Многу актуелен и си попопуларен е т.н. minimize hack за Mozilla Firefox кој има за цел да ја преполови вредноста на меморијата што Mozilla Firefox ја присвојува додека работи. Станува збор за релативно едноставна процедура на додавање на непостоечка вредност во about:config регистарот на Firefox. Еве како и на вашиот Firefox да му го направите т.н. minimize hack.
Додека работите во Mozilla Firefox, отворете нов таб. Во адресната лента, внесете about:config. Ќе ви се отвори регистарот со сите постоечки подесувања на Mozilla Firefox, од кој во овој случај не треба ништо да бришете, туку ќе треба нешто да додадете. Со десен клик на било кој дел од about:config регистарот, од лебдечкото мени изберете New и потоа Boolean. Со тоа создавате нова променлива величина која ќе има за цел да ја контролира меморијата што ќе ја користи Firefox во текот на својата работа. Следниот чекор се состои од внесување соодветно име за штотуку создадената променлива. Името се внесува во ново отворениот прозорец, а инаку треба да гласи: config.trim_on_minimize. Изберете OK и во следниот дијалог прозорец изберете ја вредноста True. Рестартијате го Mozilla Firefox, отворете десеттина интерактивни веб сајтови, повикајте го Task Manager-от во Windows и видете колку помалку меморија сега користи firefox.exe, како активен процес од листата системски процеси во Task Manager-от.
Сепак си уште не сте готови. Постои уште една грешка или за некои предност во Mozilla Firefox, која во нашиов случај ќе ја корегираме за да заштедиме на системската меморија. За да ви овозможи да ги користите командите back и forward во рамките на еден прозорец, Mozilla Firefox мора да ги памети претходно отворените страници, за што повторно нескромно посегнува по системската меморија. Ако ја смениме постоечката вредност за соодветната променлива тоа може да се промени. Со таа цел повторно се упатуваме во about:config регистарот на Mozilla Firefox. Повторно отвораме нов таб и внесуваме about:config во адресната лента. Овој пат ја бараме integer вредноста browser.sessionhistory.max_total_viewers која по правило во сечиј неменуван Firefox регистар е означена со -1. Ќе ја промениме таа вредност на нула, со двоен клик на името на конкретнава функција и внесување 0 (нула) во ново отворениот дијалог прозорец. Потврдуваме со клик OK. Потоа го рестартираме Firefox, повторно отвораме неколку богати веб сајтови, го повикуваме Windows Task Manager и следиме што се случува со процесот firefox.exe.
Не се случуваат никакви чуда, само што firefox.exe како процес, користи уште помалку системска меморија, од пред извршувањето на оваа измена. Проверете, па кажете за вашите искуства.
