Повикот на Ктхулху и други ужасии - Х.Ф. Лавкрафт - За првпат на македонски

[Eru]

Здраво екипа! Ме интересира книгичево да не стапи за блиска иднина во некоја книжара или ќе биде онлајн подолго време?

Засега е достапна само онлајн и плус во книжарницата „Просвета“ во Охрид.
Ги имам исконтактирано сите други поголеми книжарници да ги прашам дали се заинтересирани за препродажба, но уште немам добиено одговор.
Ама ако имаш одбивност кон онлајн плаќања, можам да ти го пратам по карго, па да платиш во готово при испорака. Тука имаш инфо за ова.

 

[Eru]

Нова година, нова книга

Чест и задоволство ми е да објавам дека втората збирка со моите преводи на расказите на хорор великанот Х.Ф. Лавкрафт штотуку се издаде.

Достапна е на https://www.poligramaton.mk/p/knigi.html, а наскоро ќе може да се најде и во „Буква“, како и во сите библиотеки низ Скопје.

„Сенката над Инсмот и други грозотии“ содржи 13 нови раскази коишто се меѓу најважните светски дела во жанрот на хоророт и фантастиката, а сега за првпат се достапни и на македонски јазик.

Како и со првата книга, „Повикот на Ктхулху и други ужасии“, преводот на славно сложената проза на Лавкрафт беше мошне тежок, но мислам дека резултатот е книга којашто значително ги проширува синорите на македонската книжевност и е добар сведок за еластичноста, изобилството и способноста на македонскиот јазик.

Ова е втората од планирани 4 книги коишто ќе ја содржат целосната прозна библиографија на Х.Ф. Лавкрафт, преведена на македонски.

Како и секогаш, сите раскази во книгава и понатаму остануваат достапни за бесплатно читање онлајн на poligramaton.mk.

За прашања или коментари, тука сум.

poligramaton.mk
instagram.com/poligramaton/