СТУДЕНТИТЕ НА УКИМ ЌЕ ИМААТ ПРЕДНОСТ ПРИ ВРАБОТУВАЊЕТО ВО АДМИНИСТРАЦИЈАТА
Пратениците во Собранието на Република Македонија денеска во прво читање ги усвоија Предлог законот за административни службеници и Предлог законот за вработените во јавниот сектор.
Законот предвидува при вработувањето да се земе предвид и рангирањето на Универзитетите во Македонија на Шангајската листа, односно, универзитетите кои што се рангирани повисоко ќе носат повеќе поени од оние што се пониско, пренесува Вест.
Новиот услов за собирање на поени за вработување на идните административци ќе почне да се применува одложено, односно по истекот на една година од денот на почнување со примена на законот за административни службеници.
Лани за првпат македонските универзитети беа рангирани на Шангајската листа.
И оваа година рангирањето го прави Центарот за светска класа универзитети при Шангајскиот Џио Тонг Универзитет од Кина, по барање на Министерството за образование вклучени се сите пет државни универзитети, 10 приватни универзитети, една јавно-приватна непрофитна високообразовна установа-универзитет, пет високи стручни школи и шест јавни и еден приватен научен институт. Ранг-листата годинава треба да биде објавена овој месец.
Ова е делот од законот:
Пријава за вработување на административни службеници
Член 36
(1) Кандидатите за административни службеници ја пополнуваат електронската пријава која ги содржи најмалку следните податоци:
- име и презиме, матичен број, датум и место на раѓање, адреса и место на
живење, припадност на заедница;
- последен степен на образование и стекнати дипломи, претходни степени на образование и стекнати дипломи (за кандидатите со магистратура и/или докторат), датуми на стекнување на дипломите, броеви на дипломите, образовни институции кои ги издале;
- претходно работното искуство, да/не, детален опис (доколку има), вклучувајќи име на работодавачот, позиција, опис на работното место, должина на работниот стаж, адреса на работодавачот и причини за
напуштање на работното место;
- познавање на странски јазици, да/не, јазик, ниво според ЦЕФР (CEFR) или бодови според ТОЕФЕЛ ПБТ, ЦБТ или ИБТ;
- познавање на работа со компјутерски програми за канцелариско работење, да/не, кои; и
- причини за аплицирање за конкретното работно место, очекувања од работата и цели во кариерата.
(2) Кон пријавата кандидатите задолжително ги прикачуваат следните докази за податоците внесени во истата, во скенирана форма:
- доказ за државјанство на Република Македонија;
- доказ за неизречена казна забрана на вршење професија, дејност или должност;
- уверение/диплома за завршен степен на образование;
- меѓународно признат сертификат за познавање на еден од трите најчесто користени јазици на Европската унија (англиски, француски, германски) или потврда за завршен прв, втор или трет циклус на студии на еден од 200-те највисоко рангирани факултети на Shanghai Ranking - ARWU (Academic Ranking of World Universities) на еден од трите најчесто користени јазици на Европската унија (англиски, француски, германски), за кои студии кандидатот поседува нострифицирана диплома;
- потврда за работа со програми за канцелариско работење;
- потврда за положен стручен испит или лиценца или уверение од соодветната стручна област, доколку истите се посебен услов за работното место и се назначени во јавниот оглас.
(3) Кон пријавата кандидатите можат да прикачат и:
- извод од историјатот на вработувања, доколку кандидатот бил претходно вработен, издаден од агенција за вработување;
- препораки од претходните работни места, кои содржат контакт податоци од лицето кое го препорачува;
- потврди за посетувани обуки, стручни сертификати од други стручни квалификации и специјализации, трудови и публикации;
- меѓународно признат сертификат за познавање на еден од шесте официјални јазици на Обединетите нации;
- потврда за волонтерски стаж, издадена од волонтерскиот регистар на Министерството за труд и социјална политика, односно волонтерска книшка, издадена од Министерството за труд и социјална политика, а потпишана од раководното лице на институцијата;
- изјави или други документи од интерес на работното место.
(4) Откако ќе ја пополнат пријавата кандидатите се должни под материјална и кривична одговорност, да потврдат дека податоците во пријавата се точни а доставените докази верни на оригиналот.
(5) Со пополнување на пријавата кандидатите добиваат идентификациски код кој ги поврзува со резултатите од фазите на селекција
Според ова, сите граѓани на вукојебинава и официјално не се еднакви сега и во образованието.Значи доволно е да имаш завршено на УКИМ (плус нормално ‘другите документи‘) за во јавна администрација, па макар и 7 години да студираш.
Здрав мозок одма би си ги поставил неколку прашања:
- Зошто се формира Факултетот за јавна администрација во Битола?И се затвори сега пред некој месец...
- Зошто се отворија дисперзирани студии, а не ги есапат тие студенти за живи?Како ќе ги охрабрат средношколците да запишат таков факултет ако вредноста му е подолу од стандардната диплома а.ка. тоалетна хартија.
- Како ќе ги охрабрат студентите настрана од Скопје да останат во својот град или на другите универзитети? (веројатно ќе одат странство
)
Не знаев дали овде да ја ставам темава или во оние теми Скопје и другите места, доселувања, отселувања итн.
Лет‘с старт д фајт..
