Се извинувам што денешниов пост е поопширен но ова е многу значаен пост. Во него ќе биде образложено што содржат сметките на Топлификација и ќе покажеме зошто сметките на приклучените останаа исти сега, кога и исклучените се задолжуваат и колкав рекет сакаат да наплатат мафијашите од Топлификација од исклучените.
Топлификација наплатува според Тарифниот систем за продажба на топлинска енергија, кој може да го погледате на следнава адреса:
http://www.erc.org.mk/odluki/2013.07.11- TARIFEN SISTEM ZA PRODAZBA NA T.E.pdf
Според член 4 од овој Тарифен систем, а тоа е видливо и од сметките кои ги добивате Топлификација, наплатува два елементи: 1) Ангажирана топлинска моќност (kW) и 2) Потрошена топлинска енергија (kWh).
Единичната цената на чинење на секој од овие „ елементи “, ги одредува Регулаторната комисија за енергетика со одлука и тие цени за домаќинствата во моментов се: 1037,471 денари годишно за еден kW ангажирана топлинска моќност и 2,4106 денари за еден kWh потрошена топлиска енергија.
Но количината на ангажирната топлинска моќност и количината потрошената топлинска енергија, се различни од случај до случај и се одредуваат на следниот начин:
Количината на ангажирана топлинска моќност Wan, која секој поединечно треба да ја плати се пресметува според член 34 од овој Тарифен систем според формулата: Wan = W * Epot / Epre
Ознаките во формулава имаат следно значење: Wan - ангажирана топлинска моќност за разгледуваниот период; W - инсталирана топлинска моќност во разгледуваниот период; Epot - потрошена топлинска енергија во разгледуваниот период; Epre - пресметана топлинска енергија во разгледуваниот период.
Бидејќи количникот Epot / Epre има вредност приближно 1 ( во член 35 е наведено дека Epot / Epre е од 0.85 до 1.15, а ако се разликува се врши корекција ), ангажираната топлинска моќност еднаква на инсталираната топлинска моќност, Wan = W
Што значи поимот инсталирана топлинска моќност W е објаснето во член 2, алинеа 7 од Тарифниот систем и таму читаме: „Инсталирана топлинска моќност“ - е топлинска моќност на грејните тела кои се инсталирани на ниво на мерно место, односно потрошувач во согласност со термотехнички проект;
Тоа практично значи, со плаќање на ангажираната топлинска моќност всушност плаќаме за топлинската моќност на грејните тела кои ги поседуваме. Кога ЕВН би наплатувала на ваков начин, би плаќале за моќноста на сите електрични апарати кои ги имаме дома без обзир колку и дали ги користиме.
Вториот „ елемент “, потрошената топлинска енергија се одредува на следниов начин:
Најнапред, според член 32 од Тарифниот систем, се определува потрошената топлинска енергија на ниво на мерно место (Emm), која е всушност отчитана топлинска енергија на мерниот уред (Emer)
Потоа оваа очитана количина на топлинска енергија се дели на сите тие кои се приклучени според поединечната ангажирана топлинска моќност на секој од нив што е објаснето во член 33
Од изнесеново е очигледно дека приклучените нема да имаат пониски сметки, од колку што имаа пред да се „ задолжуваат “ искличените и дека тоа што треба да го плаќаат исклучените нема било каква врска со енергијата која наводно ја добиле од приклучените со „ поминување на цевки “ и со „ топли ѕидови “.
Исклучените треба да и плаќаат „ арач “ или подобро кажано рекет на Топлификација за радијаторите кои некогаш ги имале. Тој рекет не е мал. Има 16 илјади исклучени и ако секој од нив плати по 200 евра годишно, мафијашите од Топлификација ќе ќарат 3,2 милиони евра.
, не вклучува ни тужби ни приговори 
