Сертифицирана органска храна во Македонија?

[CafeDelMar]

Јас за се што купувам органско добивам сертификат ако го побарам. Колку е веродостоен, навистина не сум компетентна да одлучам. Тргнувајќи дека живееме во држава без компас, ништо не ме изненадува.
Се тешам со тоа што донекаде плаќам за "почисти" работи одошто она што се нуди на пазар и во продавница. За брашната органски ми е доволен показател вкусот ( ако се земе во предвид дека пченката како и сојата на светско ниво се гмо ), макар да е од поконтролирано потекло јас сум задоволна.
Вкусот на овошјето и зеленчукот е неспоредлив и е апла дека не е нетретиран. После многу години јадев нормални моркови и спанаќ, да не продолжувам за се друго.

Е сега постои сомнеж како пред некој месец што ми нудеа органски јаболка ( човекот има и сертификат ), а на прашањето од каде се? Ми одговори - Ресен. Ако се земе во предвид дека за да е тотално органско треба да биде одгледувано во средина што во радиус од 50 км нема населено место, кај нас тоа е неизводливо. Треба земјата да е ( не се сеќавам точно ) околу 1 година тотално нетретирана со вештачки ѓубрива за да се земе дека навистина не внесуваш ништо штетно. Ресен е како нуклерка со години, не може да извади ништо органско така да тој сертификат е добиен на основ дека он не ги третира јаболките.

За она што го нема кај нас го земам најчесто со германско органско потекло, како што се житарките и сушеното овошје.

Да сумирам. Има регулација, мислам дека и во Ману има одел за испитување. Сертификатите чинат богатство, производството кај нас на органска храна чини богатство затоа што нема субвенции за мало производство, колку сето тоа е веродостојно не сум сигурна ни јас ...

 

[Psyside]

Фала ти за деталните информации. Од каде купуваш органски снапаќ, јаболка - органска храна од која си задоволна?

 

[CafeDelMar]

Веројатно нема да испуштам некоја информација.
Зеленчук и овошје земам од овде:
https://www.facebook.com/dobrazemja/
Лани земав и малини, капини, боровинки, гоџи бобинки и аронија и замрзнував. Сега на малините ќе им почне пак сезона, ова чисто како инфо некогаш и не објавуваат, а примаат нарачки ако е поголема количина. Инаку тековно секој ден освен четврток работат. Значи буквално од овошје и зеленчук што имаат таму земам, за другото за жал морам од пазар ( пример како што се лимоните ама ставам во сода бикарбона да стојат пола саат, па вади пестициди колку толку ). Услужливи се, и со цените се сосема разумни. Мед исто од таму имам зимано, а имаат и џемови, слатка, таани и сл во дуќан. Јаткасти имаат често, ореви и бадеми.

Брашна зимам од Биокулт, пакувани органски. Никогаш не зимај ништо на рефус, и да имаат сертификат јас не им верувам на нашите дека не мешаат. Со тоа што безглутенските брашна кај нас се изгор, околу 370-400 доаѓа за кило, затоа зимам цело зрно и мелам дома. )Спелтино органско исто од Биокулт:



Маџун и наут зимам од нашата Гринфуд, имаат ок продукти ( освен ајварот кој им е ужасен за мој вкус ).



Суви сливи, урми, суви кајсии, брусница исто од Биокулт од оваа фирма, најмеки се и преубави без никакви додатоци и шеќери иако се прилично скапи:



Сите житарки во зрно ( овес, спелта, киноа, просо, хељда, амарант, јачмен итн ), ленено семе ( златно и кафено), семки од тиква, црвена леќа, шарен и кафен грав, гриз пченичен итн .. ги купувам исто од Биокулт, на овој производител: http://www.davert.de/english, имаат се од него. Биокулт имаш карши Сити мол ( до Џакомо ), ГТЦ и позади Веро во Тафталиџе.

Месо телешко:
https://www.facebook.com/farmabezime/

Млеко:
https://www.facebook.com/OrganskoMleko/
( не купувам одамна јогурт, киселото млеко само дома )
Млечни производи, како младо сирење има во Буњаковец долу во подрумот, со тоа што не е органско, ама се многу убави. Ова успат информација.

Јајца најчесто еколошка фарма ( има и козјо млеко), ако Игор нема, тогаш Наша фарма:


https://www.facebook.com/Наша-Фарма-1569060693308731/

Мислам дека опфатив се. Ако не, ќе се навратам пак.

 

[Psyside]

Одлични информации, фала ти ептен!

 

[CafeDelMar]

Се за квалитетна храна!

 

[Psyside]

Eдно е сигурно, дека глава нема да кренат од мене

 

[Goldie]

Откако трендов за конзумирање органски производи се појави најголем ќар имаат инспекторите тоа е сигурно, оние за органско производство кои за одреден надомест се спремни се да одобрат дека е органско така да според мене купувањето на вакви производи е фрлање пари за џабе.

Плус во орг. производство е дозволено користење на бакар и сулфур во одредени количини мада кај нас чисто сумњам дека тие количини се во дозволени рамки

 

[marambo]

Откако трендов за конзумирање органски производи се појави најголем ќар имаат инспекторите тоа е сигурно, оние за органско производство кои за одреден надомест се спремни се да одобрат дека е органско така да според мене купувањето на вакви производи е фрлање пари за џабе.

Плус во орг. производство е дозволено користење на бакар и сулфур во одредени количини мада кај нас чисто сумњам дека тие количини се во дозволени рамки

значи, исто ср*ње, друго паковање

 

[Goldie]

значи, исто ср*ње, друго паковање

Така некако, исто како што и Виталија произведува здрава храна така и овие органска.
И чисто да биде појасно зборувам за овошјето и зеленчукот, а за овие што продават млеко/месо/јајца веројатно стварно се органски

 

[Shahbaz]

Е сега постои сомнеж како пред некој месец што ми нудеа органски јаболка ( човекот има и сертификат ), а на прашањето од каде се? Ми одговори - Ресен. Ако се земе во предвид дека за да е тотално органско треба да биде одгледувано во средина што во радиус од 500 км нема населено место, кај нас тоа е неизводливо. Треба земјата да е ( не се сеќавам точно ) околу 10 години тотално нетретирана со вештачки ѓубрива за да се земе дека навистина не внесуваш ништо штетно. Ресен е како нуклерка со години, не може да извади ништо органско така да тој сертификат е добиен на основ дека он не ги третира јаболките.

За она што го нема кај нас го земам најчесто со германско органско потекло, како што се житарките и сушеното овошје.

Ја сум бил во ѓерманија, баш во пределот кајшто произведуваат органски житарки и овошје, Северна Рајна - Бестфалија. Во радиус од 500 километри нема жив човек, а последен пат кога земјата била користена е во летото господово 1151, кога Фридрих Барбароса засадил хмељ за лично производство на органско пиво. Најблиска населба е селото Мадшен-Гелзен-Кирхен, одкаде секое утро на работа пешачат неколку иљадници ѓермански девици, кои се единствено акредитирани за органско производство на храна. Патишта и железници не се дозволени заради загадувањето, па девојките пешачат по 500 километри во секој правец.

И додека летното ветре нежно ги милува нивните розеви образи, тие напорно работат во полето, пеејќи традиционални немачки трудови песни. Со своите нежни дланки, со љубов и посветеност го берат секој плод, пакувајќи го во органска амбалажа, како што и нивните баби тоа го правеле во 1944. Топлите насмевки на нивните лица зрачат со љубов кон секое парче овошје, бидејќи знаат дека нивните продукти се наменети за луѓе со префинето непце од Маќедонија, кои иако имаат плата од 200 евра, трошат и по печес месечни плати на органска храна, бидејќи природно е природно!

 

[Ron Burgundy]

органска јаболка или било каков производ не постои, без никаков пестицид дали 5 јаболка ќе ти задржи дрвото и тие ќе бидам малецки и црвливи. И не ми е јасно што се палите на ова, демек поздраво било ако било органско, може е ама работата е шо нема да е органско а ќе го платите ѓаол ипол.

 

[CafeDelMar]

Има био пестициди. И секоја јаболка се прска најмалку 3 пати. Тоа е минимумот за да има род ( разлика е со што се прска ). Ресенските јаболки се прскани многу повеќе над тоа.

Шабане, не секогаш сарказмот успева. И никој не седна да прави математики на темава дали со 200 евра може некој да си дозволи да плаќа храна што не е толку третирана. Тој со 200 евра што треба фамилија да гледа не може воопшто овошје да си дозволи, а не пак да бара од какво потекло е. Без глумење лудило.

И, не се палиме. Јас не се палам. Речиси и никој не знае околу мене што и од каде купувам, ниту пак коментирам за тоа. Не сум отишла на никој домашен буџет да му пресметувам, не сакам и другите да го прават тоа.
Не сум човек што следи "трендови", "палење" или како и да го нарекувате, а не сум ни човек што на вакви теми седи да се објаснува. Плаќаме, а не добиваме ништо. Ок, така нека биде.

 

[marambo]

каде има место што е 500 км во сите правци оддалечено од населено место?
бар во Европа тоа мислам е невозможно.

а во државава џабе не убедуваат по телевизии и весници оние од Агенција за храна и ветерина дека кај нас се е здраво и исправно. секаков отпад пристигнува по нашите супермаркети.
а за сертификати и дозволи, знаеме како се добиваат кај нас.

сакаш здраво одгледувај си сам.

 

[CafeDelMar]

каде има место што е 500 км во сите правци оддалечено од населено место?
бар во Европа тоа мислам е невозможно.

Ако напишам дека се 50 км ќе ти се смени правецот на размислување? Не. Пак ќе биде дека кај нас не јадеме ништо со понормален квалитет.

Колку ви лесно да се фаќате за делови од муабетот за да си докажете сопствено убедување.

Ќе го изменам постот за да има за што друго да коментирате.[DOUBLEPOST=1464647199][/DOUBLEPOST]Ама ете јас живеам во стан, немам земјиште ( ниту пак време ) за да одгледувам сама. Тоа не е избор.

 

[Shahbaz]

Шабане, не секогаш сарказмот успева. И никој не седна да прави математики на темава дали со 200 евра може некој да си дозволи да плаќа храна што не е толку третирана. Тој со 200 евра што треба фамилија да гледа не може воопшто овошје да си дозволи, а не пак да бара од какво потекло е. Без глумење лудило.

Почитувана Баронесо,

Мој длабок наклон и искрено извинување што ве помешав со небањаните фиромски сељаци кои живуркаат со 200 евра.

Би ја запрашал вашата мудрост и благородништво, колку ве чини снабдувањето со органска храна месечно, се разбира, без да се земат во предвид трошоците за батлер, послуга, и останати амали.