Државен атак врз приватните електронски медиуми, бетонирање на монополот, вовед во информативен мрак.
Македонска радиодифузија повторно наметнува нови огромни цени на медиумите, за изнајмување на инфраструктурната мрежа, реагираат телевизиите и радијата во земјата.
Ова државно претпријатие е создадено и се уште функционира со парите на граѓаните. Втор обид за притисок од власта, сега преточен во законско решение.
Владата се обидува со измена на законот за основање на ЈП МРД, против уставно да им ги поништи постоечките договори кои медиумите ги имаат направено, и потоа да им понуди нови договори со астрономски цени за изнајмување на столбовите.
Славески: Опозицијата признава дека си ја работиме работата
На оваа тема, жестока расправа неодамна во Собранието. Опозицијата обвини дека се менува законот за да се сокрие криминалот. Власта ги негираше обвинувањата.
„Почитувам пресумпција на невиност, но законот за основање на ЈП Македонска радиодифузија се менува за да се сокрие трагот на криминалот што го направи претходниот директор на МРД со одлука на Влада. Самиот директор тврдеше дека со одлука на Влада е направена распределба и 9,6 милиони евра се трансферирани кон приватни компании“, рече на 11 февруари Весна Бендевска, СДСМ.
„Нема да истурам бес. Но, сакам да се заблагодарам бидејќи опозицијата признава дека си ја работиме работата. Министерството за финансии си ја врши работата, спроведе внатрешна ревизија, секторот изврши и контрола и сите информации се доставени онаму каде што треба“, изјави на 11 февруари Трајко Славески, министер за финансии.
Законот веќе е доставен до Собранието, за измените не е консултиран никој, ниту од приватните медиуми, ниту од Советот за радиодифузија.
