Личен идентитет?

[city]

Да, поентата на темата ми е да видиме колку имаме свој личен-сопствен идентитет, колку сме исти или различни од другите, колку ја сакаме униформноста, уживаме и се претопуваме во неа.

Значи имате ли свој личен стил? Свој начин на живот-специфичен само за вас? Начин кој се разликува од другите.

Што е она што ве прави различен од другите? Како ја избегнувате едноликоста и униформноста? Каде се наоѓате во ова шаренило околу нас?
Милиони бои-кај сте вие, кој е вашата боја? или пак вие се идентификувате со целото шаренило?

Колку начинот на кој размислувате се разликува од другите? Имате ли свое „ЈАС„. Дали општо прифатеното мислење е и ваше мислење? Или пак се трудите напротив вашето да биде различни и по нешто специфично?

Во однос на облекувањето? Сакате Теранова, Калиопе и сл-Сакате пола Скопје да носи исто? Или тежнеете и градите свој уникатен сопствен идентитет?

Овде на форумов имате ли сопствен идентитет? Се разликувате ли и од другите?

Имате ли сопствен lifestyle? Каков е вашиот животен стил?
Кој е вашиот личен И.Д.?

Колку форумов е место каде што сите можат да имаат свој идентитет? Или напротив сите сме едно нешто? Сите се претопуваме во едно?

И на крај, начин на градење на идентитетот? Ама сопствениот-личниот, а не групниот.

 

[Setsuko]

Немам некој посебен начин на живот што се разликува од останатите, но многу пати знам да бидам сосема поинаква од луѓето што ме опкружуваат а на нив тоа да им делува чудно.

Околу облекувањето, многу се разликувам, на некои им пречи тоа, тоа е уште еден доказ дека нема да избегаме од малограѓанштината никогаш. Не имитирам никого ниту пак тежнеам кон некое совршенство или модни трендови, се обидувам да бидам вистинската јас.

Цврсто држам до своите ставови и ретко признавам дека сум згрешила, се бранам до последен момент, не сакам да ги копирам другите или да правам нешто само затоа што целиот свет тоа го прави.
Уникатноста можеби е и една од најценетите работи што постојат денес.
За на форумот не знам баш дали се издвојувам, мислам дека не, понекогаш се пронаоѓам во некои мислења, за некои мислам сосема спротивно, впрочем ако гледаме од тој аспект секој човек е различен и сам за себе.

Начин на градење на идентитетот, не би можела да кажам точно но мислам дека многу зависи од луѓето со кои го поминуваме времето, знам многу примери на кои лесно може да им влијае средината и да постапуваат без размислување само заради тоа што некој друг така сакал или да остават посебно внимание кон другите, но против својата волја. Ако се размислува индивидуално секој човек би имал различни гледишта и ставови за некои работи, но некои личности едноставно имаат слаб карактер и се плашат да ги кажат своите размислувања, затоа им е полесно да се претопат со масата обични луѓе.

 

[Kvendolin]

За мене личниот идентитет е потреба. Можеби не се разликувам од другите ама дефинитивно сакам да се чувствувам што би рекле американците “посебно“.
Не сум премногу авангардна личност кога се во прашање погледите на свет и тука многу не “делам“ од другите, некако полесно ми е да правам компромиси отколку да се борам за радикална различност.
Што се однесува до моментот на облекување е тука барем можам да си кажам дека си првам и експерименти, некогаш се облекувам поалтернативно, мислам дека имам сопствен стил. Облекувањето ми е еден од начините некогаш да покажам бунтовност и отпор.
Што се однесува до форумот и мојот форумски идентитет можам да кажм дека во моментот кога престануваме да бидеме искрени или доволно бунтовни се губи целата поента.
Навивам за храбрите форумџии и форумџики.

 

[Ред Девил]

Јас многу сакам да се разликувам од другите, не знам зашто. Многу се разликувам од сите.
Сакам да сум самостоен и не сакам кога други ми помагаат за било што, сакам сам да го сработам тоа. И кога не можам пример да го сработам тоа нешто, не барам помош, некако не можам да побарам.
После би идел на парите... Не трошам ни денар... Или ај да не биде ни денар, ептен малце трошам.
Секогаш кога земам пари од дома ми остануваат... Еве сега бевме на екскурзија понесов од дома 2000 денари, а потрошив 220 ден.
Често пати идам контра на сите...

Не ме радуваат работите што ги радуваат моите врсници да кажеме... Затоа работите што нив не ги радуваат, мене ме радуваат.
Размислувам секој ден на глупави теми за кои моите врсници не размислуваат.
Не се фалам ич, не се преценувам како најголем процент од луѓето.

Можеби се разликувам по тоа што не гледам филмови, што не слушам музика...

За облекувањето немам што да кажам, затоа што се на се имам 10-тина парчиња облека кои ги менувам, ич не сум по облекувањето.

Како и да е, знам дека сум уште еден човек кој не го менува многу светот.

 

[Crazy in Love]

Да,си имам свој личен стил, впрочем кој го нема. Имам некои мои специфични делови во карактерот и во мојот начин на живот, поголемиот дел луѓе кои ми се блиски самите ми викаат дека сум специфичен случај.
За тоа што ме прави различна од другите, не знам, има делови кои се вклопуваат со целината, има делови кои се изразито различни.
А поголемиот дел од луѓето би рекле дека кивањето и смеењето ми се...хм...различни.
Не сум била никогаш дел од унифромираноста. Ниту сум ја сакала. Обично кон униформирање прибегнуваат оние луѓе кои се плашат да го изразат своето ЈАС, па полесно им е да се вклопат во околината, за да не мора да покажуваат кои се. Исто така тешко е да одредам што боја би била. Би рекла дека имам повеќе слоеви бои премачкано на мене, секоја соодветствува на посебен дел од мојот живот.
Што се однесува на начинот на размислување и моите ставови, не се трудам да бидат различни од останатите. Размислувам на мој начин, со моја глава, ама намерно да се трудам и обидувам да бидам различна, нц. Сега, да, Бик сум во хороскоп, знам да бидам контраш, некогаш и намерно, но во дебати, моето мислење си го кажувам, не ме интересира другото мислење, во смисла да чекам да чујам што ќе каже другиот па врз основа на тоа да кажам што мислам. Пошто има и такви случаеви. Се случувало да бидам сама против сите во дискусија. Но, тоа е тоа. Сега, да ,некогаш се согласувам со поголемиот дел луѓе, но не секогаш. Што е и нормално. Но, не сум тип да се повлекувам и ако видам дека повеќето мислења се различни од моето, да се претопам и јас. Во никој случај. Пу,пу, скраја да е.
А за облекувањето...многу ме нервира, кога ќе видам пола град во исто. Аиии страшно. Се сеќавам на тие едни сукњи од Теранова пред неколку години, мислам дека секоја втора девојка носеше таква сукња. И ми беше смешно, како роботи да гледам околу себе. Не е дека којзнае колку со облекувањето се одвојувам, носам облека соодветна на годините и го купувам тоа што ми стои убаво, ама ако видам дека цел град е во исто, тогаш одма имам одбивност кон тоа парче облека, колку и да е убаво.

Овде на форумов имате ли сопствен идентитет? Се разликувате ли и од другите?

Ваљда.Не знам.Секој член си има своја специфичност.Сега не би знаела да речам за самата себе колку се или не се разликувам од другите.

Имате ли сопствен lifestyle? Каков е вашиот животен стил?
Кој е вашиот личен И.Д.?

Имам да. Си го живеам животот на мој начин. Сум имала проблем со многу луѓе заради тоа што да, имам специфичен карактер, треба време додека човек ме запознае подобро. Честопати и не сум била прифаќана од околината, сум била outcast, црна овца баш затоа што според некои “популарни“ стандарди сум била чудна или другачие од другите. Без разлика што не знам кои се тие стандарди.
А, да и фејќер женско сум.

Колку форумов е место каде што сите можат да имаат свој идентитет? Или напротив сите сме едно нешто? Сите се претопуваме во едно?

Баш бидејќи има толку различни луѓе, карактери го прават форумов поуникатен и поспецифичен и хаотичен во позитивна смисла на зборот. Не може да бидеме едно, бидејќи во спротивно, не би имале потреба од форум, зашто ќе нема за што да се дискутира.

И на крај, начин на градење на идентитетот? Ама сопствениот-личниот, а не групниот

Нема начин, нема формула.
Едноставно, човек треба да го гради, како што мисли дека треба, идентитетот сам некогаш го надвладува човекот.

 

[Болиглава]

Искрено, до пред една година бев прилично без сопствен став и мислење и често одев по размислувањата на друштвото.
По зачленувањето на Кајгана почнав да размислувам пошироко и да гледам на работите поинаку. Се реформираф и таа реформа уште трае, променувам многу работи во животов за да стигнам до некое мое ЈАС.
Во врска со материјалните работи, и не сум многу препознатлив по некој специфичен стил за мене и се носам како што сакам... ни пре униформски ни пре бунтовнички.

 

[Fairytale]

Секој си има свој личен идентитет кој го прават поразличен од другите. Ниту една личност не може да се претопува и да биде идентична со друга, најмалку на форум. Секој си има свој личен карактер, темперамент, начин на размислување и живеење. Дали еден човек ќе работи врз градбата на својата личност е помалку важно и тоа не значи дека тој нема идентитет. Без разлика дали е лош или добар, впечатлив или анонимен итн., секој човек си е посебен сам за себе.

За мене (недоволно, на кратко кажано):
- карактер - добар :angel1:
- темперамент - сангвиник :kesa:
- начин на размислување - во зависност од ситуацијата :helou:
- начин на живеење - водејќи се од моите сопствени чувства, ставови и размислувања, доколку е потребно - земајќи ги во обзир и оние на другите луѓе и секогаш со одредено ниво на толеранција. :sakas_ust:icon_razz

 

[Бат Елохим]

Значи имате ли свој личен стил? Свој начин на живот-специфичен само за вас? Начин кој се разликува од другите.


(мислам сигурна сум дека не сум митра со витлери иако имам деца) се надевам дека секогаш песнава ќе може да ми биде химна во животот!

 

[мачор]

па спортски.

 

[smihajlo]

Jas sum onoj koj sto sum .Kako razmisluvam ? Razmisluvam kako mene.Kolku sum razlicen od drugite ne e vazno i vo vrska so oblekuvanjeto i se drugo se oblekuvam onaka kako sto mene mi se dopaga i ne e vazno dali se site kako mene ili jas sum edinstven.Dali se razlikuvam od drugite ?se razlikuvam onolku kolku so tie se razlikuvaat od mene.Koj e mojot identitet e malce opsirno prasanje sto i da bi sakal ne bi mozel da go iskazam jas se poznavam i sekoj koj me znae bi mozel da kaze.Licen ?Grupen?Gradenje? Ti si ona sto si mozes da probas no ne mozes da bides ona sto ne si.