Крводарителство

[Out Of Reality]

неколку пати имам давано крв.. последниот пат му се смеев на тој пред мене зошо му се слоши т.е се изгуби дечкото, викам види го слабак.. после тоа јас бев и нели треба дасе одмори малку откако ќе ти земат јас одма станав.. викам можам јас ништо не ми е .. и само што станав ми стана ептен лошо и почнаа да ме прскаат со вода xD

 

[Kalap Angel]

Како се станува крводарител ?

За да станете крводарител, потребна Ви е добра мисла и мал дел од Вашето време.
Да се спаси нечиј живот е многу едноставна работа. Имајте на ум дека со само една дарувана кеса крв можете да спасите и до 3 или 4 животи. Тоа е затоа што од една единица полна крв се прават повеќе производи.
Информирајте се од нашата веб страна, но и од средствата за јавно информирање, каде тој ден ќе работат нашите мобилни екипи и дарувајте крв.
Може да дарувате крв најблизу до Вашето место на живеење. Вработените крв може да даруваат и во оние денови кога нашата мобилна екипа доаѓа во нивната работна организација.
Доколку Ви одговара, може и да поминете и до трансфузиолошката служба во Вашиот град каде ќе бидете со задоволство пречекани и услужени.
Исто така, крв може да се дарува и во РЗТ секој работен ден од 7:30 до 19:00 часот, а сабота од 9:00 до 14:00 часот.
За да станете крводарител треба да ги исполните следните задолжителни услови:
• Да бидете здрав и да сте на возраст од 18 до 65 години.
• Пред дарувањето потребно е да пополните прашалник за дарител на крв во кој прашањата се однесуваат на Вашето здравје, прележани болести и животни навики. Неопходно е искрено да одговорите на поставените прашања, бидејќи на тој начин го штитите сопственото здравје, но и здравјето на тој што ја прима Вашата крв.
• По пополнувањето на прашалникот се пристапува кон боцкање на прст за да се земе крв и да се исконтролира нивото на хемоглобин во крвта.
• После следи разговор со лекарот, koj го разгледува прашалникот што сте го пополниле, Ви мери крвен притисок и ја слуша работата на Вашето срце. Со сето ова се проверува Вашето здравје, бидејќи крв може да даде само здрав човек.
По извршениот преглед лекарот треба да даде согласност за да дарувате крв.
• Доколку е се во ред, се пристапува кон актот на дарување крв што се изведува во лежечка положба. За крводарување се користат тројни или четворни кеси, а се дарува само во едната кеса, додека во останатите две односно три се приготвуваат крвни продукти. Сетот за дарување е стерилен и за една употреба, што значи не постои начин да се заразите. Нашиот персонал е добро обучен така што убодот од иглата нема да Ве боли ништо повеќе од убодот при земање на крв за било која анализа на крв. При дарувањето нема да ја чувствувате иглата додека Ви е во вена. Најдобро би било додека трае дарувањето да разговарате со нашиот персонал или да размислувате за нешто за Вас пријатно, а ние ќе се потрудиме да Ви биде што поудобно. По дарувањето полежете 5-10 минути. Потоа следи освежување со кафе, сок и лесен оброк.
• После дарувањето на крв можете да се вратите на вашите секојдневни обврски и работи. Но сепак запаметете неколку совети:
- Не треба да пушите цигара 30 минути до 2 часа после дарувањето на крв, не треба да конзумирате алкохол најмалку 8 до 12 часа, особено не ако сте гладни.
- Завојот на местото на убодот не го вадете 2 часа.
- Во наредните 8 часа да не се излагате на тежок физички напор, а некои опасни или специфични професии (рудари, градежни работници, пилоти, лица кои ракуваат со огнено оружје и слично, бараат да се воздржите од истие во текот на 48 часа. Истото се однесува и на екстремните спортови или боречки вештини.
- Доколку почувствувате мачнина, седнете или легнете, тоа е минливо и нема да имате последици.
- Пијте повеќе течности во првите 4 часа, или до крајот на денот.
- Ако во тек на наредните 3 дена се разболете, јавете се во нашата служба. Тоа сигурно не ви е последица од дарувањето но може нам да ни користи во проценката на безбедноста на продуктите кои сме ги изработиле од Вашта крв односно може да се укаже дека истата не е погодна за трансфузија .
• За секоја забелешка, позитивна или негативна, Ве молиме да не известите, или преку линкот за контакт на нашата веб страна, или на начин кој Вам Ви е најпогоден.

Извор : http://www.itm.org.mk/Content.aspx?content_id=11

 

[Seniorita]

..имам дадено до сега 4пати!
I'm damn proud of myself! <3

со оглед на тоа дека девојките имаат право да даваат 3 пати во годината ( на секои 4 месеци ) а момчињата 4 пати ( на секои 3 месеци ) не е лошо ..сепак, со менструацијата малце ..не е како порано..

 

[Kalap Angel]

Најчесто поставувани прашања за крводарувањето

1. На која возраст можам да започнам дадарувам крв?
Секое здраво лице на возраст од 18 до 65 години може да дарува крв.

2. Дали треба да бидам јаден пред дарувањето?
Пред дарувањето пожелно е да јадете лесен оброк (кифла, геврек..). Доколку претходно сте јаделе помасен оброк, не ќе бидеме во можност да добиеме квалитетна крв и крвни продукти од крвта што сте ја дарувале.

3. Во што се состои прегледот пред дарувањето?
Пополнувате прашалник за дарител на крв во кој прашањата се однесуваат за Вашето здравје, прележани болести и животни навики. Со боцкање од прст се зема капка крв и се проверува нивото на хемоглобинот во крвта. Потоа следи разговор со лекарот кој ќе Ви мери крвен притисок и ја слуша работата на срцето.

4. Дали се тестира крвта?
Да. Крвта се испитува за присуство на заразни заболувања преносливи со крв- жолтица Б и Ц, сифилис, сида. Секоја единица на крв која била позитивна на било кој од овие тестови безбедно се уништува.Освен ова се одредува крвна група, Rh фактор и антитела кај секоја единица крв.

5. Што се случува понатаму со резултатите од тие тестирања?
Сите резултати од тестирањата се достапни за увид само на дарителот и на медицинските лица кои непосредно ги изведуваат тие тестови или се одговорни за контрола на квалитетот на добиените крвни компоненти, т.е. има апсолутна анонимност и дискреција. Лицата кај кои се утврдило дека било кој тест од оние наменети за заразни болести преносливи со крв е позитивен, се повикуваат по писмен пат да дојдат за повторно тестирање или за упатување во некоја друга институција која е задолжена за лекување или дополнително испитување.

6. Дали со дарувањето крв може да се заразам?
Со дарувањето крв не може да се заразите, бидејќи сетот за дарување е стерилен и е за една употреба.

7. Дали боли убодот од иглата?
Нашиот персонал е добро обучен така што убодот од иглата нема да Ве боли ништо повеќе од убодот при земање на крв за било која анализа на крв.

8. Дали се чувствува иглата додека е во вената?
Иглата не се чувствува додека е во вената.

9. Колку долго трае самото дарување на крв?
Дарувањето трае околу 5 - 10 минути.

10.Колкаво количество на крв се дарува?
Се дарува 450 мл. крв. Сакаме да Ве потсетиме дека човек со околу 70 кг. има околу 5 литри крв. Постои и можност при строго одредени услови да се дарува и помала количина на крв, на пример 350 мл, што се врши во кеси наменети за таа намена.

11. За колку време се надоместува даруваната крв?
Течниот дел од крвта - плазма се надоместува за 24 часа. Крвните клетки (еритроцити, тромбоцити, леукоцити) се надоместуваат постепено во текот на неколку недели, во зависност од видот на клетките. Затоа е задададен временски интервал помеѓу две дарувања од 3 месеци за мажи и 4 месеци за жени.

12. Како ќе се чувствувам по дарувањето?
Вообичаено дарителите не чувствуваат никакви потешкотии или промени за време на или после дарувањето. Некои дарители се чувствуваат дури и подобро и олеснето од колку пред дарувањето. Сепак незначителен број на дарители може да почувствуваат лесна непријатност или мачнина. Тоа не треба да Ве загрижува, зошто таквите појави се минливи и без последици. Лекарот ќе Ве советува како да постапите при појава на таква реакција.

13. Дали може по дарувањето да ги изведувам секојдневните активности?
Може да ги изведувате Вашите секојдневни активности. Сепак лицата кои се занимават со тешки и опасни работи, мора да внимаваат во текот на следните 2 дена. Има професии кои бараат крводарителот да биде отсатен од работа во тек на 12 до 72 часа, во зависност од природата на самата професија. Запомнете дека не смее да се пуши цигара најмалку 30 минути до 2 часа, алкохол не смее да се конзумира најмалку 8-12 часа, особено не на празен желудник и пожелно е да се конзумира повеќе вода или сокови во текот на истиот ден.

14. Дали има и други видови на дарувања?
Да, постојат така наречени алтернативни начини на крводарување, како што се на пример дарувањето по пат на афереза, автологно дарување, предоперативна нормоволемична хемодилуција и интраоперативна и постоперативна крвнасалважа.Со постапката наречена афереза крвта на дарителот минува низ машина-клеточен сепаратор со цел да се одделат крвните елементи-плазма и разни видови клетки (тромбоцити, леукоцити, еритроцити), така што за терапија се користи само оној дел кој е потребен, а останатиот дел од крвта се враќа на дарителот. При автологно дарување (при планирани операции) пациентот дарува крв и крвни компоненти за себе. Крвта што ја дарува пред оперативниот зафат се чува во трансфузиолошката служба. Таа е наменета исклучиво за пациентот кој ја дал и за време на операцијата ја прима истата. Другите видови на алтернативно дарување се случуваат во операциона сала кај пациенти кај кои постои индикација да се спроведе истото.

Извор: http://www.itm.org.mk/Content.aspx?content_id=14

 

[Пратеник]

Јас давам крв на секои три или четири месеци .
На лицето имам црвенило и висок притисок .Ама ко че дам крв одма ги снемува тие работи и немам никаква мака со здравјето.Едноставно се чувствувам подобро.

 

[onlya]

Имам еднаш дарувано крв и сакав уште еднаш да дарувам пред месец дена кога имаше акција но не ми дадоа може пошто постев и пошто не бев јадена, па деновиве планирам да одам и пак да дарувам белким нема да ме одбијат. Туку кај се наоѓа трансфузиологија во државна болница никако не можам таму да се снајдам? :S

 

[AlternativeF]

Туку кај се наоѓа трансфузиологија во државна болница никако не можам таму да се снајдам? :S

Кога ќе влезеш од главниот влез продолжуваш само право по улицата, ги изминуваш хирургија и рендген, од левата страна доаѓа паркингот, во зградата десно од паркингот првиот влез е хематологија, подоле од десната страна е трансфузиологија, значи доаѓа скроз на крај на улицата.

 

[onlya]

Аха, фала

 

[Kalap Angel]

Бенефиции

Според законот за работни односи на Република Македонија, член 150, работникот кој доброволно дава крв има право на отсуство од работа на два последователни работни дена за секое давање крв.

Дарителите на крв кои даруваат крв повеќе од десет пати се ослободени од Партиципација во цената на некои здравствени услуги како:

• амбулантно-поликлиничка здравствена заштита
• лабараториски прегледи и анализи
• ренгентски прегледи, ехогравски снимања, преглед со скенер и магнетна резонанца
• специјалистички лекраски преглед
• болничко лекување и рехабилитација (заклучно со со 30-тиот ден, вклучувајќи и болничка исхрана)
• лекување на болести на уста и заби

Освен ова предвидени се и признанија, благодарници и пригодни обележја за секој крводарител кој дарувал крв 5, 10, 25, 50 или повеќе пати.

Извор: http://www.itm.org.mk/Content.aspx?content_id=15

 

[Kalap Angel]

Совети за успешна донација на крв

- Пред донација

• Одржувајте здрава количина на железо во вашата исхрана со консумурање на храна богата со железо, како што е спанаќот, црвеното месо, рибата, месото од живина, гравот, житариците збогатени со железо и сувото грозје.
• Добро наспијте се.
• Испијте екстра пола литар вода и течности пред донирањето.
• Консумирајте здрав оброк пред донацијата. Избегнете мрсна храна, како што се хамбургери, помфрит или сладолед пред донирање. Тестовите за инфекција кои што се прават на секоја донирана крв можат да имаат влијание од мастите кои што се појавуваат во вашата крв по неколку саати после консумирање на мрсна храна.
• Ако сте донор на крвни плочки, запамтете дека вашиот систем не треба да содржи аспирин најмалку два дена пред донацијата.
• Запамтете да ја носите со вас крводарителската книшка, личната карта, возачката или било која друга лична идентификација.

- За време на донацијата

• Носете облека чии ракави може да бидат подигнати над лактот.
• Дајте му до знаење на овластеното лице ако имате рака која ја преферирате и покажете му на персоналот добри вени кои биле искористени успежно во минатото за вадење на крв.
• Опуштете се, слушајте музика или зборувајте со персоналот додека трае процесот на донирање.
• Земете си време да каснете нешто и да се напиете веднаш после донацијата во просторијата за одмор/чекалната.

- После донацијата

• Пијте доста течности во наредните 24-48 саати за да ги надополните течностите кои сте ги изгубиле за време на донацијата.
• Избегнувајте напорна физичка активност или кревање на тешки предмети околу пет часа после донацијата.
• Ако се чувствувате вртоглаво, легнете, препорачливо со нозете кренати нагоре, додека чувството не помине.
• Во ретки случаи кога крварењето продочжува и после отстранувањето на завојот, нанесете притисок на местото и подигнете ја раката 3-5 минути. Доколку дојде до појава на крварење или модрини под кожата, нанесувајте ладни облоги на местото периодично за време на првите 24 часа.
• Ако нешто поради било која причина не е во ред, исконтактирајте ја службата за трансфузиологија.
• Уживајте во доброто чувство што доаѓа со знаењето дека сте спасиле живот.

Извор: http://www.redcrossblood.org/donating-blood/tips-successful-donation

 

[beneamata]

Тука си грешка, нема доручкување пред да даваш крв.

Ова е крводарителство, не правење крвна слика.

неколку пати имам давано крв.. последниот пат му се смеев на тој пред мене зошо му се слоши т.е се изгуби дечкото, викам види го слабак.. после тоа јас бев и нели треба дасе одмори малку откако ќе ти земат јас одма станав.. викам можам јас ништо не ми е .. и само што станав ми стана ептен лошо и почнаа да ме прскаат со вода xD

Ова колку да се чита и како пример од тебе

Обавезно да јадете нешто најмалку сааат-два пред дарувањето на крв зашто може да ви се сврти по дарувањето, и откако ќе дарувате не станувајте одма, особено ако ви е прв пат.

 

[lazzy^]

Даруваната крв освен што се користи за нејзината примарна цел, се користи и во микробиологијата за подготвување на хранителна подлога на бактерии-крвен агар (конкретно таа крв на која и поминал рокот предвиден за употреба).

 

[arheolog]

Крводарител сум, но пред некое време го изгубив новчаникот, а воедно и крводарителската книшка. Па ме интересира каде да одам да извадам нова, и како иде после упишувањето на тоа колку пати сум дарувал крв.Сигурно нема тие да не ми се сметат доколку извадам нова.

 

[blueeye89]

Крводарител сум, но пред некое време го изгубив новчаникот, а воедно и крводарителската книшка. Па ме интересира каде да одам да извадам нова, и како иде после упишувањето на тоа колку пати сум дарувал крв.Сигурно нема тие да не ми се сметат доколку извадам нова.

Ќе одиш на трансфузиологија таму те има заведено во системот и ќе ти пишат колку пати си давал.

 

[командо]

Тука си грешка, нема доручкување пред да даваш крв.

Мислам дека треба да имаш доручкувано, барем малку Така ми рекоа првиот пат, утре ќе биде втор пат