На денешен ден!

[insence]

17 - Февруари 2011



- Ден на македонското новинарство
1600.- По пресудата на инквизицијата на плоштадот Кампо деи Фиори во Рим е запален Џордано Бруно, италијански филозоф, типичен претставник на антисхоластичката ренесанса на филозофијата. Ги негираше христијанските догми, сметаше дека филозофијата и теологијата се неспоиви и многу му се спротивставуваше на христијанското сфаќање на Господ како личност. Создаде пантеистичка теорија според која се се состои од вечното движење. Во науката за вселената го отфрли учењето на Аристотел и на Птоломеј и ја прифати науката на Коперник. Поради своите слободарски идеи дојде под удар на инквизицијата која, по седумгодишна истрага, во Рим конечно го запали. Роден е во Нол, во 1548 година.
1653.- Роден е Арканџело Корели, италијански композитор и виолинист, претставник на италијанската класична музика. Умре на 8 јануари 1713 година.
1673.- Умре Жан Батист Поклен Молиер, француски писател и артист, еден од најголемите комедиографи на светската книжевност. Автор е на 33 театарски дела во кои ги исмејува тогашното општество, расипаноста и лакомоста на аристократијата. Најпознати негови дела се "Тартиф", "Дон Жуан", "Жорж Данден", "Скржавец". Роден е во Париз, на 15 јануари 1622 година.
1766.- Роден е англискиот економист и демограф Томас Роберт Малтус, познат по „законот за население“, според кој тоа се зголемува геометриски, а производството на храна со аритметичка прогресија.
1827.- Умре Јохан Хајнрих Песталоци, швајцарски педагог и реформатор, духовен творец на современото основно училиште. Познати се неговите дела "Како Гертруда ги учи своите деца", "Линхард и Гертруда", "Лебедова песна". Роден е на 12 јануари 1746 година.
1856.- Во Париз умре Хајнрих Хајне, германски поет. Светската слава на Хајне се темели врз лирската „Книга на песни“ и врз подоцните збирки „Нови песни“ и „Романцеро“. Како приврзаник на Француската револуција, во 1851 година ја напушти Германија и се насели во Париз. Роден е во Диселдорф, на 13 декември 1797 година.
1864.- Јужната подморница „Ханли“ во Американската граѓанска војна во Чарлстон во Јужна Каролина со торпедо го потопи северниот брод „Хустаник“, што се смета за прв успешен напад на подморница врз воен брод во историјата.
1877.- Роден е францускиот политичар Андре Мазино, министер за труд од 1922 до 1924 и од 1929 до неговата смрт во 1932 година, по кого е наречена утврдената линија на исток во Франција, градена од 1927 до 1936 година. Големиот систем на утврдување не ја спречило во Втората светска војна армијата на нацистичка Германија во 1940 година да изведе инвазија врз Франција од правец на Белгија, заобиколувајќи ја „Мазино линијата“.
1893.- Во Лимарес е роден Андрес Сеговија, еден од најпознатите шпански музичари, гитарист, кој ја пренесе славата на шпанската гитара низ целиот свет. Умре во Мадрид, на 2 јуни 1987 година.
1909.- Умре индијанскиот поглавар Гојатлај „Оној кој се проѕева“, познат како Џеронимо, последниот поглавар на племето Апачи кој и се предаде на американската војска. Непосредно пред смртта во тврдината Форт Сил во Оклахома, ја издиктира биографијата „Џеронимо: неговата лична приказна“.
1916.- Британските и француските сили за време на Првата светска војна ја окупираа дотогашната германска колонија Камерун.
1927.- Во Кавадарци е роден Лазо Каровски, македонски писател и книжевен историчар. Од неговото обемно книжевно дело ќе ја споменеме неговата прва книга поезија за деца „Овчарче“, објавена во 1946 година, и последната, романот за деца „Нека летаат гулабите“, објавена во 1986 година. Умре во Скопје, на 3 февруари 2000 година.
1946.- Во Скопје е основано Здружението на професионалните журналисти во Македонија. За прв претседател беше избран Мито Хаџивасилев - Јасмин.
1947.- Во Битола почна со работа Нижото музичко училиште, кое во 1962 година прерасна во Средно музичко училиште.
1952.- Во Скопје умре Ангел Динев, македонски општественик и публицист, бескомпромисен борец против великобугарските фалсификации и против сите други негирања на македонската национална историја, односно на македонскиот национален индивидуалитет. Неговата книга „Македонските Славјани“ одигра значајна улога во популаризирањето и смелото истакнување на македонскиот национален индивидуалитет. Роден е во селото Смоквица, Гевгелиско, на 1 октомври 1891 година.
1979.- Кина го нападна Виетнам, но во краткотрајната војна нејзините трупи претрпеа сериозни загуби од виетнамската армија со големо борбено искуство стекнато во победоносната војна против САД која заврши во 1975 година, по што кинеските трупи се повлекоа за три недели. Повод за напад беше упадот на виетнамските сили во Камбоџа кон крајот на 1978 година и исфрлањето на маоистичкиот режим „Црвени Кмери“, одговорна за смртта на еден до два милиони луѓе.
1982.- Премиерот на Зимбабве Роберт Мугабе го исклучи од владата главниот сојузник и водач на партијата ЗАПУ Џошуа Нкома, осомничен за заговор.
1989.- Умре францускиот моден креатор Ги Ларос, еден од најголемите "модни креатори" на 20 век.
1992.- Генералниот секретар на ОН Бутрос Бутрос-Гали препорача разместување на 13.000 припадници на мировните сили на светската организација во поранешна Југославија.
1994.- Потврдена е смртта на првиот избран претседател на Грузија Звијад Гамсахурдиј, чие распаднато тело беше пронајдено и идентификувано.
1995.- Умре Благоја Корубин, македонски научен работник на полето на македонскиот литературен јазик. Роден е во Прилеп, на 1 март 1921 година.
1997.- Претседателот на Пакистан Фарук Легари кој во ноември 1996 година ја распушти Владата на Беназир Буто, го наименува Наваз Шариф за нов премиер.
1998.- Во Вилфлинген умре Ернст Јунгер, германски пистел кој беше замешан во заговорот за атентат врз Хитлер на 20 јули 1944 година. Во германската војска служеше во двете светски војни. Напиша повеќе романи со воена тематика.
2002.- Повеќе од 170 луѓе, претежно војници и полицајци беа убиени во нападот на маоистичките герилци во градот Мангалсен западно во Непал. Маоистите ги уништија сите владини згради, го демолираа аеродромот и ги ограбија банките.
2006.- По дводневните обилни врнежи, река од кал го затрупа селото Гвинсахугон на јужнофилипинскиот остров Лејти. Загинаа повеќе од 1.700 луѓе.
2007.- Умре Морис Папон, единствен француски нацистички функционер кој е осуден заради учествување во прогонот на Евреите. Папон во 1942 година беше избран за генерален секретар на областа Жиронд, задолжен за Службата за еврејски прашања. Од 1958 година беше шеф на париската полиција. Во текот на војната во Алжир ги задуши демонстрациите. Во 1968 година стана пратеник, а министер за буџет стана во 1978 година. Во 1998 година е суден на 10 години затвор. Тврдеше дека ништо не знаел за холокаустот и дека го помагал Движењето на отпорот. Пребегна во Швајцарија, но тамошната полиција и го испорача на Франција. Поради слабото здравје во септември 2002 година беше ослободен.
2008.- Седум лица го изгубија животот, а три беа тешко повредени во пожарот кој изби во кафулето „Ланч“ во Нови Сад.
2008.- Најмалку 80 лица загинаа, а десетина беа повредени во нападот на бомбаш-самоубиец во Кандарах, главниот град на истоимената провинција на југот на Авганистан. Бомбашот-самоубиец го детонираше експлозивот додека се наоѓаше меѓу масата луѓе кои ја гледаа борбата на кучиња во западниот дел на градот.
2008.- Привременото собрание на Косово ја усвои Декларација за независност на таа српска покраина. Со Декларацијата Косово е прогласено за независна и суверена држава, формирана врз основа на планот на Марти Ахтисари.

 

[Хакет Мен]

1519.Шпанскиот конквистандор и авантурист Ернандо Кортес (1485-1547) се упати од Сан Доминго кон Мексико со флота од 11 бродови, 110 морнари и 570 војници. Таа воена единица, составена од авантуристи и пропаднати луѓе, се нафрли врз старата ацтешка цивилизација и за кратко време, на најкрвав начин го совлада големото царство на кралот Монтезума.
1546 Умре Мартин Лутер, основач на Протестанската црква во Германија и водач на реформацијата на Христијанската црква. Со преводот на "Библијата" - стана втемелувач на германскиот литературен јазик. Во 1517 година, јавно ги изнесе 95-те тези за реформа на црквата, што доведе до широко народно движење против папската власт. Всушност, движењето беше насочено против феудалното општествено уредување, на кое црквата му даваше организациона форма. Кога реформацијата доведе до селанска војна против феудализмот во 1525 година, Лутер направи се движењето да биде задушено. Роден е на 10 ноември 1483 година.
1564 Во Рим умре Буонароти Микелаџело, италијански скулптор, сликар, градител и поет, еден од најголемите уметници на целата историја на цивилизацијата. Негови најпознати дела се скулптурите на "Давид", "Бахус", "Мојсеј", "Робови", "Пиета", циклусот фрески и олтарскиот дел на Сикстинската капела во Ватикан, како и архитектонското решение на базиликата "Свети Петар" во Рим. Роден е во Капрес, на 6 март 1475 година.
1745 Роден е Александар Волта, италијански научник, физичар. Според неговото име се наречени голем број поими во физиката: волт, волтампер, волтин лак. Умре во 1827 година.
1861 Првиот Парламент на Италија го прогласи за крал Виторио Емануел Втори.
1915 Германија во Првата светска војна со помош на подморници ја започна поморската блокада на Велика Британија.
1945 Во Скопје е отворен Работнички Дом, прв во Македонија.
1950 Во Прилеп, аматерите на КУД „Мирче Ацев“, претходно работници на Тутунскиот комбинат, со претставата „Кир Јања“ од Јован Стерија Поповиќ, а во режија на Аце Михајловски, ги поставија темелите на Народниот театар „Војдан Чернодрински“.
1950 Во Марибор умре Воранц Прежихов (вистниското име му е Ловро Кухар), словенечки писател и револуционер. Во своите дела се претставува како сугестивен сликар на животот на словенечкото село. Познати негови дела се романот „Пожганица“, „Добердоб“ и „Јамница“, збирката новели “Самоникнати“ и расказите за младинци „Момина солза“. Роден е во Подгора, во Корушка, на 10 август 1893 година.
1952 Грција и Турција станаа членки на НАТО.
1960 Аргентина, Бразил, Мексико, Парагвај, Перу, Уругвај и Чиле се договорија да формираат Латиноамериканско здружение за слободна трговија.
1965 Прогласена е независност на африканската држава Гамбија во рамките на Британскиот комонвелт.
1986 Во Лос Анџелес умре Пол Стјуарт, американски филмски актер и режисер. Настапи во повеќе од 60 филмови, меѓу кои се "Граѓанинот Кејн" и "Одмаздата на Пинк Пантер". Роден е во 1909 година.
1992 Собранието на Република Македонија донесе одлука за формирање на Македонска информативна агенција (МИА) како јавен информативен сервис. Првата вест МИА ја емитуваше на 30 септември 1998 година.
1994 Владата на Република Македонија донесе одлука за воспоставување на дипломатски односи меѓу Република Македонија и САД на ниво на амбасади.

 

[Хакет Мен]

1473.Роден е Никола Коперник, полски астроном, еден од најголемите астрономи на сите времиња во светот. Поаѓајќи од теоријата на грчките астрономи, кои сметаа дека Сонцето е центар на светот, а Земјата и другите планети кружат околу него, Коперник ја формулира теоријата на хелиоцентричниот систем и со тоа ги постави основите на модерната астрономија. Умре на 24 мај 1543 година.
1647 Со потпишувањето на Вестминистерскиот договор заврши англиско-холандската војна.
1743 Роден е Луиџи Бочерини, италијански композитор и виолончелист. Особено е заслужен за развојот на камерната музика за која напиша голем број композиции. Умре во Мадрид, на 28 мај 1805 година.
1797 Папата Павле Шести со Наполеон Бонапарта Толентински потпишаа договор со кој Болоња, Ромања и Фераро и припаднаа на Франција.
1800 Наполеон Бонапарта се прогласи за прв конзул на Франција.
1878 Со Санстефанскиот договор заврши српско-турската војна. Договорот со кој Русија се обиде да создаде Голема Бугарија на сметка на Србија е поништен на барање на останатите европски сили на Берлинскиот конгрес во јули 1878 година.
1895 Во Кукуш, Егејска Македонија, е родена Лика Чопова - Јурукова, истакнат македонски педагошки работник и публицист. Потекнува од револуционерните македонски семејства на Делчеви и Чопови, од мајка Руша Делчева, сестра на Гоце Делчев, и татко Андон Чопов. Умре во Скопје, на 5 септември 1983 година.
1918 Во Русија со декрет на болшевиците се забранети приватната сопственост на земјиштето, водата и природните богатства.
1921 Склучен е првиот од пактовите со кои Франција настојуваше да обезбеди хегемонија во Европа - сојуз со Полска против Германија и со Малата Антанта дејствуваа многу силно врз европската политика.
1922 Во Загреб излезе првиот број на весникот „Борба“ зад кого стоеше илегалната Комунистичка партија на Југославија. На 13 јануари 1929 година беше забрането неговото излегување. Повтороно излезе како орган на КПЈ во Втората светска војна во Ужице од 19 октомври до 27 ноември 1941 и во Босанска Краина од 1 октомври 1942 до 27 февруари 1943 година. По ослободувањето на Белград, од 15 ноември 1944 година како орган на КПЈ стана дневен весник.
1923 Во Љубљана умре Иван Тавчар, словенечки писател и политичар. Се смета за еден од најдобрите раскажувачи на романтичарскиот правец. Во некои книги се приближи кон реализмот. Главни негови дела се „Мртви срца“, „Меѓу горите“, „Висошка хроника“, „Цвеќе на есен“ и други. Роден е во Пољане, кај Шкофја Лока, на 28 авгут 1851 година.
1924 Роден е американскиот филмски глумец Ли Марвин, брилјантен толкувач на улоги на брутални отпадници и луѓе на маргините на општеството. Филмови: „Голема трка“, „Дванаесетмината жигосани“, „Човекот кој го уби Луберто Валансо“, „Кет Балу“ (Оскар), „Монти Валш“, „Убијци“...
1942 Јапонски авиони во првиот напад врз Австралија во Втората светска војна го бомбардираа градот Дарвин и блиската воена база. Во нападот загинаа 143 Австралијанци, беа потопени осум бродови и уништени 23 авиони.
1945 Американските сили во Втората светска војна се распоредија на пацифичкиот остров Иво Џим, а по крвавите борби, од 22.000 Јапонци само 212 најтешко ранети на 26 март 1945 година се предадоа, додека кај Американците имаше повеќе од 6.800 загинати.
1951 Во Париз умре Андре Жид, француски писател, есеист и критичар. Познат е како највлијателна и најконтроверзна личност на француската литература во 20. век. Меѓу познатите негови дела спаѓаат „Ковачи на лажни пари“, „Визбите на Ватикан“, „Пасторална симфонија“, „Пат во Конго“ и други. Во 1947 година ја доби Нобеловата награда за литература. Роден е во Париз, на 22 ноември 1869 година.
1952 Во Нерхолмен умре Кнут Хамсун, норвешки писател, по Избен најпознат во светот. Негови најпознати дела се романите „Глад“, „Викторија“, „Мистерија“, „Пан“ и други. Во 1920 година ја доби Нобеловата награда за литература. Роден е во една фарма во централна Норвешка, на 4 август 1859 година.
1959 Потпишана е Лондонската спогодба меѓу Велика Британија, Грција и Турција за независност на Кипар.
1976 Исланд ги прекина дипломатските односи со Велика Британија по неуспешните преговори на двете земји за правото на рибарење во спорните води.
1977 Во Букурешт е потпишан југословенско-романскиот договор за понатамошно заедничко користење на Дунав и изградба на хидроцентралата „Ѓердап 2“.
1991 Борис Елцин побара оставка од претседателот на Советскиот Сојуз Михаил Горбачов, тврдејќи дека тој ги жртвува реформите за да ја зголеми личната власт.
1992 Во Јужна и Северна Кореја стапија на сила договорите за забрана на нуклеарно оружје на корејскиот полуостров.
1993 Покрај брегот на Хаити поради силното невреме потона ферибот при што од околу 1.500 патници и членови на екипажот се спасија само 285 луѓе.
1994 Во Скопје е основано Македонско-американско здружение за пријателство и соработка.
1996 Во Њујорк официјално започна со работа Генералниот конзулат на Република Македонија.
1996 Советот на Театарските игри "Војдан Чернодрински" донесе одлука оваа манифестација во иднина да се одржува под името "Македонски театарски фестивал".
1997 Умре кинескиот државник Денг Сјаопинг, главен архитет на стопанските реформи и силните економски успеси на Кина на крајот од 20. век.
1999 Убиен е верскиот водач на ирачките шиите големиот ајатолах Мохамад Садек ел Садр, заедно со двата сина.
2003 Во дотогаш најголемата авионска несреќа во Иран, на југоисток од земјата, се урна воен транспортен авион од типот „Иљушин 76“ со припадници на иранската Револуционерна гарда и 18 членови на екипажот. Падот на авионот не го преживеа никој од 176-те луѓе.
2007 Во подметнат пожар кој зафати два вагони од еден ескпресен воз на север во Индија, животот го загубија најмалку 64 патници. До несреќата дојде кај градот Панипата, во индиската држава Харијан, а возот се движел од главниот град на Индија кон границата со Пакистан (Делхи - Лахоре).

 

[Хакет Мен]

1437.Шкотскиот крал Џејмс Први беше убиен. На престолот на Шкотска стапи во 1406 година, но вистински владееше од 1924, кога Англичаните го пуштија од затвор. Успеа да ја зајакне кралската власт, посебно во правосудството, администрацијата и во водењето трговија. Се претпоставува дека тој е автор на поемата „Кралска книга“.
1513 Умре папата Јулиј Втори, најголем покровител на уметноста меѓу поглаварите на римокатоличката црква. Во 1503 година на својот близок пријател Микеланѓело му нарача да изработи фреска во Сикстинската капела во Ватикан, вклучувајќи го и џиновскиот „Страшен суд“. Од Браманто побара да направи реконструкција на црквата „Свети Петар“ во Ватикан, а Рафаел ги насликал неговите приватни одаи.
1613 На рускиот престол дојде Михаил Романов, родоначалник на династијата Романови, која владееше со руското царство 300 години, се до Февруарската револуција во 1917 година.
1677 Во Хаг умре Барух Спиноза, холандски филозоф од еврејско потекло, еден од најистакнатите рационалисти и панатеисти во филозофијата. Најпознати негови дела се "Теолошко-политички трактат", "Политички трактат" и најзначајното дело "Етика", во кое го изложува своето учење според кое бог и природата се идентични, а светот бесконечен. Роден е во Амстердам, на 24 ноември 1632 година.
1728 Роден е рускиот цар од германско потекло Карл Петер Улрих, војвода од Холштајн-Готорп, познат како Петар Трети Фјодорович Романов, кој владеел само неколку месеци. На престолот беше од 5 јануари до 9 јули 1762 година, кога беше тргнат и неколку дена потоа убиен по налог на неговата сопруга, подоцна царицата Катарина Велика.
1794 Роден е мексиканскиот генерал и државник Антонио Лопес де Санта Ана, претседател на Мексико од 1833 до 1836 година. Потоа повторно владееше со Мексико како диктатор од 1839 и од 1841 до 1845 година, кога беше принуден да оди во бегство. Посебно е запаметен по освојувањето на тврдината Аламо во Тексас во 1836 година, кога околу 4.000 војници под негова команда масакрираа нешто помалку од 200 бранители, вклучувајќи го и Дејв Крокет.
1795 Во Рио де Женеиро е роден Франческо Маноел да Силва, познат бразилски композитор. Умре во Рио де Женеиро, на 20 ноември 1865 година.
1795 Холандија и го предаде на Велика Британија островот Цејлон во Индискиот океан, денешна Шри Ланка.
1836 Роден е Лео Делиб, француски композитор, претставник на романтизмот во музиката. Најпознати остварувања му се балетите „Копелија“ и „Силвија“ и операта „Лакме“. Умре во Париз, на 16 јануари 1891 година.
1848 Во Лондон е објавен Манифестот на комунистичката партија, прв програмски документ на научниот комунизам, во кој се изложени основните идеи на марксизмот. Автори на Манифестот се Маркс и Енгелс.
1851 Умре англиската писателка Мери Волстоункрафт Шели, сопруга на поетот Биш Шели, најмногу позната по романот „Франкештајн или модерениот Прометеј“, пишуван во духот на приказната за стравот и ужасот. Останати дела: романите „Последниот човек“, „Лодор“.
1866 Роден е германскиот бактериолог Аугуст фон Васерман кој во 1906 година ја воведе методата за преглед на крвта (Васерманова реакција) со помош на која е утврдено постоењето на сифилисот. Ја проучуваше структурата на келиите, антитоксините, како и причините за појавата на болеста туберкулоза и рак.
1885 Роден е францускиот писател, режисер и глумец од руско потекло Александар Жорж Гитри, познат како Саша Гитри, автор на лесни комедии, кои сам ги режирал и во нив ги играл главните улоги. Дела: комедиите „Ноќен чувар“, „Убава свадба“, оперите „Маскирана љубов“, „Моцарт“, филм: „Кога Версај би прозборел“.
1893 Роден е шпанскиот гитарист Андрес Сегови, најголем мајстор на овој инструмент во 20. век. Со само седум години приредувал концерти ширум светот извонердно исполнувајќи ги делата на класичните мајстори, со што гитарата ја смести во концертните инструмени за сериозна музика.
1903 Родена е американската писателка од француско потекло Анаис Нин, чии дневници се ремек дело на самоанализа и интересно сведоштво за модерното боеми. Основна тема на нејзините романи е трагањето за сопствен идентитет, а пишувала и по порачка еротски приказни за колекционерите на еротика. Дела: романи „Куќа на инцест“, „Децата на Албатрос“, збирка приказни „Под стаклено ѕвоно“...
1907 Роден е Хју Одн, англиски поет и драмски писател. Тој е интелектуален творец, чиј поетски јазик е близок до говорниот. Познати негови поетски дела се „Песни“, „Говорници“, „Танц на смртта“, „Новогодишно писмо“ и други. Добитник е на „Златниот венец“ на Струшките вечери на поезијата во 1971 година. Умре на 28 септември 1973 година.
1911 Јапонија и САД потпишаа трговски договор со кој е ограничен приливот на јапонските работници во Америка.
1916 Германските трупи минаа во офанзива кај Верден во Франција. Тоа беше најкрвава битка во Првата светска војна, која со кратки прекини траеше шест месеци. Во оваа неуспешна офанзива, Германците загубија околу половина милион луѓе, додека Французите, иако имаа исти загуби, успеаја да го одбранат Верден и да ги запрат Германците.
1924 Роден е зимбабвеанскиот револуционер и државник Роберт Габриел Мугабе, кој по стекнувањето на независност на Зимбабве во 1980 година, стана прв премиер на африканската држава.
1926 Роден е Сем Пекинпо, американски филмски режисер, автор на криминалистички филмови и вестерни, што се карактеризираат со изразити ликови и краен реализам на филмските сцени. Автор е на филмовите „Пукотници попладне“, „Дива одра“, „Балада на Кејбли Хог“, „Шампиони на родеа“, „Пци од слама“ и други. Умре во Лоз Анѓелес, на 29 јануари 1984 година.
1941 Во авионска несреќа загина канадскиот филозоф Фредерик Грант Бантинг, кој со Чарлс Бест во 1921 година го пронајде инсулинот, што овозможи лекување на дотогаш смртоносната шеќерна болест. За ова епохално откритие во 1923 година со Џон Меклауд, со кого исто така соработувал, ја доби Нобеловата награда за медицина. Сметајќи дека Бест е неспоредливо позаслужен од Меклауд, својата награда ја подели со него.
1943 Британскиот крал Џорџ Шести ја одликуваше Москва со „Мечот на честа“ заради одбраната на Сталинград.
1947 Полароидот, првиот инстант фотографски апарат, во Њујорк беше промовиран од неговиот пронаоѓач Едвин Херберт Ленд.
1958 Гамал Абдел Насер е избран за прв претседател на Обединетата Арапска Република, федерацијата на Египет и Сирија.
1963 Советскиот Сојуз ги предупреди САД дека нападот врз Куба би можел да значи и светска војна.
1965 Убиен е Малколм Икс (Malcolm X) водач на американските црнци, во моментот кога во Њујорк зборувал на собирот на својата Афро-американска организација на единство. Бил најголем проповедник на „расниот пркос“ и црнечкиот национализам.
1972 Ричард Никсон, како прв претседател на САД допатува во Пекинг со што започна нормализацијата на американско-кинеските односи.
1973 Либански „боинг 727“ е соборен врз еден израелски воен аеродром. Никој од 104-те патници и членови на екипажот не го преживеа падот.
1974 Во Собранието на СФРЈ беше донесен новиот Устав за кој е речено дека е „нова етапа во развојот на југословенското социјалистичко самоуправување“, со кој земјата беше конфедерализирана, а Србија дезинтегрирана со претварање на нејзините покраини Косово и Метохија и Војводина во своевидни „држави во држава“. Овој Устав го овозможи распаѓањето на Југославија во почетокот на деведесеттите години во 20. век.
1983 Во етничките немири по изборите во индиската држава Асам загинаа повеќе од 800 луѓе.
1984 Во Станица Вешенскаја, во Ростовската област на Дон, умре Михаил Шолохов, еден од најпознатите руски писатели. Најпознати негови дела се "Тихиот Дон", "Донски раскази", "Разорана ледина", "Судбината на човекот" и други. Во 1965 година ја доби Нобеловата награда за литература. Роден е во Станица Вешенскаја, на 24 мај 1905 година.
1991 Умре англиската балерина Маргот Фонтејн, една од најпознатите балерини во 20. век. Со извонреден успех играше ширум светот многу улоги во класичните балети, како што се „Жизел“, „Лебедево езеро“...
1992 Во Вадуз (Лихтенштајн), на Генералното собрание на Еуротел интернационал-хотелска агенција во која членуваат девет земји, Република Македонија е примена за десетта членка. Неколку земји, членки на Европската заедница (Холандија, Италија, Шпанија, Португалија, Велика Британија и Белгија) индиректно ја признаа Република Македонија.
1992 Во Лисабон почна конференцијата за Босна и Херцеговина, на која претставниците на трите водечки национални партии се договорија уредувањето на БиХ да се заснова на повеќе ентитети во постоечките граници. Надежите кои ги поттикна конференцијата набрзо исчезнаа, бидејќи муслиманската страна наговорена од САД се откажа од мирот и граѓанската војна продолжи.
1994 Пакистански командоси упаднаа во амбасадата на Авганистан во Исламабад, при што ослободија петмина ученици убивајќи тројца авганистански терористи кои за заложниците бараа паричен откуп.
1999 Посетата на индискиот премиер Атал Бихариј Ваџпај на Пакистан, прва на еден шеф на влада на соседната земја по десет години, заврши со потпишување на Договор за соработка меѓу двете држави во напорите за решение на спорот во Кашмир, како и за намалување на ризикот од избивање војна.
2002 Претседателот на САД Џорџ Буш ја посети Кина точно по 30 години од посетата на Ричард Никсон со што заврши повеќе од 20-годишното непријателството меѓу Вашингтон и Пекинг.

 

[Хакет Мен]

1512.Во Севилја, Шпанија, умре Америго Веспучи, италијански морепловец, кој пловејќи под шпанското знаме стигна до бреговите на Бразил и Хондурас. Тој беше уверен дека открил "нов свет", што се наоѓа меѓу Европа и Азија. Според неговото име, новиот континент го доби името Америка. Роден е во Фиренца, на 9 март 1459 година.
1732 Роден е Џорџ Вашингтон, прв претседател на САД (1789-1797). Во војната за независност беше врховен заповедник на војската на колонистите и лично заслужен за победата во војната и за ослободување од Британија. За претседател е избран и по вторпат во 1792 година. На третите избори одби да се кандидира и се повлече од политичкиот живот. Умре на 14 декември 1799 година.
1788 Во Данцинг е роден Артур Шопенхауер, германски филозоф - идеалист. Неговата филозофија одразува песимистички став. Според него животот е бескрајно страдање, а овој свет е најлошиот можен став. Умре во Франкфурт на Мајна, на 21 септември 1860 година.
1875 Во Париз умре Камиј Каро, француски сликар, еден од создавачите на модерниот лирски интимен пејзаж. Неговиот опус опфаќа околу 2.000 слики, 300 цртежи и десеттина графики. Роден е во Париз, на 16 јули 1796 година.
1819 САД ја презедоа Флорида од Шпанија, според договорот кој го потпишаа американскиот државен секретар Џон Кинси Адамс и шпанскиот министер Дон Лаус де Онис.
1828 Со мировниот договор во Туркмаџај Прусија по поразот во војната со Русија беше принудена да и отстапи дел од Ерменија, вклучувајќи го и градот Ереван.
1862 Во текот на Американската граѓанска војна Џеферсон Дејвс е прогласен за претседател на Конфедерацијата на Државите на Америка (единаесет јужни држави).
1878 Во Охрид е роден Христо Узунов, еден од плејадата големи македонски револуционери во борбата за македонското социјално и национално ослободување. Поради својата револуционерна дејност беше затворан од страна на османлиската власт. За време на Илинденското востание учествуваше во востаничките акции. И по задушувањето на востанието ја продолжи борбата за слобода се до неговата смрт кога со 11 соборци, за да не им се предадат живи на османлиите се самоубија, на 14 април 1905 година.
1900 Роден е шпанскиот филмски режисер Луис Буњуел, еден од најпознатите во светската кинематографија. Од 1936 до 1939 година снимал во Шпанската граѓанска војна за републиканците, а од 1947 година главно работел во Мексико. Снимил 32 филма, а „Андалузиско куче“ од 1928 и „Златна доба“ од 1930 година претставуваат образец за надралистичкиот поетски филм. Ја напиша автобиографијата „Мојата последна воздишка“. Останати филмови: „Земја без леб“, „Лос олвидадос“, „Робинсон Крусо“, „Тоа се вика зора“, „Назарен“, „Анѓел на смртта“, „Ѕзвезден пат“, „Тристана“, „Убавицата на денот“...
1903 Умре австрискиот композитор и музички писател Филип Јаков Волф, познат по пишување книги песни, посебно со „Книга шпански песни“ и „Книга Гетови песни“. Компонирал соло песни на стиховите од Хајнрих Хајнен, Јохан Волфганг Гете, Јосеф фон Ајхендорф, на шпански и италијански поети.
1913 Војската во Мексико ги уби револуционерите претседателот Франсиско Мадера и потпретседателот Пино Суереса.
1921 Роден е централноафриканскиот диктатор Жан Бадел Бокасо, кој на власт дојде со воен удар во 1966 година. Во 1972 година се прогласи за доживотен претседател, а во 1976 за цар. Со воениот удар го урна блискиот роднина, претседателот Давид Дака, а во 1977 година го потроши времето на церемонијата за крунисување на четвртина од националиот производ на земјата, променувајќи го името од Централноафриканска Република во Централноафриканско царство. Неговото владеење е обележано со неверојатно екстраваганство, со расипување на државниот имот и злосторства врз својот народ. Од власт го симна неговиот поранешен претседател Дако, во 1979 година.
1935 Во Суботица е роден Данило Киш, еден од најголемите писатели во поранешна Југославија, со светско реноме. Меѓу најпознатите негови дела спаѓаат романите „Бавча, пепел“ и „Гробница на Борис Давидович“, книгите раскази „Енциклопедија на мртвите“ и „Рани јадови“ и драмата „Електра 70“. Умре во Париз, на 15 октомври 1989 година.
1942 Зафатен со внатрешната криза и скршен од нацистичкото варварство, австрискиот писател Штефан Цвај, кој пред нацистите во 1938 година емигрира во САД, изврши самоубиство во Бразил. Дела: „Амок“, „Првото доживување“, романсираната биографија „Жозеф Фуше“, „Марија Антоанета“, „Марија Стјуарт“, студијата „Тројца мајстори“ (Балзак, Дикенс, Достоевски), „Борба со ѓаволите“ (Хелдерлин, Клајст, Ниче), „Тројцата писатели на својот живот“ (Казанова, Стендал, Толстој), автобиографијата „Вчерашен свет“.
1967 Претседателот на Индонезија Ахмед Сукарно му ја предаде извршната власт на генералот Сухарта, задржувајќи ја само титулата претседател.
1979 Карипскиот остров Санта Лучија стекна независност по 165 години британска управа.
1980 Умре австрискиот сликар и писател Оскар Кокошка, еден од најистакнатите претставници на експресионистичкото сликарство. Во текот на Втората светска војна сликал големи композиции со идејно-хуманистичка содржина. Дела: драмите „Убиец, иако жена“ и „Трнливиот жбун во пламен“, пишувани со експресионистички стил кои критиката не ги оцени високо.
1980 Израелската Влада донесе одлука за пуштање во оптек на нова национална валута, шекел, која ја замени израелската фунта.
1987 Умре американскиот сликар, новинар, филмски режисер и продуцент Енди Ворхол, еден од најзначајните претставници на поп-арт сликарството. Филмови: „Емпајер“, „Сон“, „Девојките од Челзи“, „Осамениот каубој“, „Месо“, „Ѓубре“, „Секс“, „Побунети жени“, „Месо за „Франкештајн“, „Крв за Дракула“.
1988 Во Скопје умре Петар Богданов - Кочко, македонски композитор, оперски пејач (тенор) и организатор на музичкиот живот во Македонија. Учесник е во НОВ на Македонија, еден од основачите на Операта на Македонскиот народен театар и на првото музичко училиште, прв претседател на Друштвото на музичарите на Македонија. Како пејач остави низа значајни улоги. Роден е во Скопје, на 12 март 1913 година.
1992 Умре водачот на грчките партизани Вафијадис Маркос, командант на таканаречената Демократска армија на Грција во граѓанската војна од 1946 до 1949 година. Од Анадолија, истко како и стотици илјади Грци емигрирал во 1923 година. По германската окупација на Грција во Втората светска војна побегнал од затворот на островот Гаудос и му се приклучил на Движењето на отпорот. Бил политички комесар на Десеттата дивијза ЕЛАС, а потоа и на Македонската група на дивизијата ЕЛАС. Емигрирал во Советскиот Сојуз, а во Грција се вратил при крајот на животот.
1994 Владата на Република Македонија донесе одлука за воспоставување на дипломатски односи меѓу Република Македонија и Кралството Белгија. Во Брисел, со размена на дипломатски документи, Кралството Белгија воспостави дипломатски односи со Република Македонија.
1994 Министерството за правда на САД соопшти дека поранешниот висок службеник на ЦИА Олдрич Хејзен Ејмс девет години бил шпион на Советскиот Сојуз.
1995 Франција обвини четворица американски дипломати и уште еден државјанин на САД за политичка и економска шпионажа и им наложи да ја напуштат земјата.
1996 Франција како прва земја-членка на Европската унија ги нормализира дипломатските односи со СРЈ и ги врати на амбасадорско ниво.
1998 Во Скопје умре Димитар Ќостаров, еден од доајените на македонската театарска уметност. Роден е во Ичера, Сливенско, Бугарија, на 25 август 1912 година.
1998 Распуштена е турската исламска партија „Партија на благосостојба“.
2002 Водачот на анголските бунтовници Жонас Савимби загина во борбата со владините трупи во централниот дел на земјата. Ова следниот ден го потврди неговото движење УНИТА , по што беше прикажана телевизиската снимка од неговото изрешетено тело.
2004 Припадници на бунтовничката „Божја армија на отпорот“ против владата на Уганда на север од земјата упаднаа во камп за раселени и масакрираа најмалку 200 бегалци.
2005 Во земјотрес со сила од 6,4 степени според Рихтеровата скала кој го погоди југоисточниот дел на Иран загинаа 612 луѓе, а повеќе од илјада беа повредени.
2006 Во Златната џамија од 17. век, во Самара, во едно од најголемите светилишта на шиитите во Ирак, подмената е бомба која тешко го оштети овој храм и ја разори неговата златна купола. Во знак на одмазда за 48 часа беа убиени околу 130 сунити, а беа запалени 170 сунитски џамии. Во Багдат беа убиени три сунитски имами, а еден киднапиран. Во 28 февруари страдаа дури 379, а повредени беа 458 лица.
2007 Во пожар на траект во близина на Џакарта во Индонезија настрадаа 41 лице, при што како исчезнати се водат околу 90 лица. Бродот „Левина“ на кој се наоѓаа околу 350 патници пловел кон островот Банг кога на 80 километри од Џакарта го зафати пожар.

 

[Tetro]

На денешен ден (26 февруари, 2004-та) пред седум години во Мостар, Босна и Херцеговина загина II-от претседател на Република Македонија, Борис Трајковски

Претседателот Трајковски беше особена личност, кој се посвети себеси многу повеќе од она што се бараше од него како претседател. Тој беше вистински народен човек и го живееше својот живот посветен на својата земја Македонија, како и на поголема регионална и меѓународна соработка. Како голем поборник за единствена Македонија, Претседателот Трајковски беше активен во се` она што го правеше, вистински верувајќи дека Македонците со различно етничко и религиозно потекло можат да живеат и работат заедно.

Нека почива во мир.

 

[Viktor g]

На 26 Фебруари 1948 е роден Ѓорѓи Колозов незаменливот и неповторливиот !

 

[Хакет Мен]

1199.Во Хиландар умре Стефан Немања, основач на династијата Немањиќ која владеала со српските земји повеќе од два века.
1531 Во Лисабон, главниот град на Португалија, во земјотрес загинаа меѓу 20 и 30 илјади луѓе.
1770 Умре италијанскиот виолински виртуоз и композитор Ѓузепе Тартини, кој воведе новини во техниката на свирење и градење на виолината. Компонирал мноштво концерти за виолина и сонати, вклучувајќи ја и сонатата „Ѓаволски трилер“.
1802 Во Безансон е роден Виктор Иго, еден од великаните на францускиот романтизам кој покрај Балзак е најголема фигура во француската книжевност во деветнаесеттиот век. Неговите романи "Биг Жаргал", "Богородична црква во Париз", "Клетници", "Морските работници", драмите "Кромвел", "Лукреција Борџија", поетските дела "Оди и балади", "Ориентални песни" и многу други дела претставуваат ремек дела на светската литература. Како политичар беше голем борец против деспотизмот и тиранијата. Умре во Париз, на 22 мај 1885 година.
1808 Роден е Оноре Домие, француски сликар, графичар и вајар. Во своите дела, особено во графиките, беше силен сатиричар на своето време и аналитичар на негативните општествени и морални појави. Вистинското значење на неговиот опус го сфатија дури и импресионистите. Умре на 11 февруари 1879 година.
1815 Францускиот цар Наполеон Бонапарта го напушти островот Елба, кој по абдикацијата му беше одреден како привремено живеалиште, и со мала група следбеници тргна за Париз за да ја преземе власта. Со тоа почна периодот на неговото владеење познато како "Сто денови", завршено со поразот на неговите трупи кај Ватерло.
1834 Умре германскиот издавач и печатар Алојз Јохан Непомук Франц Зенефелдер, пронаоѓач на системот на литографскиот печатар. Го напишал „Учебникот за литографија“.
1846 Роден е Вилијам Фредерик Коди, познат како Буфало Бил, легендарна личност од историјата на САД во време на освојувањето на територии на западна Америка. Прекарот го добил како вешт ловец на бизони.
1848 Британскиот воен транспоретен брод „Биркенхед“ потона во заливот Симон покрај брегот на Јужна Африка, повлекувајќи во смрт 485 луѓе.
1901 По задушувањето на двегодишното кинеско востание против окупаторите - наречено „Боксерско востание“, на водачите на побунетите Чи Хсиуиј и Су Ченг Ју јавно им ги отсекоа главите.
1909 Османлиското царство ја призна австроунгарската анексија врз Босна и Херцеговина.
1915 Германците во Првата светска војна, во борбата против Французите кај Маланкур, за првпат во историјата војуваа со употреба на фрлачки пламени.
1918 Германски авиони во Првата светска војна го бомбардираа италијанскиот град Венеција.
1925 Во Свиленград, Бугарија, е убиен Георги Скрижовски (вистинското име му е Георги Радев Иванов), деец на македонското револуционерно движење, учител и војвода, член на ВМРО и учесник во Илинденското востание. Тој е еден од верните следбеници на Јане Сандански. Роден е во селото Скрижево, Драмско, Егејска Македонија, во 1882 година.
1932 Во Штип е роден Спиро Прилепчански, долгогодишен новинар и уредник на неделниот енигматски забавник на "Нова Македонија", доајен на енигматиката во Македонија, уредник и издавач на првото енигматско списание на македонски јазик, чиј прв број се појави во Штип, на 1 мај 1966 година. Умре во Скопје, на 7 март 1990 година.
1935 Шкотскиот физичар Роберт Вотсон првпат јавно го демонстрира уредот наречен радар (откривање и одредување на положба со помош на радио бранови).
1936 Адолф Хитлер во Саксонија ја отвори првата фабрика за производство на „народното возило“ Фолксваген.
1944 Во селото Жегљане, Кумановско, е формирана Третата македонска НОУ бригада.
1952 Премиерот Винстон Черчил соопшти дека Велика Британија произвела атомска бомба и дека ќе ја испроба во Австралија.
1969 Умре германскиот филозоф Карл Теодор Јасперс, творец на филозофската егзистенција. Дела: „Општа психопатологија“, „Психологија на погледот на светот“, „Филозофија“, „За вистината“, Филозофска вера“.
1980 Египет и Израел воспоставија дипломатски односи со што ставија крај на тридецениската меѓусебна воена состојба.
1990 Под водство на Виолета Бариос де Чаморо, здружената листа од 14 опозициски партии во Никарагва ги доби изборите над сандинистите на претседателот Даниел Ортега.
1992 Република Босна и Херцеговина ја призна Република Македонија.
1993 Во силната експлозија во Светскиот трговски центар во Њујорк која ја подметнаа арапски исламски терористи загинаа шест, а повредени беа околу илјада луѓе.
1995 По загубата на околу милијарда долари која на берзата ја предизвика дилерот Ник Лисон од Сингапур, банкротираше лондонската банка „Берингс“, една од најстарите и најугледните британски банки.
1997 Швајцарската влада одобри основање на меморијален фонд за жртвите на холокаустот во Втората светска војна, настојувајќи да ги намали размерите на скандалот по откривањето дека трезорите во банките во Швајцарија се полни со имот на жртвите од германскиот нацизам.
1999 Етиопските трупи го пробија фронтот на еритејската армија во спорната погранична област и еритрејската влада соопшти дека ќе го прифати планот на африканските земји за окончувње на десетмесечната војна со Етиопија.
2001 Етиопија соопшти дека ги повлекува трупите од територијата на Еритреја, ставајки и крај на двегодишната погранична војна со што подоцна овозможи разместување на “сините шлемови“.
2001 Управниот одбор на Струшките вечери на поезијата одлучи добитник на „Златниот венец“ на Струшките вечери на поезијата за 2001 година да биде Шејмас Хини, ирски писател.
2004 Македонскиот претседател Борис Трајковски, шест члена делегација и двајца пилоти загинаа при урнување на авионот од типот "Кингер" на 15-километри јужно од Мостар. Трајковски е роден на 25 јуни 1956 година во Струмица. Дипломира на Правниот факултет во Скопје, во 1980 година, специјализира деловно право и право на работни односи. Повеќепати беше на студиски престој во САД. До 1997 година беше раководител на правната служба во градежното претпријатие "Слобода" во Скопје. Од 1997 до 1998 година беше шеф на Кабинетот на градоначалникот на Општина Кисела Вода. Тој беше претседател на Комисијата за надворешно-политички односи на ВМРО-ДПМНЕ и главен политички советник за надворешна политика на тогашниот македонски премиер Љубчо Георгиевски. Од 21 декември 1998 година ја извршуваше функцијата заменик-министер за надворешни работи на Република Македонија. На 15 декември 1999 година беше инаугуриран за претседател на Република Македонија.

 

[Хакет Мен]

1525.Последниот астечки цар Куаутемок по долго мачење го погуби шпанскиот освојувач Ернан Кортес.
1533 Роден е Мишел Монтењ, француски ренесансен писател и филозоф-моралист. Дојде до заклучок дека човековиот разум е немоќен во барањето на вистината и правдата, но сепак човекот може и треба да наоѓа сигурни норми во приватниот и во јавниот живот. Особено се задржа на испитувањето на својата личност. Главно негово дело е "Есеи" во три тома. Умре на 13 септември 1592 година.
1825 Потпишан е Договор меѓу Русија и Велика Британија со кој е одредена границата меѓу Алјаска и Канада.
1844 Во текот на промовирањето на новата фрегата „Принстон“ кое на реката Потомак го приреди американската морнарица, на бродот експлодира еден од топовите, усмртувајќи го државниот секретар, заповедник на морнарицата и уште неколку функционери на владата на САД.
1869 Умре Алфонс де Ламартин, француски поет и академик. Со своите дела изврши големо влијание на романтизмот во Франција. Во политичкиот живот учествуваше во државниот удар на Наполеон Трети. Најпознати негови дела се "Поетски размислувања", "Поетски и религиозни хармонии", "Жаслен" и "Пат на исток".
1890 Роден е рускиот балетан и кореограф Владимир Фомич Нижински, можеби еден од најдобрите во историјата на балетот, иако неговата играчка кариера траеше само четири години, бидејќи во 1917 година заболе од неизлечлива душевна болест. Неговите креации никој не ги надмина, а скоковите во балетот „Сон за ружа“, поради невообичаената висина и убавина, влегоа во легендата како недопрен идеал.
1909 Роден е англискиот писател Стивн Харолд Спендер. Дела: збирка песни „Урнатини и визии“, „Племенити денови“, романот „Заостанат син“, збирка раскази „Запалениот кактус“, есејот „Разорен елемент“, Триесеттата и потоа“, автобиографијата “Свет во светот“.
1913 Роден е американскиот филмски режисер од италијанско потекло Винсенте Минели, кој во 1958 година доби Оскар за филмот „Жижи“. Филмови: „Мадам Бовари“, „Американец во Париз“, „Чај и симпатија“, „Кисмет“, „Куќа на брдо“, „Ѕвоната ѕвонат“, „Град на илузија“, „Некои дотрчаа“.
1916 Умре американскиот писател Хенри Џејмс, продорен психолог, кој во реалистичен манир ги прецизира и анализира обичаите, постапки и навиките на американското и на европското општество, секогаш во потрага по моралните вредности. Пред крајот на животот, во 1915 година, стана британски државјанин. Дела: романите „Родерик Хадсон“, „Американец“, „Дејзи Милер“, „Бостонци“, Амбасадори“.
1921 Почна буната на морнарите на руската Балтичка флота и работници во поморската база во Кронштат на островот Котлин во Финскиот Залив против болшевичките власти. Кронштатските морнари и работници во базата западно од Петроград, кој силно ги подржаа болшевиците во 1917 година, бараа економски реформи и окончување на болшевичката политичка доминација, но болшевиците 20 дена подоцна со учество на војската крваво ја задушија Кронштатската буна.
1922 Велика Британија формално прогласи независност на Египет, но ја задржа контролата над Суецкиот канал.
1943 Девет норвешки командоси на германските простори за производство на тешка вода во близина на Рјукан во окупирана Норвешка во Втората светска војна извршија саботажа.
1948 Последните британски воени единици ја напуштија Индија.
1953 Во Анкара е потпишан „Балканскиот пакт“. Југославија, Грција и Турција потпишаа спогодба за политичка, стопанска и воена соработка.
1974 САД и Египет по седум години прекин, ги обновија дипломатските односи.
1975 Во најголемата подземна железничка несреќа во Велика Британија, 42 патници загинаа кога воз со полна брзина удри во банкините на метро-станицата „Мургејт“ во Лондон.
1981 Во Скопје умре Љутви Руси, прозаист од албанска националност во Македонија. Негови најзначајни дела се „Партизански приказни“, „Калење“, „Ибе Паликуќа“, „Двајца другари“, „Сомневање“, „Лиман Каба“ и „Глувонемиот“. Од македонски на албански јазик го преведе делото „Везилка“ од Блаже Конески. Роден е во Дебар, на 18 јануари 1923 година.
1986 Во Стокхолм е убиен Улоф Палме, шведски премиер. Роден е во Стокхолм, во 1927 година.
1992 Советот за безбедност на Обединетите нации одобри испраќање на 22.000 "сини шлемови" во Камбоџа.
1995 Раул Салинас, брат на поранешниот престедател на Мексико Карлос Салинас, уапсен е под обвинение дека е вмешан во убиството на претседателскиот кандидат на владејачката Револуционерна институционална партија Луис Доналд Колоси на предизборниот митинг во Тихуана, во март 1994 година.
1996 Британската принцеза Дајана се согласи на развод од принцот престолонаследник Чарлс.
1997 Во Иран земјотрес разори повеќе од 20 села усмртувајќи илјада лица.
2004 Африканските лидери постигнаа договор за формирање африкански повеќенационални сили, задолжени за интервенции во Африка заради задушење на граѓанските војни и спречување на геноцидот.
2005 Во самоубиствен бомбашки напад во ирачкиот град Хили, пред една болница, загинаа 125, а ранети беа 200 лица.
2006 Од експлозија на бомба, која ја поставија маоистички бунтовници пред камион во централната сојузна индиска држава Чатисгар, животот го загубија 55, а тешко повредени беа 20 лица.
2007 Умре Артур Шлезингер, американски историчар и публицист, двапати добитник на Пулицеровата награда. Шлезингер имаше пристап во случувањата во Белата куќа во времето на Кенеди, а ги проучуваше и оставнините на Френклин Рузвелт, Ендри Џексон, Џон и Роберт Кендеди. За хрониката на Кенедиевата администрација „Илјада дена: Џон Ф. Кенеди во Белата куќа“, во 1966 година ги доби Пулицеровата и Националната книжевна награда. Автор е на повеќе од 20 дела.

 

[Хакет Мен]

1643 Умре Џироламо Фрескобалди, италијански оргулист и композитор, најголем мајстор на оргули во своето време. Роден е во 1583 година.
1810 Роден е Фредерик Шопен, славен полски композитор и пијанист. На 20-годишна возраст се насели во Париз, каде што остана се до својата смрт. Тој е типичен претставник на националниот романтизам, а компонираше класична музика. Напиша два концерта за клавир и оркестар, околу 700 сонати, голем број полонези, валцери, ноктурна, прелудиуми и друго. Припаѓаше на кругот на париската општествено културна елита и на полските политички емигранти. Умре на 17.10.1849 година.
1994 Владата на Словачката Република донесе одлука за признавање на Република Македонија и за воспоставување на дипломатски односи на ниво на амбасади.
1997 Изгоре Домот на Дервен, прилепско, еден од најстарите планинарски домови во Македонија (граден во 1951 година).

 

[Хакет Мен]

1459 Роден е холандскиот свештеник Адријан Флорисзон, кој како папа Адријан Шести во јануари 1522 година стана единствен Холанѓанин, поглавар на Римокатоличката црква во нејзината историја. Умре во септември 1523 година.
1923 Во Париз умре Сара Бернар, француска артистка со исклучително убав глас и дарба. Најзината глума обележа цела една епоха. Главни нејзини улоги се Корелија во "Кралот Лир", кралицата во "Руј Блаз", "Дамата со камелии", "Хамлет" и "Тоска". Родена е во Париз, на 23.10.1844 година.
1939 Умре англискиот египтолог Хауард Картер кој во 1922 година ја откри гробницата на фараонот Тутанкамон.
1942 Близу до селото Плетвар, Прилепско, загинаа Борка Талески - Црниот и Лазо Колевски - Лавски, народни херои на Македонија.
1943 Британското воено воздухопловство во Втората светска војна систематски започна да ги бомбардира европските железнички системи на територијата под контрола на нацистичка Германија.
1946 Хо Ши Мин е избран за претседател на Северен Виетнам.
1956 Поранешната француска колонија Мароко се здоби со независност.
1972 Во САД е лансиран вселенскиот брод "Пионер 10" за испитување на планетата Јупитер.
1973 Претставници на 12 земји го потпишаа во Париз завршниот Документ за мир во Виетнам.
1993 Во Скопје, во Касарната "Гоце Делчев" се промовирани 64 водници на Армијата на Република Македонија, прва класа подофицери произведени во Центарот за воено образование и обука за одбрана.
1995 Покренато е обвинение против поранешниот премиер на Италија Џулио Андреоти за поврзаност со мафијата.

 

[Хакет Мен]

1193.Умре арапскиот државник и војсководец Саладин, султан на Египет и Сирија, основач на династијата Ејубида, кој во 1187 година ги порази крстосниците кај Хатин и освои голем дел од Сирија и Палестина со Ерусалим. Саладин до ден денешен остана митска личност на арапската историја и култура. По етничко потекло Саладин инаку воопшто не бил Арапин, туку Курд.
1461 Во англиската „Војна на ружите“ Едвард од Јорк го презеде престолот како крал Едвард Четврти.
1678 Роден е италијанскиот композитор и виолински виртуоз Антонио Вивалди. Беше свештено лице и типичен претставник на барокниот дух. Најпознато дело „Четири годишни времиња“, како и низа концерти за виолина, флејта и фагот.
1789 Во Њујорк е свикан првиот Конгрес на САД.
1801 Томас Џеферсон стана првиот претседател на САД инаугуриран во новиот главен град Вашингтон.
1832 Умре францускиот ориенталист Жан Франсоа Шамполион, основач на египтологијата.
1852 Во Москва умре Николај Василевич Гогољ, руски писател, хуморист и сатиричар, татко на руската реалистична школа. Негови најпознати дела се „Велери на чифликот кај Диканка“, „Миргород“, „Тарас Буљба“, „Петроградски раскази“, „Мртви души“, „Ревизор“ и „Женидба“. Роден е во Сорочинци, Полтава, на 31 март 1809 година.
1875 Роден е Енрик Родригез Ларета, аргентински писател - романсиер. Спаѓа меѓу најдобрите стилисти импресионисти. Умре во 1961 година.
1857 Со мировен договор во Париз заврши британско-персиската војна и шахот Персие мораше да ја признае независноста на Авганистан, со што Лондон со помалку тешкоии се насочи кон покорување на оваа земја. (Ова на Британците никогаш во потполност не им успеа).
1913 Роден е американскиот филмски глумец Џулијус Гарфинкл, познат како Џон Гарфилд. Филмови: „Четири жени“, „Хуарез“, „Ме направија злосторник“, „Морски волк“, „Тие живеат опасно“, „Поштарот секогаш ѕвони двапати“, „Тело и душа“, „Џентлменски договор“, „Големиот нож“, „Да имаш и да немаш“.
1933 Претседателот на САД, Франклин Делано Рузвелт, под притисок на економската криза ја објави својата "нова политика", чија суштина беше интервенција на капиталистичката држава во нарушениот стопански систем во земјата.
1941 Британската морнарица во Втората светска војна ги нападна германските сили на окупираните норвешки Лофотски острови и потопи 11 германски бродови.
1942 Во Софија бугарската полиција го уапси Никола Јонков Вапцаров, македонски поет и револуционер. По четиримесечно измачување, е стрелан во Софија, на 23 јули 1942 година. Роден е во Банско, Пиринска Македонија, на 7 декември 1909 година.
1945 Прогонувајќи ги германските трупи, советската Црвена армија во Втората светска војна излезе на Балтичкото Море.
1945 Во Скопје е одржан првиот слободен Црковно-народен собор. Во присуство на над триста делегати, свештеници, претставници на народната власт и на Народниот фронт, делегатите автентично го искажаа расположението на македонскиот народ од сите краишта на слободна Македонија за создавање на Македонска православна црква преку обнова на старата Охридска архиепископија, во 1767 година незаконски укината од турскиот султан Мустафа Трети, а по барање на цариградската патријаршија.
1952 Народна Република Кина ги обвини САД дека употребуваат бактериолошко оружје во Корејската војна.
1965 При доаѓањето на нови постојани артисти во Македонско-детскиот театар во Скопје, од Драмата на Македонскиот народен театар, оваа уметничка куќа прерасна во Драмски театар. Новиот театар на овој ден ја даде премиерната претстава „Богомилска балада“, според романот на Владо Малески, а во режија на Тодорка Кондова.
1965 Сирија национализира девет нафтени компании, вклучувајќи две американски нафтени концерни.
1970 Хаваријата врз француската подморница „Евридика“ во Средоземното Море во близина на Тулон не ја преживеа никој од 57 луѓе.
1974 Умре Михаил Тихонравов, советски ракетен стручњак и научник, кој учествуваше во изградбата на првиот вештачки земјин сателит. Тој многу придонесе за обликување на многу советски вселенски бодови и вселенски автоматски станици. Роден е во 1901 година.
1977 Во силниот земјотрес во Романија, кој најмногу го погоди главнот град Букурешт, загинаа повеќе од 1.570 луѓе.
1996 Исламски терорист-самоубиец во Тел Авив уби 13 луѓе и рани повеќе од 130, вклучувајќи и деца.
1996 Во Скопје умре архиепископот Охридски и Македонски г.г. Гаврил (Ѓорѓи Милошев), трет поглавар на Македонската православна црква, учител, преведувач (прв ја преведе Библијата на македонски јазик) и уредник во Државното книгоиздателство на Македонија, прв декан на Богословскиот факултет во Скопје. Роден е во Скопје, на 17 април 1912 година.
2003 Во експлозија на бомба која исламски терористи ја подметнаа на меѓународен аеродром во градот Давао, на јужниот филипински остров Минданао, загинаа повеќе од 20 луѓе.
2004 Во пожарот кој го зафати манастирот Хиландар на Света Гора потполно се уништени реновираните гостински и игумански простории, како и дел од монашките келии, Белиот конак и малата црква од 17. век, административните простории, а монасите успеале да ги спасат највредните реликвии.
2007 Најмалку 23 лица загинаа, а повеќе од 44 беа ранети кога експлодира автомобил-бомба во центалниот дел на Багдад. До нападот дојде на познатиот пазар на книги Мутанаби во централниот дел на престолнината во трговската зона.

 

[Хакет Мен]

1133.Роден е англискиот крал Хенри Втори Плантагенет, основач на династијата Плантагенет, кој во текот на владеењето од 1154 до смртта во 1189 година со реформата во судството значително ја зајакна кралската власт.
1534 Умре италијанскиот сликар Антонио Алегри да Кореѓо, кој обработувал религиозни и митолошки теми. Најзначајни дела: Фреската и црквата „Свети Јован“ во Парма, сликата „Мистичното венчавање на Света Катерина“, „Јупитер и Антиопа“, „Богородица со Свети Ѓорѓи“.
1696 Роден е италијанскиот сликар Ѓовани Батиста Тиеполо, последниот голем венецијански мајстор, еден од најголемите декоративни уметници на 18. век. Неговите главни трудови, фрески со големи димензии работени во манирот на рококо се во надбискуспката палата во Удине, во палатата Лаби во Венеција, бискупската резиденција во Вирцбург и во кралската палата во Мадрид.
1770 Британските трупи во Бостон убија пет демонстранти. Овој случај познат под името „бостонски масакр“ ја забрза американската војна за независност.
1827 Умре Алаксандар Волта, италијански научник-физичар. Занимавајќи се со електрицитетот, ги пронајде електрофонот, галванските елементи, батеријата на галванските елементи и други. Роден е во 1745 година.
1827 Во Париз умре Пјер Симон Лаплас, француски математичар, физичар и астроном. Меѓу главните Лапласови дела се вбројуваат „Небесна механика“ и „Преглед на историјата на астрономијата“. Роден е во Бомонан Ож, на 28 март 1749 година.
1856 Лондонскиот театар „Ковент Гарден“ цеслосно е уништен во пожар.
1871 Родена е Роза Луксембург, една од организаторите на полското и на германското работничко движење. Во Берлин, во екот на теророт на КП на Германија, по ѕверското мачење, убиена е на 15 јануари 1919 година.
1910 Роден е Момофуку Андоу, јапонскиот „крал на резанците“, пронаоѓач на „инстант резанците“, наменети за исхрана на астронаутите во вселената. Андо е роден во 1910 година на Тајван. Со производство на тестенини почна во Тајпеи, а подоцна продолжи во Осака. Во 1948 година ја основа фабриката „Нишин фуд“, првата фабрика која во 1958 година ги произведе резанците во вреќички, а потоа и други слични производи кои со време го освоија целиот свет.
1916 Загинаа 455 патници и членови на екипажот од вкупно 588 колку што беа на шпанскиот патнички брод „Принц од Астурија“ во моментот кога бродот удри во карпа близу бразилскиот брег и потона за само неколку минути.
1923 Во селото Големо Илино, Кичевско, е роден Ристо Лозановски, македонски академски сликар. Неговиот опус изнесува околу 150 слики во маслена техника, повеќе цртежи и графики. Умре во Белград, на 13 мај 1965 година.
1933 Националсоцијалистичката работничка партија на Германија на Адолф Хитлер го освои мнозинството во Рајхстагот (собранието).
1845 Американски трупи влегоа во Келн во Втората светска војна.
1946 Во Битола умре Милтон Манаки, прв македонски и балкански филмски снимател. Првите снимки ги направи во 1905 година. Главни негови трудови се: репортажа за престојот на последниот османлиски султан Решад во Битола во 1911 година, сцени од бесењето на македонските борци за независност на Македонија и епизоди од балканските војни, како и многу други снимки од историска важност. Носител е на "Илинденска споменица 1903", на многубројни награди, како и на наградата за животно дело во Пула во 1963 година. Роден е во селото Авдела, костурско, во 1880 година.
1953 Во Македонија е организирана првата акција за доброволно дарување на крв.
1953 Во Москва умре Јосиф Висарјонович Сталин, советски државник и политичар, еден од водачите на антихитлеровската коалиција за време на Втората светска војна и врховен командант на вооружените сили на СССР, маршал и генералисимус. По Втората светска војна спрема социјалистичките земји спроведуваше хегемонистичка политика. Неговите злосторства беа осудени на 20-от и 21-от конгрес на КПСС. Роден е во Гори, Грузија, на 21 декември 1879 година.
1953 Умре рускиот композитор и пијанист Сергеј Сергеевич Прокофјев, еден од најоргиналните музички автори во 20. век. Од 1918 година живее во западна Европа и во САД, а во 1932 година се врати во татковината. Дела: оперите „Заљубен во три портокала“, „Војна и мир“, „Огнен ангел“, балетите „Ромео и Јулија“, „Приказна за камениот цвет“, кантатата „Александар Невски“, симфониите „Класична симфонија“, „Петта симфонија“, музика за филмовите „Александар Невски“, „Иван Грозни“.
1960 Претседателот Ахмед Сукарно го распушти индонезиското Собрание.
1966 Британски патнички авион удри во јапонската планина Фуџи при што сите 124 патници и членови на екипажот загинаа.
1970 Стапи на сила договорот за неширење на нуклеарното оружје кој го потпишаа 45 држави.
1984 Умре италијанскиот пејач Тито Гоби, познат светски оперски баритон. Во оперите студиозно и префинето ги креираше водечките улоги, вклучувајќи ја и прочуената улога во „Тоска“ на Ѓакомо Пучини во која негов партнер беше Марија Калас.
1992 Домот на младите "25 Мај" во Скопје го промени името во Младински културен центар.
1993 Авионот од типот "Фокер 100" на авиокомпанијата "Палер Македонија", веднаш по полетувањето од аеродромот во Петровец кај Скопје, се урна на 400-тини метри од крајот на пистата. Од 91 патник и членови на екипажот загинаа 80-ина.
1996 Претседателот на САД Бил Клинтон во Израел испрати врвна опрема за откривање подметнати бомби и група технички ескперти како помош во борбата против арапските исламски терористи.
1998 Во терористичките напади на тамилските бунтовници, кои во главниот град на Шри Ланка активираа минибус полн со експлозив, загинаа 37 луѓе.
2000 Израел одлучи да ги повлече трупите од југот на Либан до јули, дури и во случај до тогаш да не биде постигнат мировен договор со Сирија.
2001 Во текот на ритуалот каменување на ѓаволот, во стампедо на муслимански верници загинаа најмалку 35 луѓе на мостот Џамарат во близина на Мека.
2003 Во самоубистивениот напад на автобус на палестинските исламски терористи во северноизраелското пристаниште Хаифа загинаа 15 луѓе, повеќето студенти.
2007 Умре Анри Троа, еден од најпопуларните француски писатели на 20. век. Автор е на близу 100 дела. Троа надвор од Франција е најпознатиот по биографиите на француските и руските литературни и историски фигури, како што се Толстој, Пушкин, Флобер, Зола, Катерина Велика и Иван Грозни. Роден е како Лев Тарасов на 11 ноември 1911 година во Москва во имотно семејство. Наградата „Гонкур“ ја доби за својата трета книга „Пајак“. Неговите книги се преведени на десеттина јазици, а во една анкета од 1994 година тој е прогласен за најпопуларен француски писател.
2007 Најмалку 11 бунтовници на левицата и седум војници се убиени во борбите на југот на Колумбија. Владините сили запленија цел арсенал оружје во борбите со припадниците на марксистичката група „Револуционерни оружени сили на Колумбија“.

 

[Хакет Мен]

1765.Роден е францускиот хемичар Жозеф Нисефор Ниепс, пионер на фотографијата. Усовршувајќи ја литографијата од 1813 до 1820 година, прв во светот успеа да фиксира слика добиена во темна комора со помош на посребрена бакарна плочка прекриена со осетлив слој на асфалтен лак.
1785 Роден е италијанскиот писател Алесандро Манцони. Се залагал за обединување на Италија, силно поддржувајќи го националното движење во четериесеттите години на 19. век. Пишувал лирски песни, трагедии и романи. Дела: романот „Вереници“, посмртната ода за Наполеон Први „Света химна“, драмите „Гроф Кармањол“, „Аделки“.
1793 Франција и објави војна на Шпанија.
1809 Умре францускиот конструктор Жан Пјер Франсоа Бланшар, кој во 1785 година заедно со Џон Џеферсон со балон први го прелетаа Ламанш. Исто така го конструира и падобранот.
1820 Под притисок на востаниците, шпанскиот крал Фернандо Седми мораше да го врати на сила либералниот устав од 1812 година и ја укина инквизицијата.
1850 Роден е чехословачкиот државник Томаш Масарик, професор на Прашкиот универзитет, филозоф. Беше првиот претседател на Чехословачка од 1918 до 1935 година. Во 1900 година ја основа Народната странка, која во 1905 година беше премиенувана во Прогресивна партија. Од 1907 година беше пратеник во собранието на Австрија во кое се бореше против режимот на Хабзбуршката монархија и за автономија на Чесите. Се противеше на агресијата на австроунгарската политика на Балканот. Војната ја помина во емиграција, настојувајќи да добие согласност од сојузниците за независност на Чехословачка. Дела: „Социјално прашање - филозофски и социолошки основи на марксизмот“ (марксизмот го третираше како економски материјализам и едностран колективитет), „Самоубиството како социјална масовна појава на модерната цивилизација“, Принципи на моралот на Дејвид Хјум“, Основи на конкретната логика“, „Најнови филозофии на религиите“.
1857 Во Велс е роден Јулиус Вагнер фон Јаурег, австриски невролог, медицински научник и професор на Универзитетот во Виена. Тој беше еден од најпознатите невропсихијатри на современата епоха. Во 1927 година ја доби Нобеловата награда за физиологија или медицина за откривањето на терапевтската вредност на заразувањето со маларија во лекувањето на прогресивната парализа. Умре во Виена, на 27 септември 1940 година.
1872 Роден е Пит Мондријан, холандски сликар и теоретичар. Како еден од основачите на групата "Де Стил" (1917), во 1920 година објави манифест за "неопластицизмот". Од 1940 година живееше во САД. Неговото сликарство е одраз на сложени интелектуални напори. Тој е значаен претходник на новото сликарство. Умре во Њујорк, на 1 февруари 1944 година.
1875 Во Цибор, на Пиринеите, е роден Морис Равел, француски композитор. Тој е еден од најпознатите претставници на францускиот импресионизам, творец на многу оргинален израз. Најпознати дела му се оркестарската композиција "Болеро", операта "Шпански часовник", балетот "Дафнис и Клое". Умре во Париз, на 28 декември 1937 година.
1918 Болшевичката партија го промени називот во Руска комунистичка партија.
1876 На американскиот пронаоѓач Александер Грејм Бел му е признат патентот за пронаоѓањето на телефонот.
1926 Воспоставен е првиот телефонски разговор преку Атлантикот, меѓу Лондон и Њујорк.
1931 На 7 и 8 март Македонија ја погодија два силни земјотреси кои, покрај човечки жртви, предизвикаа и огромна материјална штета. Епицентарот на овие земјотреси беше меѓу Валандово, Удово и Струмица.
1932 Умре францускиот државник Арстид Бријан, кој беше 11 пати претседател на влада и добитник на Нобеловата награда за мир во 1926 година. Во Првата светска војна се залагаше за формирање на Солунскиот фронт, а по војната за создавање Обединети Држави на Европа и Друштво на народи.
1935 Со враќањето на Сарската област во рамките на Германија почна големата територијална експанзија на Третиот рајх, која заврши во 1945 година со пораз на Германија во Втората светска војна.
1936 Германскиот нацистички водач Адолф Хитлер доведе војска во дотогаш демилитиризаната зона на целиот западен брег на реката Рајна, нарушувајќи ги со тоа клаузулите на договорите потпишани во Версај и во Лакорно. Германија беше осудена, но ништо не беше преземено.
1945 Потиснувајќи ги јапонските сили во Втората светска војна, британската 14 армија влезе во Мандалеј, вториот најголем град во Бурма.
1951 Иранскиот шеф на влада Алија Размар во една техеранска џамија уби исламски фанатик.
1962 Во САД е лансирано првото автоматско меѓупланетарно летало "ОСО 1" (орбитална сончева опсерваторија).
1971 Околу илјада американски авиони го почнаа бомбардирањето на Јужен Виетнам и на Лагос.
1983 Во експлозија на гас во рудник за јаглен близу турскиот град Ерегли загинаа 96 рудари.
1989 Кина објави вонредна состојба во Тибет по тридневните антикинески немири во јужната планинска провинција.
1989 Иран ги прекина дипломатските односи со Велика Британија поради објавувањето на книгата на британскиот писател со индиско потекло Саламан Ружди „Сатански стихови“.
1990 Во Скопје умре Спиро Прилепчански, долгогодишен новинар и уредник на неделниот енигматски забавник на весникот „Нова Македонија“, еден од основоположниците на енигматиката во Македонија. Роден е во Штип, на 26 февруари 1932 година.
1991 Силите лојални на ирачкиот претседател Садам Хусеин, според западни извори, во Басра и други градови во јужниот дел на Ирак убија најмалку 400-ни учесници во бунтот против централната власт.
1995 Германските воени ветерани и нивните победоносни американски воени непријатели, во Ремаген заеднички го одбележаа полувековниот јубилеј од поразот на германската војска на Рајна, која го забрза поразот на Германија во Втората светска војна.
1996 Тројца припадници на американските вооружени сили се осудени на казна затвор од 6,5 до седум години, поради тоа што во 1995 година силувале едно 12-годишно девојче на Окинава, што предизвика бран на огорчени протести и барања американската војска да го напушти овој јапонски архипелаг.
1998 Италијанскиот воен суд го осуди поранешниот германски СС-капетан Ерих Прибке на доживотен затвор, прогласувајќи го за најголем злосторник во текот на Втората светска војна во Италија, извршувајќи масакар во Адреатинските пештери во близина на Рим.
1999 Умре американскиот филмски режисер Стенли Кјубик. Негови најпознати филмови се "2001: Одисеја во космосот", "Пеколен портокал", "Спартак", "Убивање", "Лолита" и "Широко затворени очи".
2004 Во близина на Мадагаскар при потонувањето на ферибодот „Самсон“ во циклонот „Гафило“ загинаа најмалку 115 луѓе.
2004 Кенон Џин Робинсон стана деветиот бискуп на Њу Хемпшир. Отворено соопшти дека е хомосексуалец.
2006 Најмалку половина милион луѓе во градовите ширум Франција протестираа против планот за намалување на невработеноста на владата на премиерот Доминик де Вилпен. Со планот се предвидуваше и полесно отпуштање на младите работници со надеж дека работодавачите полесно ќе се одлучуваат да ги вработат.
2007 Авионот „Боинг 737-400“ на индонезиската национална авиокомпанија Гаруда, со 140 патници и членови на екипажот, изгоре по неуспешното слетување на аеродромот во Џакарта, Индонезија, на островот Јава. Потврдена е смртта на 48 патници и на едно лице кое подоцна почина во болница.

 

[Хакет Мен]

Денеска е Меѓународниот ден на жената.
1500 Од Лисабон отплови португалскиот морепловец Педро Алварес Кабрал (1460-1526), кој на патот за Индија се одалечи со своите бродови од африканскиот брег во правецот кон Запад, кон копното на Јужна Америка, и така го откри Бразил, прогласувајќи го за португалска колонија.
1714 Во Вајмак е роден Карл Филип Емануел Бах (син и ученик на Јохан Себастијан Бах), германски композитор. Компонираше симфонии, клавирски концерти и стотина клавирски сонати. Умре во Хамбург, на 14 декември 1788 година.
1866 Роден е рускиот физичар Пјотр Николаевич Лебедев, професор на Московскиот универзитет. Го проучувал притисокот на светлината, докажувајќи дека постои механички импулс кај светлосниот зрак, што е од големо значење за вселенските појави.
1869 Во Париз умре Хектор Берлиоз, француски композитор, творец на романтични музички дела и на француската модерна програмска музика. Изврши големо влијание на европската музика не само со своите композиции, туку и со своите статии и критики. Се смета за основач на музичкиот романтизам. Најпознати дела му се "Фантастична симфонија", "Харолд во Италија", "Бенвенуто Челини" и драмската легенда "Проклетството на Фауст". Роден е во Париз, на 11 декември 1803 година.
1879 Роден е германскиот хемичар и физичар Ото Хан, професор на универзитетите во Берлин и во Гетинген, добитник на Нобеловата награда за хемија во 1944 година. Во 1957 година ја потпиша Гетингеншката декларација, одбивајќи да соработува во развојот на евентуалното западногерманско нуклеарно вооружување. Во 1938 година го докажа распаѓањето на радиумот, а во 1939 година заедно со Фриц Штрасман го откри нуклераното цепење на јадрото на уранот. Ги откри и радиоактивните елеметни на мезоториумот, радио-ториумот и заедно со Лиза Мајтнер протоактиниумот.
1895 Родена е уругвајската писателка Хуанита Фернандес Морале, позната како Хуана Фернандес де Ибарбоуро, една од најистакнатите лирски поети во Јужна Америка, наречена „Хуана Америка“. Дела: збирка стихови „Дијамантски јазици“, „Див корен“, „Изгубена“, „Судбинска романса“.
1899 Во Велики Крѓевац, кај Бјеловар, е роден Мато Ловрак, хрватски писател - раскажувач и романсиер, автор на голем број дела, главно за деца, кои се одликуваат со едноставност на раскажувањето и со интересна фабула. Меѓу најзначајните негови дела се „Дружината на Перо Џумката“, „Возот в снег“, „Зелениот остров“ и „Пријатели“. Умре во Загреб, на 13 март 1974 година.
1904 Германија го ублажи антиезуитскиот закон од 1872 година, дозволувајќи враќање на поедини припадници на овој римокатолички ред.
1907 Роден е грчкиот државник Константин Караманлис, претседател на Грција од 1980 до 1985 година, основач на партијата „Нова демократија“. Првпат стана претседател на влада во 1955 и на оваа позиција остана до 1963 година, кога и доброволно емигрираше. Повторно состави влада во 1974 година, по падот на воената хунта, одигрувајќи клучна улога во обновата на грчката демократија.
1910 Врз основа на одлуката на Втората меѓународна конференција на жените социјалистки, одржана во Копенхаген, Данска, во август 1910 година, 8 Март се слави секоја година како меѓународен Ден на жената. На оваа конференција по иницијатива на Клара Цеткин, беше решено 8 Март да се одбележува во спомен на демонстрациите на американските жени во 1903 година, кои се одржаа под паролата - Борба за општо право на глас.
1917 Во Петроград (денешен Санкт Петербург) со немири и штрајкови почна Февруарската револуција. (Настанот се случи на 23 февруари според Јулијанскиот календар, кој тогаш беше на сила во Русија).
1917 Умре Фердинанд Цепелин, германски генерал и конструктор на воздушни бродови (балони), според него наречени „цепелин“. Првиот воздушен брод летна на 3 јули 1900 година. Роден е на 8 јули 1838 година.
1921 Француските трупи влегоа во Дизелдорф и во другите градови во Руру бидејќи Германија не ги подмири воените штети според обврската од Версајскиот договор како поразена страна во Првата светска војна.
1921 Во Мадрид анархистите го убија претседателот на шпанската влада Едуардо Дата.
1930 Умре американскиот државник Вилијам Хауард Тафт, претседател на САД од 1909 до 1913 година, прв поранешен шеф на државата во американската историја кој од 1921 година до смртта беше претседател на Врховниот суд. Во текот на претседателскиот мандат воено интервернираше во Никарагва, која потоа беше под американска окупација од 1912 до 1925 и од 1926 до 1933 година.
1942 Умре кубанскиот велемајстор Хосе Раул Капабланка и Грауперо, светски првак во шах од 1921 до 1927 година. Загуби само една партија во периодот 1914-1924 година, по што е единствен во шаховската историја. Титуталата ја освои со победа на натпреварот со германскиот велемајстор Емануел Ласкер со 4:0, со 10 реми, а загуби од рускиот велемајстор Александар Аљехин, кој го победи со 6:3, со 25 реми. Дела: „Основи на шахот“, „Мојата шаховска кариера“.
1942 Јапонските трупи во Втората светска војна го зазедоа главниот град на Бурма, Рангун. Во војната Бурма имаше исклучително стратешко значење.
1945 Во Скопје првпат е прославен Денот на жената. По тој повод во салата на Офицерскиот дом се одржа голем митинг.
1946 Президиумот на Народното собрание на Народна Република Македонија донесе Закон за измена на името на Демократска Федерална Македонија. Според член 1 од овој Закон и врз основа на член 2 од Уставот на Федеративна Народна Република Југославија, името на Демократска Федерална Македонија се изменува и гласи: Народна Република Македонија. Според член 2 од истиот Закон имињата Народно собрание на Македонија, Президиум на Народното собрание на Македонија и Народна влада на Македонија, се изменуваат и гласат: Народно собрание на Народна Република Македонија, Президиум на Народното собрание на Народна Република Македонија и Влада на Народна Република Македонија.
1950 Советскиот маршал Климент Ворошилов објави дека Советскиот Сојуз изврши проба на атомска бомба, што предизвика шок во САД, бидејќи Американците беа уверени дека единствено тие поседуваат нуклеарно оружје. Голема паника во Вашингтон предизвика и изјавата на Ворошилов дека пробата била извршена уште на 23 септември 1949 година.
1954 Склучен е одбранбениот договор меѓу САД и Јапонија, со што Токио потполно се приклучи кон западниот политичко-воен сојуз.
1965 Во Јужен Виетнам беа распоредени 3.500 американски маринци, со што почна масовното вклучување на американските копнени трупи во виетнамската воена авантура, која заврши со целосен пораз во 1975 година и со загуба на повеќе од 58.000 Американци.
1971 Умре американскиот филмски глумец Харолд Лојд, еден од најголемите комичари на немиот филм. Филмови: „Сигурноста на последно место“, Бруцош“, „Чувај се, професоре“.
1983 Умре англискиот композитор Вилијам Тарнер Волтон, творец на чувствителна и лирска музика со неоромантичен стил. Особено е значаен по оркестарските композиции, кои се одликуваат со долга мелодиска линија, богата со хармонија и сложен ритам. Дела: мелодрамата „Фасада“, „Концерт за виолина“.
1993 Јужнокорејскиот претседател Ким Јонг Сам смени двајца клучни генерали лојални на претходниот воен режим, во настојување да ја зацврсти цивилната контрола врз армијата.
1944 Кај Дурбан во Јужна Африка загинаа 64 патници на приградски воз при излетување од шините.
1996 Заврши неуспешниот мировен мандат на Обединетите нации во Руанда.
1997 Албанскиот претседател Сали Бериша доживеа понижувачки пораз кога бунтовниците го зазедоа градот Ѓирокастро, последното упориште на владините сили на југот на Албанија.
1999 Умре американскиот спортист Џо Ди Маѓо, легендарен бејзбол играч во њујоршкиот „Јенки“.
2000 Во Кина е погубен поранешниот провинцијален вицегувернер Ху Чангчинг поради подмитување. Тој е највисокиот функционер погубен во оваа земја за последните 50-ина години.
2001 Тричлениот совет на чилеанскиот апелационен суд со 2:1 пресуди дека на поранешниот диктатор Аугусто Пиноче може да му се суди за кршење на човековите права по воениот удар кој го изведе во 1973 година во кој е убиен демократски избраниот шеф на државата Славадор Аљенде.
2003 Убиен е еден од основачите и водач на оруженото крило на палестинското исламистичко движење „Хамас“ - Ибрахим ел Макадма. Во ракетниот напад на израелскиот хеликоптер на Макадминото возило во појасот Газа беа убиени и тројца негови телохранители.
2005 Во акцијата на специјалната руска полиција во северен Кавказ, во местото Толстој-Јурт, е убиен Аслан Масхадов, водач на чеченските сепаратисти, еден од најзлогласните терористи на просторите на поранешниот Советски Сојуз.
2005 Сириските трупи почнаа повлекување од Либан, по сириско-либанскиот воен договор чии детали се договорени еден ден порано, при средбата во Дамаск на сирискиот претседател Рашид ел Асад со својот либански колега Емил Лахуд.
2007 Израелскиот министер за здравство Јакоб Бен-Јизри потврди дека во болниците во Израел е присутна смртоносна бактерија, и дека од почетокот на годината до тогаш предизвика смрт кај 200 луѓе. Се верува дека во прашање е бактеријата „Klebsiella pneumoniae“, една од најотпорните бактерии на антибиотици, безопасна за здравите луѓе, но фатална за пациентите со заслабен имунитет.