Не оставај за утре тоа што можеш да направиш денес

[Fortune]

Сите некогаш сме се нашле во ситуација да одложиме некоја работа која може (или треба) да се заврши што побрзо. Ај за ситници кои не влијаат многу на секојдневие, ајде де. Ама што е со оние работи од кои зависи нашиот мир од ден за ден?

Си викаш, знам дека тоа морам да го направам, ама денес нема да мислам на тоа, си давам фора до утре (задутре, следната недела, следниот месец)

Што е тоа што најчесто избегнувате да завршите што побрзо и после да не му ја мислите, кои обврски ги одложувате? Можеби учење? Некој испит? Лекарски преглед? Купување? Или нешто друго?
Дали, на пример, ве плаши тоа што може да ви каже докторот ако одите на некое испитување, па си мислите дека ви треба време да се припремите психички за тоа што следува? Или се работи за мрза?

Дајте некој ваш пример и споделете како постапувате и размислувате.

 

[KomitaMKD]

Во прв семестар имав еден предмет кадешто требаше да поднесам приговор поради малку поени од активност.И секој ден си викав ајде утре,другата недела и така скоро помина и вториот семестар и конечно вчера поднесов приговор и асистентот ми вика колега каде бевте цел семестар да поднесете приговор сега е веќе касно.И во право беше.И решив од сега да си ги извршувам обврските на време како што вика нашиот народ- Денешната работа не оставај ја за утре.
Интересно во минатото многу се зборувало за оваа тема повикувајќи се и на римската мисла -Опасноста е во одлагањето.Најверојатно нашите предци увиделе дека треба навреме да се извршуваат обврските и јас сум решен тоа да го почитувам колку што можам.

 

[Supervisor]

Ова воопшто се однесува за сите настани и ситуации во животот. Одлична поговорка.

 

[Zaphod Beeblebrox]

Уф колку само одложувам. Што и да ми е обврска ако можам следниот ден да го направам макар и само 5 минути да имам време за тоа, јас одложувам. Многу силен недостаток ми е тоа.

Дали, на пример, ве плаши тоа што може да ви каже докторот ако одите на некое испитување, па си мислите дека ви треба време да се припремите психички за тоа што следува? Или се работи за мрза?

Кај мене баш за овој или сличен случај повеќе е стравот отколку мрзата. Она (мрзата) најчесто ми се појавува во случаеви како: учење, испит, купување, поправка на нешто, средување на домот....

 

[FlyingUnderpant]

Не одложувам многу често работите најчесто гледам да ги сработам на време, но се случува ако треба да учам нешто и сум решила да учам на пример за викенд а треба да научам не за понеделник туку за некој нареден ден и ако многу ме мрзи тогаш знам и да одложам за утредента. Тоа примерот што е со докторот сега баш последниве неколку дена треба да одам на доктор ама повеќе ми е страв отколку што ме мрзи и си одложувам веќе неколку дена (се надевам ќе отиднам што поскоро).

 

[peperutka25*]

Obicno mi se slucuva da odlozuvam so ucenje:uvo:

 

[devojka111]

Многу често ги одложувам работите, чудно, но тоа ми е некоја навика која често ми донесувала успех. На пример со учењето, иако имав некој колоквиум за 1 недела, ќе го учев сериозно последните три дена, а тие 4 дена ќе читнев горе доле и остатокот од денот го поминував со помалку важни работи. Иако знаев дека последните три дена "ќе се испотам" од учење, сепак нешто внатре подсвесно ме тераше да не почнувам "толку рано".
Сфатив дека најмногу вложувам труд кога ќе ме притисне dead line-от, во 5 до 12, односно под притисок, но за среќа тоа имало ефекти

Затоа за мене не важи - Не оставај го за утре тоа што можеш да го направиш денес, туку Подобро направи го утре, ама заврши го двапати подобро од тоа што би го направил денес.

 

[bucio]

Кај мене би било тоа што можеш да го направиш за една недела, направи го за само една ден. И ми се има мене случено ова.
Инаку одложувам заради мрза или реактивно- неактивен стручниот термин би бил . Не се плашам ни од причини ни од последици едноставно од немукает што би рекле ние во градов мој.

 

[Paranoik]

Што е тоа што најчесто избегнувате да завршите што побрзо и после да не му ја мислите, кои обврски ги одложувате? Можеби учење? Некој испит? Лекарски преглед? Купување? Или нешто друго?

Многу сум неодговорна во тој поглед.
Гледам да си одложам до кога можам, не сфаќам дека ако побрзо го оттргнам проблемите и обврските од глава, полесно ќе ми биде.
Затоа секогаш ме бркаат dead-lines. :/
Најчесто одложувам учење, па после у 5 до 12 го потам газот за да поправам некоја оценка. :nesum:

Дали, на пример, ве плаши тоа што може да ви каже докторот ако одите на некое испитување, па си мислите дека ви треба време да се припремите психички за тоа што следува? Или се работи за мрза?

Океј, за испитувањата ми е страв. Признавам, затоа што не ми е сеедно какви ќе бидат резултатите. Еднаш не отидов на кардиолог за да ми го испитаат срцето, затоа што се исплашив да не е нешто сериозно, па отидов на последниот ден од истекувањето на упатот. Имаше лоши последици по моето срце, и се каам што не сум отишла на време.
Но, не е наменет мојот пост сега за тоа.
Поентата ми е, никогаш не треба да остава за утре, затоа што после тоа утре постои задутре, во кое ќе се сносиме со тешки последици ако не го завршиме тоа нешто денес. Некои работи и одлуки се многу важни и пресудни за нашиот живот, за да ги одложуваме.

 

[SSS-Stolica]

Одложувам многу работи...мрза голема сум...и ден денеска се каам што не ги направив некои работи пред 4 месеци и сега се обидувам да ги надокнадам да се надевам дека ќе успеам во тоа...секогаш се правам во последен момент или веќе кога е се поминато...

 

[Ilumious]

Aуу и тоа како се раководам според поговоркава. Гледам се` да завршам колку што е можно побрзо и да не одложувам затоа што мразам работи кои ми се влечат позади мене. И на школо дури и да знам и да не знам, се пријавувам доброволец само за да го тргнам чудото од мене што побрзо, да се ослободам од предметите. И со пливањето е така, прва остварувам норми за натпревари па потоа „уживам“, се сконцентрирам на тренинзите за да остварам што е можно подобри резултати.

 

[Iceboy]

Па кога-како. Зависи од расположението најмногу, ама сепак најчесто гледма да си ги завршам работите на време, за после тоа да бидам слободен и да не ми се трупаат обврски. Ама исто така знам многу често да одложувам со учењето, па да ми текне дека треба да учам во 5 до 12.

 

[nihilista]

Не!
него не оставај за утре тоа што можеш да го направишш задутре!!

 

[[zEUs]]

Тоа што денеска е тешко да се направи утре е уште потешко, а пак задутре е невозможно.

 

[Shorty]

Ако нешто можем да го напраем утре тогаш нема потреба да го напраем денеска. Мудро треба да се размислува.