Поддршка

[Tender Girl]

Колку ви е потребна поддршката од најблиските околу вас кога сакате да постигнете нешто што ви е многу важно во животот?

Што кога ја немате потребната поддршка, кога ја барате а не ја добивате?
Настапува ли некое разочарување, обесхрабрување кај вас и како да се справиме со тоа кога гледаме дека поддршка немаме колку и да ја посакуваме, колку и да ни е потребна?

Верувате ли дека сте доволно силни да успеете во тоа што го сакате дури и кога никој не сака да ве поддржи? Значи, си велите на пр. „па не ми треба ни твоја ни ничија поддршка, можам и ќе успеам самиот/а“.

Но сепак, сами сте.Можеби ќе успееете да најдете сила на почетокот, но што понатаму ако да речеме, патот до успех е доста долг? Многу пати сте тргнале но сте се откажале токму поради тоа што никој не ве поддржува.Упорни сте, силни сте...но понекогаш се чувствувате толку уморно што се предавате.И си велите...ех да имав барем поддршка...


Дали без речиси никаква поддршка сте успеале да остварите некој ваш сон? Има ли во нас доволно сила самите да истраеме до крај?
Дали ни е потребна таа поддршка или ние само мислиме така а всушност се зависи од нас?

Повелете.:jaj:

 

[**MEMORY**]

Потребна е подршката во секој случај. Секој може да каже дека не му треба и дека ќе успее сам во она што го наумил, но потсвесно, психата ни бара барем мал дел од било каква подршка, макар и да е од некоја личност која не ни е толку блиска и од која не го очекуваме тоа.
Јас ја добивам подршката од моите дома. Сум имала случаи кога блиските, не само што нема да ме подржуваат во некоја работа, туку ме закопуваат уште повеќе. Со тек на време се навикнав на тоа...
Никогаш не сум се предала, што и да започнам, го терам до крај. Тука мислам дека не станува збор за тоа дали сме добиле подршка или не, туку зависи од самиот карактер на човекот.

 

[Mike Tyson]

Подршката е мн битна работа за човекот!Мене ако не ми даваат подршка на пример ништо добро нема да направам!
Вака ми даваат мотив!

 

[Desire]

Во некои моменти ако некој не ми даде поддршка не можам да продолжам понатаму,меѓутоа,има и ситуации кога сум своеглава и велам дека не ми треба поддршка од никого.

Во секој случај поддршката е потребна,и доколку имам поддршка од некого за нешто,тоа всушност ми претставува сила да продолжам понатаму.Не велам дека ако не ме поддржуваат за нешто нема да го направам тоа,туку ако ме поддржуваат полесно ќе можам да извршам нешто.

 

[Yugo]

Во секој случај ми треба поддршка.. ии најчесто ја добивам од моите најблиски.... секоаш кога и да побарам ја добивам.. доа ми дава сила за да продолжам да работам нешто и да постигнам многу повеќе од очекуваното т.е. од тоа што јас самиот сум го очекувал.. така да ако продолжи се вака како што е супер ќе ми биде....

 

[Ред Девил]

Не ми е потребна поддршка од никого и не сакам поддршка.
И кога не можам да остварам нешто, се откажувам едноставно. : )

Не сакам поддршка од другите и нивна помош.

 

[кики]

Постојат моменти кога навистина ни е потребна поддршка. Потребно ни е некој да ни каже добар збор, да ни влее сила ихраброст да направиме нешто.

Но, сепак постои и можност кога поддршката и не е најважниот момент, најважната фаза. Ако силно веруваш и си наумил да го направиш она што си го зацртал нема да ти биде толку важно да имаш некој кој ќе ти даде сила.

На моменти и премногу ми значи кога некој ќе ме поддржи во моите одлуки. Но некогаш и воопшто не обрнувам внимание. Најпотребна е поддршката кога си мислиш дека не може да те снајде полошо, но потребно е некој да те поддржи и во добро. :wink:
Важна е, но ако си наумил никој и ништо нема да те премисли.

 

[Crazy in Love]

Поддршката од најблиските ми е и повеќе од потребна. Не само за големи одлуки, туку и во секојдневниот живот. А ако не ја добијам, признавам дека се разочарувам, паѓам во депресија, не ми е сеедно и сум обесхрабрена, но сепак продолжувам да се борам, сама и одам по патот кој сум го зацртала. Тешко ми е, сакам да бидам поддржана од луѓето што ги сакам, но сепак кога нешто навистина сакам да го добијам или во нешто навистина верувам тогаш сум подготвена и да бидам сама против сите. Моите идеали се многу битни за мене и сметам дека тие што ме сакаат ќе бидат среќни што се борам за нешто.

Дали без речиси никаква поддршка сте успеале да остварите некој ваш сон? Има ли во нас доволно сила самите да истраеме до крај?
Дали ни е потребна таа поддршка или ние само мислиме така а всушност се зависи од нас?

Имало такви моменти кога без поддршка сум успеала да се изборам за нешто кое во тој даден момент ми било многу важно на мене. И после беше увидено дека сепак јас бев во право и некои луѓе се покаја што се противеле на мојата идеја, на мојот сон.
Во суштина човек може и сам да успее да оствари некоја идеја,да оствари некој сон и имаме сили за да истраеме до крај, но сепак многу поубаво е и кога знаеш дека некој те поддржува во сето тоа и дека не си сам.

 

[RockLady]

..подршката од останатите..посебно од домашните...најважна ми е...како и подршката на пријателите...кога знаеш дкеа е некој покрај тебе и те подржува повеќе сила имаш...но сепак има и ситуации во кои немаш подршка и си тераш по свое...=)...заш сигурна си дека ќе постигнеш она шо го сакаш...и да...имало вакви ситуации кај мене..но сепак...секој во себе има сила..храброст да истрпи до крај..но сепак поубаво е кога знаеш дека има некој покрај тебе и дека те подржува!

 

[PSYtisfaction]

Од моето потесно семејство и најблиски пријатели, очекувам поддршка во секое време и искрено многу ќе се разочарам ако не наидам на поддршка за било каква одлука во мојот живот, затоа што они ја имаат мојата поддршка безрезервно и истото го очекувам и за возврат.

За жал, во пар ситуации стварно се случило да не наидам на нивната морална помош, иако очајно ми била потребна, особено од страната на семејството; ама тоа било поради многу причини што не би ги разглабала, суштината е дека луѓето кои ме сакаат треба да бидат свесни за моите можности и да веруваат дека сум доволно способна да направам некои работи, наместо да ме обесхрабруваат.
Сега баш бев во една таква ситуација кај што не наидов на поддршката на моите дома... Од крајно неосновани причини, и тоа секако влијаеше на исходот на ситуацијата (иако се силев дека можам и без нив) на тој начин што изгубив храброст и волја и на крај воопшто не се ни обидов. А можеше да испадне нешто...

 

[Avoid The Void]

Најважно нешто и најпотребно ми е поддршка, потврда од блиските, едноставно мал boost up, охрабрување. Секогаш кога сакам да направам некој важен чекор и сум скоро сигурна дека треба да го направам, но бидејќи сум многу неодлучна ми треба само некој да ми каже "Да, тоа треба да го направиш, ќе успееш, знаеш дека можеш.."
Да, сум постигнала работи во мојот живот без ничија помош ниту поддршка и тоа ме прави горда, што знам сепак да се снајдам и сама, но во некои моменти единственото нешто што ми е потребно е да знам дека некој е на моја страна, ме поддржува и може да ми помогне.

 

[bad_girl]

понекогаш сакам да знам дека некој го оправдува тоа што го правам дека стои зад мене и верува дека не правам грешка.на секој човек му е потребна поддршкатано сепак мислам дека ако нешто решам да направам нема многу да зависам од тоа дали некој ме поддржува или не

 

[By Me]

хмммм подршка од блиските, што е тоа???? Секогаш кога ке им кажам дека сакам нешто да прават само така ке се насмеат под брк и ке си продолжат сп муабетите што ги правеле, па јас за инат ке го направам тоа што сум го намислил за да им докажам дека не се во право.

 

[-----<-<@]

подршката е битна работа, мегутоа би кажал и не неопходна за мене лично, наогам задоволство во автономијата, исполнување во успехот на разно поле, и сатисфакција во признанието отпосле, поради фактот што додека некоја работа не се завши до крај и како што треба, нема да има ни признание и предиѕвик...затоа подршка не ми треба, многу и не ми значи, ми значи позитивниот епилог од некоја завршена поставена задача.

 

[Ѓорѓески]

Имам целосна подршка од семејството за она што го правам и работам сега. Она што го правам во слободно време, е подржано буквално од семејството и местото каде што работам.

Од секогаш сум немал подршка и знам многу ми било тешко... сум научил и без неа... но сега кога ја имам зашто да не ја искористам? Уствари доаѓа момент во животот и најмала подршка е добредојдена.:smir: