ABC
“градител“
- Член од
- 24 февруари 2005
- Мислења
- 15.696
- Поени од реакции
- 192
Радикалните исламистички елементи чие постоење во скопско Кондово го призна лидерот на ДУИ, Али Ахмети, сакаат да ја преземат Исламската верска заедница на Македонија за преку неа да перат пари за терористички активности, тврди функционер на ИВЗ.
Според него, целта на тие структури е ИВЗ како автономна организација одвоена од државата, да ја користат како база за трансфер и извор на пари потребни за активностите на радикалните исламистички структури.
- Тие сакаа да наметнат свој човек за поглавар на ИВЗ. Потоа, преку него лесно би оделе сите трансакции со парите кои би доаѓале од најразлични и непознати извори. Тоа е лесно изводливо, бидејќи државата нема непосреден увид во средствата што преку разни основи ги добива ИВЗ за различни намени. Настаните во ИВЗ во последниве месеци се најнепосредно врзани за тоа - вели овој функционер.
Тој посочува дека упадот на вооружена група напаѓачи со "калашникови" во кабинетот на поглаварот на ИВЗ, упадот во Собранието на ИВЗ, малтретирањето на група имами во Кондово и заканите до семејството на доскорешниот поглавар Ариф Емини, се само дел од притисоците кои требало да им овозможат на овие структури да наметнат свој човек за поглавар.
- На Собранието на ИВЗ во Кондово тие упаднаа, пукаа и извикуваа: "Ние сме тие кои ќе го избереме поглаварот". Тоа е јасна порака дека овие структури стануваат се посилни - вели нашиот соговорник.
Муарем Вејсели, лидер на имамите од Идризово кои бараат смена на скопскиот муфтија Зенун Бериша поради негова вмешаност во криминални зделки и наплив на радикализам во ИВЗ, вели дека "го радува признанието на Ахмети".
- Ова е добар сигнал, бидејќи Ахмети првпат јавно призна дека постојат такви структури. Но, тие луѓе ќе треба да ги побара и околу себе, бидејќи и неговиот потпретседател Рафиз Алити е поврзан со нив. Како имами, со отпорот што го правевме, успеавме да се спротивставиме до некаде на овие структури, но битката треба да продолжи - вели Вејсели.
Вејсели неодамна ги посочи Зенун Бериша, Зејнула Фазлиу и Јакуб Селимоски - функционери во ИВЗ, како "дел од ѓаволскиот клан". Клод Монике, европски експерт за тероризам, неодамна изјави дека "локалните криминални организации и Ал каеда имаат финансиски врски со Македонија, а за една или две години фундаменталистите ќе регрутираат луѓе за свои терористички ќелии". Според него, територијата на Македонија е "сива зона" за влез на исламски терористи во западноевропските земји.
Во ДУИ вчера не можеше да се добие пошироко објаснување за изјавата на Ахмети.
Во ИВЗ оценуваат дека не е случајно што и албанскиот премиер Фатос Нано и Али Ахмети признаваат дека такви структури постојат.
- Во Албанија, тамошниот генерален секретар на Исламската заедница со живот го плати своето спротивставување на таквите структури. На Косово тие не се толку присутни поради влијанието на претседателот Ибрахим Ругова, а во Македонија од 1990 година се бележи нивно постојано ширење - вели функционерот на ИВЗ.
Според него, во почетокот тоа биле неколку "вжештени глави", но последниве години тоа се претворило во организиран обид за преземање на заедницата.
Според него, целта на тие структури е ИВЗ како автономна организација одвоена од државата, да ја користат како база за трансфер и извор на пари потребни за активностите на радикалните исламистички структури.
- Тие сакаа да наметнат свој човек за поглавар на ИВЗ. Потоа, преку него лесно би оделе сите трансакции со парите кои би доаѓале од најразлични и непознати извори. Тоа е лесно изводливо, бидејќи државата нема непосреден увид во средствата што преку разни основи ги добива ИВЗ за различни намени. Настаните во ИВЗ во последниве месеци се најнепосредно врзани за тоа - вели овој функционер.
Тој посочува дека упадот на вооружена група напаѓачи со "калашникови" во кабинетот на поглаварот на ИВЗ, упадот во Собранието на ИВЗ, малтретирањето на група имами во Кондово и заканите до семејството на доскорешниот поглавар Ариф Емини, се само дел од притисоците кои требало да им овозможат на овие структури да наметнат свој човек за поглавар.
- На Собранието на ИВЗ во Кондово тие упаднаа, пукаа и извикуваа: "Ние сме тие кои ќе го избереме поглаварот". Тоа е јасна порака дека овие структури стануваат се посилни - вели нашиот соговорник.
Муарем Вејсели, лидер на имамите од Идризово кои бараат смена на скопскиот муфтија Зенун Бериша поради негова вмешаност во криминални зделки и наплив на радикализам во ИВЗ, вели дека "го радува признанието на Ахмети".
- Ова е добар сигнал, бидејќи Ахмети првпат јавно призна дека постојат такви структури. Но, тие луѓе ќе треба да ги побара и околу себе, бидејќи и неговиот потпретседател Рафиз Алити е поврзан со нив. Како имами, со отпорот што го правевме, успеавме да се спротивставиме до некаде на овие структури, но битката треба да продолжи - вели Вејсели.
Вејсели неодамна ги посочи Зенун Бериша, Зејнула Фазлиу и Јакуб Селимоски - функционери во ИВЗ, како "дел од ѓаволскиот клан". Клод Монике, европски експерт за тероризам, неодамна изјави дека "локалните криминални организации и Ал каеда имаат финансиски врски со Македонија, а за една или две години фундаменталистите ќе регрутираат луѓе за свои терористички ќелии". Според него, територијата на Македонија е "сива зона" за влез на исламски терористи во западноевропските земји.
Во ДУИ вчера не можеше да се добие пошироко објаснување за изјавата на Ахмети.
Во ИВЗ оценуваат дека не е случајно што и албанскиот премиер Фатос Нано и Али Ахмети признаваат дека такви структури постојат.
- Во Албанија, тамошниот генерален секретар на Исламската заедница со живот го плати своето спротивставување на таквите структури. На Косово тие не се толку присутни поради влијанието на претседателот Ибрахим Ругова, а во Македонија од 1990 година се бележи нивно постојано ширење - вели функционерот на ИВЗ.
Според него, во почетокот тоа биле неколку "вжештени глави", но последниве години тоа се претворило во организиран обид за преземање на заедницата.
