Новиот официјален видео клип за "Кога лажеш каде гледаш"
„Некст тајм“ ќе ги засили гитарите
На вториот студиски албум, кој групата интензивно го подготвува последниов период, близнаците Стефан и Мартин откриваат дека повеќе простор ќе им отстапат на гитарите
По неколкумесечна пауза бендот „Некст тајм“ пак е активен на сцената
со песната „Кога лажеш каде гледаш“, за која сними и спот. Нумерата е
најава за вториот албум. Пристапот кон избирањето композиции за новиот
диск се движи во насока „полека, но сигурно“, со цел крајниот производ
да резултира со квалитет.
- Ќе им обрнеме повеќе внимание на
гитарите. Можеби нашата следна песна ќе биде нешто нечуено од нас.
Секогаш ќе избираме златна средина, односно, ќе правиме композиции за
наша душа, но и за публиката, која е најважна - открива Стефан,
вокалистот на дуото.
ВО ИГРА ЗА ЛАС ВЕГАС
Составот „Некст тајм“ е дел и од музичкиот натпревар „Светот пее“, во кој учествуваат пејачи и групи од целиот свет.
-Првите 20 песни што ќе бидат избрани според онлајн-гласање, кое ќе трае
до 31 декември, ќе се квалификуваат за настап на „Ворлдс бест сонг“.
Натпреварот ќе се одржи на 19 март 2010 во Лас Вегас. Засега важиме
само за име кое е во борба за пласман меѓу првите 20. Сега сме на 13
место и се надеваме дека ќе се искачиме и повисоко. Се пријавивме на
натпреварот со помош на познаници. Паричната награда е голема, но ние
би биле пресреќни и со самото учество - истакнува Мартин, гитаристот во
групата.
По настапот на Евросонг нивната публика очекуваше
уште поголем напредок во кариерата и, пред се', самостоен концерт.
Момчињата признаваат дека и тие очекувале многу повеќе, но едногласни
се во констатацијата дека мора да се прави пауза во се' што се работи.
-Потребен е период кога треба да се соберат сите минати случувања и да
се извлечат заклучоци за што, како и каде. Си дозволивме мал одмор за
да се испормовира и добро да се ислуша нашиот деби-албум и со нови сили
да почнеме со подготовка за вториот. Креативноста никогаш не згаснала
кај нас, а доказ за тоа ќе биде материјалот што ќе го понудиме во
иднина. Изминативе месеци се обидовме да се сокриеме од очите на
медиумите, но не значи дека не бевме во контакт со публиката и со
љубителите на нашата музика - вели Стефан.
ПОДГОТВЕНИ ЗА КОНЦЕРТ
Приоритет на „Некст тајм“ сега е прв солистички концерт. До крајот на годината
сакаат да се обидат и за пробив надвор од Македонија.
- Имаме премногу да им подариме на тие што сакаат да ја слушаат нашата музика.
Самостоен концерт ќе има, но сакаме да бидеме сигурни и на музички и на
организаторски план. Сакаме да направиме концерт што ќе остане
запаметен кај луѓето. Во остварување на нашите намери ќе ни помогне
менаџерката Симона Негриевска. Пресудно за соработката со неа беше
нејзината огромна човечност, голема професионалност и познавање на
менаџерските работи - појаснува Стефан.
За потребите на турнејата што ја планираат низ земјава, момчињата периодов активно
вежбаат во просториите на Младинскиот културен центар. Ги придружува
бенд задолжен за изведба на нивните песни во живо.
- Наша голема желба е да имаме турнеја низ Македонија. Би било супер кога би
настапувале со бенд на таа турнеја, но реалноста е друга. Има премногу
мали услови за тоа. Се надеваме дека организаторите ќе појават интерес
за настап со придружен бенд - завршуваат близнаците.
Соња Алексоска-Неделковска
Трети во Бихаќ
Работната агенда на „Некст тајм“ до крајот на годината е исполнета
со повеќе настапи. Минатиот викенд момчињата учествуваа на фестивалот
на забавни мелодии „Бихаќ 2009“. Во конкуренција од 24 интернационални
изведувачи се пласираа на третата позиција.
- Наше најголемо
задоволство беше реакцијата, не само на публиката туку и на колегите.
Особено не' израдува фактот што фронтменот на поранешниот бенд „Дивље
јагоде“, кој победи на оваа манифестација, ни упати многу комплименти и
не' нарече достоинствени следбеници на поп-рокот на просторите на
поранешна Југославија - велат „Некст тајм“.
инаку немаше да се пробијат. ама гледам кога беа на евровизија сите тинејџерки, па и ,,современи,, тинејџери се запалија по нив затоа ќе си ќутам 
![SimonA]](/data/avatars/m/34/34413.jpg?1358562973){kind=avatar}