ДВОЈНИТЕ АРШИНИ НА КУЌАТА НА ФУДБАЛОТ
Закани по живот – може. Навреди за Платини – може. Скандирање „ФФМ мафија“ – никако!
Фудбалската федерација на Македонија сѐ уште нема официјален став околу скандалозната парола на навивачката група на Шкендија, „Балисти“, со која на мечот од 13. коло од Првата лига, во средата против Металург, упатија смртни закани кон играчите на репрезентацијата на Србија.
„Балистите“ истакнаа голем транспарент на кој пишуваше:
„Драг Платиновиќ (се однесува на Мишел Платини)! Тие ги истепаа нашите фудбалери и победија 3-0. Ако ги убиеме на реваншот, ќе добиеме директен пласман на Евро 2016?“
Со ова навивачите на Шкендија алудираа на натпреварот од квалификациите за Евро 2016 во Белград, меѓу Србија и Албанија, кој домаќинот го доби службено со 3-0.
Но, и покрај тоа што со транспарентот се навредува претседателот на УЕФА, а се упатуваат и смртни закани за српските фудбалери, тоа не беше доволно за ФФМ веднаш да покрене постапка против тетовскиот прволигаш. Оваа парола ја осудија сите медиуми од поранешната СФРЈ.
„
Сѐ уште не можам да коментирам ништо, мора да разговарам прво со службите, па да излеземе со официјален став“, кусо ни изјави генералниот секретар на ФФМ, Филип Поповски.
Судијата на мечот, Марјан Ецкоски, потврди дека немало никаков прекин, ниту пак опомена кон навивачите, дури и откако бил истакнат транспарентот.
„
Немаше ни прекин ни ништо, нормален тек имаше мечот. Не го прекинавме ни кога го истакнаа транспарентот бидејќи делегатот Џевдет Далипи не реагираше. Мечот продолжи без никаква опомена кон навивачите“, ни изјави Ецкоски.
За разлика од овој натпревар, кога на дуелот меѓу Вардар и Пелистер пред 20 дена, двете навивачки групи извикуваа „ФФМ мафија“, тие неколку пати беа опоменати, а потоа и мечот беше прекинат десетина минути. Поради тие извици, Вардар потоа беше експресно казнет со 1.500 евра.
Останува да видиме дали Куќата на фудбалот ќе одговори со иста мерка и за случувањата на натпреварот во средата.
Дај бе нека ја прекрстат прва селска лига, нема смисла ова
нз дали е посмешно тоа што промаши од 5 метри или тој 2 секунди претходно како се исфрли како в базент
Нека продолжат да вложуваат во вакви ново компонирани клубчиња налик Турново, Еуромилк, Ренова, на сметка на екипи како Пелистер, Победа, Беласица и можда ќе се опраи фудбалот и ќе се зголеми бројот на гледачи ...