Падот на Ерусалим...и денешниот свет...

[marcus]

Во древно време, пророците плачеле над Ерусалим - светиот град, каде се вршеле најгрешните дела...Плачеле над неговите жители кои не сакале да се покајат, над лицемерството на свештениците, на арогантноста на жените..Еремија во својот плач изрекол страшни и големи зборови.

Зошто Ерусалим паднал во 71 година по Христос?

Зошто таква драма и уништување? Со векови и векови Ерусалим бил опоменуван. Облаците на гневот се собирале на тој град. Со отфрлањето на Исус, тој горд и арогантен град ја запечатил својата судбина.

Каква пораката ни праќа нам денес судбината на Ерусалим?

Зелоти..фанатизам..омраза,желба за светска доминација...алчност и непреавда...

Гледатe ли паралели со денешниот свет? Во судбината на оној Ерусалим ја гледате ли најавата за овој свет заглибан во фанатизам и варварство...атеизам и одметнатост...каде се слави култот на насилството...кое лицемерно го нарекуваат "цивилизација"?

 

[MIKI1]

Еден современ богослов, за пример ја зема Холандија како жив и очигледен пример за споредба не со Ерусали, туку со Содом и Гомор. Земја во која сите најнсики пороци, страсти и похоти се доведени до ниво од нивни „легалитет„, па така власта е таа која кумува на моралниот распад на тоа општество.

Ситуацијата во светов тековно е таква, што сите световни процеси се движат кон претвирање на целата Земја во нов Содом. Се е дозволено, се може да биде правилно, нема поделба на добро и лошо...

Затоа, после второто Христово доаѓање, ќе настане „..ново Небо и нова Земја...„. Значи, се ќе се возобнови во нераспадливост, без смрт, без болести, без плач и жалости...

 

[JohnWayne]

така... нас ни останува само да ја чекаме топката или ангелите да не помина

не сум за инаетење ни контрирање само кажувам шо мислам за споредбиве твои... пошо и париз бил сево ова некогаш па не е погоден од топка...

 

[MIKI1]

Овде си за инаетење и контрирање или?...

 

[Бат Елохим]

se e isto pod ova staro sonce.....a i nikade ne e podobro od sodom i gomor....samo uste ni fali nekoj da sedne nad zamenicite generalni sekretari i da znaeme koj dosol na zemjata.....i samo beter moze da bide

 

[IZVOR]

”Ерусалиме, Ерусалиме, што ги убиваш пророците и со камења ги погубуваш оние, кои се испратени при тебе; колку пати сакав да ги соберам твоите деца, како квачката своите пилиња под крилја, но не сакавте!

Лука 13-34




Многупати Бог дава шанса за покајание и промена на грешниот начин на живеење, ама закоравеноста на човековите срца ги носи лугето до пропаст.
Сите империи се самоуништени поради развратното однесување и непочитување на Божјите правила.

 

[Чорбаџија]

IZVOR, продолжението на стихот кој го наведе е многу важен за темава, затоа ќе ги цитирам во целост:

"Ерусалиме, Ерусалиме, што ги убиваш пророците и со камења ги погубуваш оние, кои се испратени при тебе; колку пати сакав да ги соберам твоите деца, како квачката своите пилиња под крилја, но не сакавте!
Ете, ви се остава пуст вашиот дом. И ви велам: нема да Ме видите додека не дојде време да кажете: „Благословен е Оној Кој доаѓа во Господово име!”"
(Исус Христос во евангелие по Лука 13:34-35)

Малку понатака во истото евангелие Хритстос ќе го каже и следново за Ерусалим:

"А кога се приближи и го виде градот, заплака за него и рече: "Кога и ти би узнал, дури барем во овој твој ден, што е за твојот мир!
Но сега е сокриено од твоите очи. Зашто ќе дојдат денови за тебе,
кога твоите непријатели ќе те опкружат со опкопи, ќе те опколат и
ќе те притеснат од сите страни и ќе те срамнат со земјата тебе,
и твоите деца во тебе; не ќе остане, во тебе, ни камен на камен,
зашто не го позна времето кога беше посетен!"
(Исус Христос во евангелие по Лука 19:42-44)

Тука Христос експлицитно кажува зошто Ерусалим ќе биде разурнат - затоа што не го позна времето кога беше посетен (од Бог).

Ерусалим бил посетуван од скоро сите Старозаветни пророци кои деноноќно плачеле врз него и ги молеле неговите жители да се покајат и да се обратат кон вистинската побожност и кон вистинскиот Бог. Најпосле и Божјиот Син Исус Христос го посетува Ерусалим и проповеда, но не наоѓа прифаќање туку завист, огорченост од фарисите и закониците и заговор за Негово ликвидирање.
Христос ова многу добро го илустрираше и со една парабола...

"И почна да му ја раскажува на народот оваа парабола: „Некој човек насади лозје, и го даде под наем на земјоделци, и си отиде на подолго време. А кога дојде време, испрати свој слуга при земјоделците, за да му дадат од плодовите на лозјето. Земјоделците го натепаа и го испратија назад празен. И пак испрати друг слуга, а тие го натепаа и него, го засрамија и го испратија празен. Испрати и трет, а тие и него го ранија и го исфрлија. Тогаш господарот на лозјето рече: „Што да правам? Ќе го испратам својот возљубен син. Можеби од него ќе се засрамат. А кога земјоделците го видоа, почнаа да размислуваат меѓу себе: „Овој е наследникот! Да го убиеме, за да биде наследството наше!” И го исфрлија надвор од лозјето и го убија. И така, што ќе им направи господарот на лозјето? Ќе дојде и ќе ги погуби земјоделците, а лозјето ќе им го даде на други"
(Исус Христос во евангелие по Лука 20:9-16)

Сметам дека на сите ви е јасно дека во оваа парабола слугите ги претставуваат пророците, а вољубениот Син - Исус. И од оваа парабола исто така може да се види зошто Бог го разурна Ерусалим, ги протера евреите од овој свет град, а неговиот светилник го предаде на народите т.е. на неевреите со промислена цел евангелието да се прошири низ целиот свет итн. да не одам предалеку.