Артест планира повлекување
Крилото на Сакраменто кингс, Рон Артест (27), на неколку соиграчи им рекол дека ќе се повлече по завршувањето на сезонава и повеќе време ќе минува со семејството. За јавноста, Артест вели оти на тоа ќе одговори кога ќе заврши плејофот, и ниту ги потврдува ниту ги негира шпекулациите. Откако беше уапсен на 5 март поради домашно насилство, Артест пропушти три меча на Кингс. Во четвртокот беше прогласен за невин. Артест ја игра својата осма сезона во НБА, а познат стана по две работи: добра игра во одбраната и правење проблеми на и надвор од кошаркарскиот терен. Првпат спомна повлекување во сезоната 2004/2005 пред добивањето на рекордната суспензија од 73 меча неиграње.