Морам да напомнам нешто. Бев во УЈП, НБРМ и една 'наша деловна банка' (не ја спомнувам поради безбедносни причини). Во УЈП разговарав со директорката која ми даде зелено светло да тргувам на девизниот пазар од Р. Македонија со тоа што добивката се оданочува со персонален данок на доход (мислам дека е 10%), но ми посочи да се консултирам со НБРМ дали тие ќе ми дозволат да тргувам. Нормално, преку e-mail поставив директно прашање дали ми е дозволено како физичко лице да тргувам на девизниот пазар каде добив одговор дека парите во Р. Македонија се строго регулирани со закон и само брокерите од деловните банки имаат право да тргуваат за сметка на деловните банки кои исто така се под строг мониторинг и се регулирани од НБРМ. Во спротивно, следува казна од 5000 ЕУР и/или 3-5 години затвор доколку тргува физичко лице. Ми дадоа линк да го симнам Законот за Девизно Работење во кој морам да признаам има доста нејаснотии околу регулативите, но и двосмисленост, а што се однесува до казните, тоа е јасно. Најпосле, бев во 'нашата деловна банка' и разговарав со лице (член на АЦИ Македонија) кое директно е инволвирано во берзата на девизи за сметка на деловната банка, кое беше препорачано од г-ѓа Видаковиќ (беше член во IT Akademija од Србија, но подоцна наслушнав дека не била повеќе). Од лицето кое работи во деловната банка добив совет да извадам Бугарско државјанство и дека само така ќе можам да тргувам, или да имам некој роднина или пријател во странство што ќе отвори сметка на негово име и да тргувам во негово име. За FXLider ми напомна дека е финансирано од Турција со турски капитал и дека примале пари и на рака покрај вообичаената процедура.
Мое мислење е да не си играте со FOREX тргување од Р. Македонија, затоа што (доколку веќе некој учествува и повлекол пари од некој брокер) финансиската полиција прави записи на вашите трансакции и во помали суми можеби нема да реагираат (за $100 ili EUR100), но за повеќе може да ви дојдат на врата со налог за апсење и/или парична казна. Оваа информација ја добив од директорката во УЈП, која ми нагласи дека каков одговор ќе добијам од НБРМ, така и да се однесувам.
Логично е што го регулираат пазарот, еден основен доказ е врзаноста на денарот со еврото, а друг доказ е незабележителниот извоз на средства и услуги како и увоз на капитал. Кај нас можеби никогаш нема да има дозвола за физичко лице да тргува на FOREX од нашава земја.
Ваше мислење?[/quote
Во Македонија има толку многу регулативи и табуа закони, така што ако ги почитуваш сите , набрзо ќе увидиш дека не ти преостанале средстава да се прехраниш. Од друга страна гледам масовно збогатување токму на оние кои ги пропагираат придржување кон табу - законите и кои се колнат во правниот систем на оваа држава. Самите закони често се контарадикторни и не се во терк со современата светска економија. Јас пред неколку години кога прашував по банките за Форех, често пати службениците не знаеа што е тоа. Во законот за девизно работење терминот Форех воопшто не постои, што не значи дека нема да сакаат да те оданочат ако си во добивка и ако имаш големи пари за повлекување преку наши банки, бидејќи секој прилив и одлив е под супервизија на НБРМ и УЈП. Ако се работи за мали пари, едноставно нема да им бидеш интересен, но ако се работи за поголема сума, можеш да очекуваш инспектори од УЈП на врата. Така да размисли самиот што треба да правиш, кога , каде и како.
me happy!