не се помалку наивни во таа приказна ни Албанците) не може да е во право и во спорот со нив. Оттука, проблемот меѓу МПЦ и СПЦ всушност не е никаков црковен проблем, освен ако не се гледа од технички аспект. СПЦ е само обично орудие на таа стратегија, која има своја политичка заднина. Во спротивно, и нашиот проблем со негативниот однос на Бугарија кон македонскиот јазик ќе беше лингвистичко, а не политичко прашање, како што и нашиот проблем со Грција ќе беше правно прашање (за тоа дали може во меѓународниот сообраќај да постои забуна ако на дел од територијата наречена Македонија се оформи држава со име Република Македонија).

Одговорот на сето тоа е чист, па оттука не е сосема јасно зошто изјавата на српскиот претседател дека ќе ни го испорача томосот за автокефалност на МПЦ ако биде помилуван Јован Вранишковски, во Скопје беше дочекана на нож. Белки не мисли некој дека Николиќ е уличен мангуп, кој ќе го поплука својот збор само и само за да издејствува слобода за некојси проневерител на донирани пари. Па дури и тоа да се случи, што ќе добие, освен недоверба од македонскиот народ и држава кон српскиот народ и држава, кои нема да можат да се повратат со години.

Затоа, се чини, наместо да се однесуваме како бикови со отапени рогови во корида, вреди да си го ставиме прстот на чело. Ако тоа ни помогне да сфатиме дека нашиот црковен спор со СПЦ е пред сѐ со политичко-историска димензија, која во овој момент, освен на Атина, не му служи на никој друг, тогаш сме завршиле голема работа. Впрочем, тирадите за тоа дека меѓу црквите и државите постои некаква апсолутна поделеност, како што минува времето, стануваат сѐ посмешни. Тие, на запад, потекнуваат од стравотното искуство со католичката црква и времето на инквизицијата, а кај нас од времето на социјализмот кога црквата и религијата беа опиум за народот. Патем, едно наградно прашање за сите што се држат до апсолутизмот во оваа сфера: ако двете цркви веќе утре ги повикаат своите верници на војна едни против други, секоја заради одбрана на своите аргументи, дали политиката ќе остане настрана од тоа?
http://www.novamakedonija.com.mk/NewsDetal.asp?vest=102912949211&id=13&prilog=0&setIzdanie=22715

.

Факт е дека односите меѓу МПЦ и СПЦ ги влошуваат односите меѓу Македонија и Србија и меѓу македонскиот и српскиот народ (нивните православни делови). И кога работите ќе стигнат дотаму, тогаш тоа е знак дека прашањето излегло надвор од просториите со икони и дека во решавањето на тоа прашање стапчето мора да го кренат политичарите.

Автор: Дарко Јаневски
[

 

[ФилипМакедон]

Еден член погоре напиша, никој не ни е крив, секогаш баш Македонецот му бил најголемиот кочничар на Македонецот. Само анализирај КОЈ ги давал наредбите за погубување во Маедонија се ќе ти стане јасно како бел ден. Eдноставно, во тој период така ни се наредиле картите со за нас секогаш Македонците-душмани. Верувај, поголеми душмани од самите себе ниеден народ нема како Македонскиот, не ни е крив нам ни Тито, ни Сталин, ни гејците ни англичаните колку што сме си себеси криви.

Тука секогаш погрешни луѓе на вештачки начин од туѓи интереси ни се претставувале како пример,а деградирани оние кои би требало да служат за пример...

 

[Ч Е Н Т О]

Мошне лош наслов за тема во која првиот пост е во основа едно писание во кое има многу неточни па и измислени работи.
Ни од далеку нема детали или докази со кои би се оправдал или поткрепил насловот на темата.

По Балканските воjни и неуспехот на Македонските организации за извоjување автономиjа/независност во Македониjа се случува нов бран на пропаганда од соседните земjи. Вардарскиот дел е наjпогоден од Српската пропагандна машинериjа додека Егеjскиот од Грчката и Пиринскиот од Бугарската.

Ќе се задржам конкретно на Вардарскиот дел коj е денес она што го нарекуваме Република Македониjа.

Вардарскиот дел станува Вардарска бановина, се инсталираат Српски училишта, кина, театри, библиотеки и се турка идеjата дека Македонците се jужни Срби. Нормално, останал еден дел на граѓани кои не се согласувале и повторно туркале идеи за Независна Македониjа но за жал тие биле наjстрого казнувани и праќани на Голи Оток, обвинувани за бугарофилиjа и слично.

- Вардарскиот дел на Македонија станува ДЕЛ од т.н. "Вардарска Бановина" (со главен регионален град-центар Скопје) дури во 1929 г.

- Како што ти нагласиле веќе неколку луѓе во предходните постови, "Голи Оток" беше една врста на концентрационен логор за политичките неистомисленици на Тито и партијата ОД и ПОСЛЕ 1949 г., а не во времето на кралството СХС т.е. Југославија.

За време на Втората светска воjна, Вардарска Македониjа ќе се наjде под контрола на Фашистичка Бугариjа

- Не е точно.
Под бугарска окупација и власт се нашол само еден дел од вардарскиот дел на Македонија.
Или западна Македонија за тебе не е дел од Македонија?

коjа ќе оформи држава-марионета „Независна Македониjа“ коjа за знаме и грб ги има ВМРОвските симболи но за жал со про-бугарска конотациjа и е предложена како протекторат на Фашистичка Бугариjа но набрзо ќе се распадне и Вардарска Македониjа ќе се врати кон Jугославиjа. Конечно во 1945 Македонците стануваат рамноправни граѓани како и другите Jугословени но во рамките на СФРJ.

Дали си свесен каква ЛАГА си напишал овде?
Фашистичка Бугарија на чело со царчето Борис Трети ниту планирала, ниту оформила некаква држава-марионета наречена "Независна Македонија".
Ниту па ако се оформела таквата од Германците замислена креација ќе била некаков протекторат на фашистичка Бугарија.
Идејата си е автохтона македонска, и Германците добро знаеле уште пред војната за македонската национална посебност, ама од практични причини прво на југословенскиот крал Павле му ја понудиле цела Македонија вклучително со Солун за да влезе во тројниот пакт на силите на оската, а после т.н. "мартовски преврат", ја делат помеѓу Бугарите и Италијаните (балистите), а егејскиот дел го контролираат самите.
Единствената цел на Германците за поддршка и директно барање да се формира таква држава дури во септември 1944 г. на чело со пионот вртикапа Ванче Михајлов било распаѓањето на фашистичка Бугарија, а тие си мислеле веќе за нивното посигурно повлекување од Грција кон север.
За тоа Ванчето е специјално донесен до Софија, па потоа возен до Скопје каде се уверил во тоа што веќе си го знаел од предходно, дека никој во Македонија него не го ферма 2%, и дека нема никаква шанса тој да формира или стои на чело на "Независна Македонија". И потоа Германците си го повлекле со нив на север.

Немој да се залажуваш дека знаеш нешто од историја ако си отворил и површно прочитал нешто на Википедија.

Пост-воениот период е на некоj начин „преродбенички“ момент за Македонците но за жал, нашата култура се калеми по српски терк. Доказ за тоа е денешната македонска азбука, грбот на Р.М, огромниот броj на србизми, љубителите на турбо-фолкот, jугоносталгичарите, про-српските медиуми и партии кои се дел од нашето општество од 1945 до денес.

Вакви произволни набројувања можеш да си правиш со другарчињата додека пиете пивце.

- Нашата култура после ВСВ "се калеми" во рамките и за потребите на федерацијата ФНРЈ т.е. СФРЈ, а не по "српски терк". И таа си има своја прогресивна линија во која има и тотални утки, ама и врвни резултати.

- Од предходниве страни на кои беше оставен да дискутираш околу нашата азбука се виде дека за неа имаш уште послаби познавања отколку за историја, така да воопшто не мислам да ти објаснувам основни работи за КОДИФИКАЦИЈА НА ЛИТЕРАТУРЕН ЈАЗИК.
Имаме и тука и на други подфоруми многу материјал околу ова прашање.

-Грбот на Македонија во рамките на ФНРЈ т.е. СФРЈ е по "советски терк" со наши локални атрибути, и тој нема никаква врска со Србите или Србија.

- "Србизмите" во нашиот јазик се во голема мерка заради тоа што
а) српскиот е соседен јазик од иста група на јазици
б) зашто територијата на целокупна Македонија е значително намалена и македонска држава е оформена токму во вардарскиот дел на Македонија каде што влијанието било поголемо
в) прашање е колку од сите тие т.н. "србизми" се навистина србизми
г) фактот дека српско-хрватскиот беше официјален јазик во СФРЈ на којшто се вршеше обуката и служењето на воениот рок од многу генерации
д) фактот дека Скопје е главен град на Р. Македонија во кој низ многу децении наназад па и ден денеска се слева голем дел од населението во вардарскиот дел на Македонија, и каде што иако си има еден препознатлив "скопски" архаичен јазичен израз (задржан во многу од документите на АСНОМ на пример, 'ослободуење' и сл.) сепак заради близината има влијание и српскиот јазик

- Турбо-фолкот е БАЛКАНСКИ проблем од кој страдаат и самите Срби, а и сите околни народи, вклучувајќи ги и Албанците.
Да не спомнувам каква е грчко-српската врска и сплотеност токму околу оваа парада на невкус и смрт за уши и мозок.
Или па Романците.
Чисто за пример да видиш што се случува кај источниве кога на гости им идат српскиве турбо-фолкерки


http://bulgarian.ibox.bg/news/id_340297491

Види го и бај Бојко Борисов со кого се целува тука


- Југоносталгија во Р. Македонија има, тоа е факт. Ама тоа не е врзано специфично со Србија или со Србите. А и меѓу тие што се наводни југоносталгичари ако направиш малку саглам муабет ќе видиш дека на 95% од нив всушност им фали младоста, и ако би имале малку подобар стандард и живот сега таа наводна носталгија ќе им се претвори во критика на тој период.

- Про-српски медиуми изричито нема, иако има такви коишто на моменти се однесуваат како такви. А повеќе партии до 1990 НЕ МОЖЕШЕ да има, така да припази малку со расфрлањето на датите.

Србите имале интересна идеологиjа за Вардарска Македониjа. Знаеле за нашата омраза кон Бугарите и тоа го искористувале во нивна полза . Успеале на ВМРО и македонските борци да им дадат Бугарски карактер а македонското писмо кое се употребувало во тоа време да го направат бугарско само за да немаме никакви допирни точки нашето исконско писмо (вистината е дека писмото кое се користело во Македониjа и Бугариjа е всушност МАКЕДОНСКО бидеjќи се употребувало многу порано пред да доjдат Бугарите, да не спомнувам дека е оформено на наша териториjа од Кирил и Методиj).

Пак муабет како за со пивце пред кооперација каде всушност и не е важно што се збори, додека има за пиење.

Србите во периодот меѓу двете светски војни на државно-административно ниво го воведуваат српскиот јазик и писмо без алтернатива.

Цената за признавањето на македонскиот етнос од СФРJ во тоа време си имало своjа цена. Македонските белези биле избришани или препишани на Бугарите кои денес тоа ни го фрлаат пред нос. Сме добиле нова азбука со претежно српски букви, сме добиле нов правопис и лоjалисти кон Комунистичкиот режим кои не сакале да чуjат за сепаратизам. Сепаратистите биле нарекувани Бугараши (месното население чувствувало омраза кон своите граѓани мислеjќи дека се Бугари). Македонците биле „испрограмирани“ да ги мразат Бугарите и Бугарската култура (читаj Македонската) но да ги сакаат Србите и истата таа подмолна идеологиjа функционира и денес.

Од параграф во параграф се повеќе тонеш во недоречености и контрадикторности што се смешни.
Не знам колку си стар, ама вакви муабетчиња не треба да прават ни деца од основно школо, а не некој со завршено средно образование.

- "Цената"... "си имало своја цена"..?!?

- Македонските белези (треба да наведеш на кои точно мислиш) ако биле бришени или забранувани тоа се случувало заради соц-комунистичката и федеративна реалност во која се живеело.
Не знам што тоа им било препишано на Бугарите како македонски симбол, пред или после ВСВ. Наведи точно на што мислиш.

- Веќе ти кажав околу азбуката, погледни погоре. И редно е и ти и сите други да научите што значи КОДИФИКАЦИЈА НА ЛИТЕРАТУРЕН ЈАЗИК И ПИСМО. Или си мислиш дека српската или бугарската азбука е демек една и иста цело време..?

- Комунизмот е интернационална политичка идеологија што повеќе се однесува на социјалниот и економски живот, отколку на националниот. Ама тоа не ги спречи на пример луѓето како бај Тодорче Живков, или Енвер Хоџа да станат националисти и наци-шовинисти. Комунизмот сам по себе не е виновен за однесувањето на некои наши македонски кадри после ВСВ.

- Точно е тоа дека по некој дифолт скоро на сите иблици на македонски национален сепаратизам од крајот на ВСВ до распадот на СФРЈ им е лепена етикетата "ванчомихајловизам", ама ако знаеш барем малку за било кој од тие луѓе или групи ќе знаеш дека никој од нив немал никаква врска со Ванчо Михајлов, ниту па со некакво бугарашење. Затоа и тоа во заградата ти е тотална измислица, и е токму пример што зборува за обратното т.е. никој од тие луѓе од месното население не е сметан за некаков Бугарин, зашто тие се бореа и групираа околу идејата за самостојна инезависна Македонија на Македонците.

КЛИК на оваа тема имаме повеќе информации, документи и видеа за тоа.

- Тоа дека наводно Македонците биле "испрограмирани" да ги мразат Бугарите е чиста бугарска измислица. Тие си се виновни што прво признаа дека си постојат Македонците, па после рекоа пу-пу-не-важи, и до ден денешен изигруваат кловнови како Грцине и дел од Србине и Албанцине во односот кон нас Македонците. И не мешај баби и жаби во стилот на благонадежниот љуБчо. Кажано им е безброј пати на Бугариве дека ако престанат со негирањето на македонската национална посебност нема да имаат подобри и поблиски пријатели па дури и браќа од нас Македонците. Ама додека продолжуваат да се однесуваат исто како Грцине сами си придонесуваат и најсмотаниот Србин којшто нема проблем со нашата националност да има повеќе симпатии од наша страна. Проблемот и решението е кај нив, не кај нас.

Србите се наjголемите кочничари на Македонскиот напредок. Тито спречил да се обединиме со Пиринска Македониjа иако имало подлога за тоа, имало подлога и за обединување со дел од Егеjска но исто така тоа не се случило.

- Првата реченица нема врска со втората.
Точно е тоа дека дел од српскиот народ и т.н. интелегенција никогаш не се откажа од аспирациите кон Македонија и нас Македонците, ама тоа во времето на СФРЈ не проаѓаше туку така.
- Работите околу повоената балканска федерација се премногу замрсени и сложени за ти туку-така тука да ги наредиш. Не е тука место да ти објаснувам. Ама немој да се занесуваш дека од Википедија ќе научиш за ова.

Што се сменило од тогаш до денес? Ништо. Ние сеуште пишуваме со истата таа новокомпонирана азбука, сеуште го имаме комунистичкиот амблем за грб, сеуште дел од населението чувствува наклонетост кон Србите а омраза кон Бугарите, сеуште Македонците причаат на српски во секоjа прилика, слават Српски празници во знак на Европска солидарност, пеjачите преферираат да пеjат на Српски па дури и некои песни им се само на тоj jазик итн итн итн. Листата нема краj и Македониjа и во 21 век, 2012 година сеуште не е независна држава со чист македонски идентитет.

Како што виде погоре скоро сите аргументи ти се фалични и се базираат на некои контрадикторни недоречености. А ти на сето тоа уште и заклучок си тргнал да даваш.

- За азбуката ти кажав.
- Вистина е дека грбот е реликт од соц-комунизмот, ама тоа е вина на тие што кога се осамостојуваше Македонија сеуште си сонуваа за Југославија.
- И за наводната наклонетост кон Србите и омраза кон Бугарите веќе ти објаснив. Нека повелат последниве нека зберат макар една половина од бројката на Срби коишто немаат никаков проблем со Македонија и нас Македонците, и ќе видат дека нема да имаат подобри пријатели од нас на Балканот и во Европа. Во спротивно засекогаш ќе си останат рамо до рамо со Грците.
- Никаде Македонците не "причаат на српски во секоја прилика", не измислувај
- Заедничкото славење на Зебрњак е огромна и тешка глупост којашто не требаше да се случи. Нема зошто не само македонски официјални лица да присуствуваат на таков настан, туку треба и строго да им се забрани на српските највисоки функционери да го прават тоа на наша земја. Локалното српско население е друга приказна. А на српските државници требаше пред да им се дозволи славењето, да им се побара и од нив да се добие писмена потврда дека никогаш повеќе нема некои идиотски национал-шовинистички српски попови или други организации да ги попречат Македонците поединечно или групно, како и наши највисоки државни делегации слободно да го посетуваат и слават Илинден во манастирот Прохор Пчињски.
- Тоа со пејачите и врзувањето со овој-оној менаџер или продукциска куќа, пазар, итн. се други муабети.
- Ништо од наведеното не ти дава за право ти да донесеш таков заклучок, особено зашто не ја знаеме твојата дефиниција за тоа што ти подразбираш под "чист македонски идентитет"..?!?

Кога ќе се направат значаjни промени за заjакнување на идентитетот преку враќање на старите симболи и одлики кои ни биле дел од нашата стара култура наместо ѕидање антички споменици и зданиjа тогаш ќе можеме да кажеме - ние сме Македонци.

Ако под "стари симболи" мислиш на македоснкиот лав за официјален грб, тогаш се слагам.
- "Sидање антички споменици и зданија" е контрадикција во изразот, зашто ако сега се ѕидаат, како тоа се "антички" споменици и зданија..?
Си го потенцирал ова со болд и црвено, а воопшто не прави смисол.
Треба да појасниш што ти е муабетот.

Темава е под деjство на лична фрустрациjа но верувам дека се што опфатив е точно.

Напомена: немам ништо против Српскиот народ, ниту кон Бугарскиот, но тоа не значи дека не можам да направам реална слика за тоа што се случува/ло во нашата земjа.

- Тоа околу фрустрацијата му станува јасно на секој уште од почетокот, ама како што се обидов да ти појаснам, скоро ништо не ти е точно. Целиот текст ти е една голема контрадикторна збунка.

Ќе треба уште бајги да учиш и истражуваш за да дојдеш и приближно до некаква реална слика за тоа што се случува/ло во нашата земја.
На повеќето луѓе цел живот им поминува и пак не можат да го постигнат тоа.

 

[Sheldon Cooper]

Мошне лош наслов за тема во која првиот пост е во основа едно писание во кое има многу неточни па и измислени работи....

Фала за обемната рецензиjа, искрено не jа ни дочитав кога видов дека целата ти е наменета да ме деградираш како сум jа неписмен итн итн. Не сум експерт по историjа а имам некои основни познавања, се разбира не толкави колку твоите па нормално дека сум направил грешки за одредени настани со оглед на тоа дека секоj jа толкува историjата различно. Но не се согласувам дека „скоро ништо од напишаното не било точно“.
Познавањата по историjа воглавно ги добив на часовите по историjа во средно, не на Википедиjа.
Поздрав.