за Канада конкретно сум сигурен дека тоа го прави за да ја асимилира и припои, за другиве не знам баш која му е крајната цел.
Канада не успеале американците да ја освојат за време на американската револуционерна борба, а не па сега кога е втора најголема држава во светот по големина на територија.
А целта на Доналд Трамп со Канада и Мексико е едноставна: доминација на САД во слободниот трговски блок со Канада и Мексико.
Канаѓаните имаат нафта, гас и секакви суровини и минерали, Мексико има плодна почва, но уште поважно евтина работна сила, а плавиот Трамп ги сака сите тие придобивки на американска територија за најмала можна цена, по можност и бесплатно. Можеби ќе им каже фала на Канаѓаните и Мексиканците доколку прифатат од свој џеб да ги платат транспортот, обработката и дистрибуцијата низ САД.
Типот има причина зошто го идолизира Вилијам Мекинли, не само бидејќи своевремено воведувал тарифи кон други држави за да го заштити домашното индустриско производство во САД, туку и бидејќи за време на неговиот прв претседателски мандат од 1897 до 1901 се случуваат војната помеѓу САД и Шпанија од 1898 година, која завршува со победа на САД и освојување на Порторико, Филипините, Гуам и Куба.
Ако му успеало на Мекинли да ги прошири териториите на САД и да ја заштити американската економија од надворешен увоз на крајот од 19-от и почетокот на 20-от век, зошто да не му успее и на плавиот Трамп, и што ако сме трета деценија на 21-ви век ?
А да, уште еден важен факт за Мекинли: тој е третиот од вкупно четири американски претседатели кои биле убиени, после Абрахам Линколн во 1865 година и Џејмс Гарфилд во 1881 година, Мекинли починал од прострелни рани во 1901 година нешто повеќе од недела дена откако бил застрелан од страна на анархист во првата година од неговиот втор претседателски мандат.
Четвртиот американски претседател кој бил убиен е најпознатиот убиен претседател на САД, се разбира: Џон Кенеди, убиен во 1963 година.
Несомнено плавиот Трамп се поистоветува себеси со Мекинли бидејќи нели веќе избегна куршум со буквално милиметарска среќа, па кога веќе успеа да извади жива глава, сега кога повеќе нема што да изгуби во втор и последен претседателски мандат одлучен е да игра на се` или ништо.
И онака во најмала рака ќе именуваат бродови по него, како што традиционално прават во чест на сите поранешни американски претседатели, ако не и улици, булевари, авении, мостови, плоштади и други јавни места.
mkd.mk
