Крем салати

[Олимпија]

Ниту една прослава, роденден, свечена пригода не е комплетна доколку на трпезата нема барем еден вид крем салата. Одат со сите видови бели пецива, а ако се добро издекорирани едноставно не можете да им одолеете
Начинот и рецептите за подготовка се различни. Секој ги подготвува според свој вкус.
Кои ви се омилени крем салати? Се придржувате ли стриктно кон рецепта за одредена салата или знаете да додадете/извадите некоја состојка?
Ги приготвувате сами или купувате готови крем салати?
Некој рецепт да споделите?

Еве од мене нешто

Руска салата (без неа неможеме да ја испратиме старата и да ја дочекаме новата година)

Потребни состојки:
- 500 гр шунка,
- 500гр компир,
- 300 гр морков,
- 300 гр кисели краставички,
- 500 гр грашок,
- 3 јајца,
- 700 мл. мајонез
- 1 лажица сенф
- сол
-бибер

Подготовка:
Сварете ги компирот и морковот и потоа исцедете ги убаво на кујнска крпа. Сите останати намирници исецкајте ги на мали коцки, колку што можете по тенки. Краставичките ставете ги во цедалка убаво да се исцедат. Потоа додадете го мајонезот и сенфот за да се спои смесата со мешање. Оставете во фрижидер да се стегне и потоа уживајте.

Француска салата

Потребни состојки:
- 1 кгр солена урда
- 1 краставица ситно сецкана и убаво исцедена
- 150 гр ситно сецкана шунка
- 150 гр сецкани ореви
- 250 мл мајонез
- 250 мл павлака
- 2 лажици сенф
- црн бибер, сол
по желба може малку лукче

Подготовка:
Во длабок сад се мешаат сите состојки, само внимавајте да не претерате со сол

Салата од пилешко и макарони

Потребни состојки:
- 300 гр. пилешки стек
- 150 гр. морков
- 150 гр. грашок
- 150 гр. пченка
- 100 гр. кашкавал
- 300 гр. макарони
- 1 лажица сенф
- 400 мл. павлака
- малку сол

Подготовка:
Во посебни тенџериња сварете ги пилешкиот стек, морковот, макароните. Сварениот стек исецкајте го на коцки. Морковот исецкајте го и исцедете го.
Додајте го пилешкиот стек во оладените макарони па измешајте заедно со зеленчуците и изренданиот кашкавал. Сенфот измешајте го со павлаката и малку сол па промешајте со макароните, пилешкото и зеленчукот.

Урнебес салата

Потребни состојки:
- 500гр. урда
- 2 кисели павлаки
- 100 гр. ореви
- 3-4 чешниња лук
- 1 лажица лут буковец
- 1 лажичка црвен пипер

Подготовка:
Истолчете ги оревите и лукчето. Додајте ја урдата со останатите состојки. Убаво измешајте и сервирајте.

Пченка салата

Потребни состојки:
- 300 гр. пченка (конзерва или замрзната)
- 300 гр. компир
- 5 кисели краставички
- 200 гр. шунка
- 1 лажица печен сусам
- 200 мл. мајонез
- 1 кисела павлака
- сол и бибер

Подготовка:
Компирот сварете го со лушпа, излупете го и крупно изрендајте. Краставичките и шунката ситно исецкајте ги. Промешајте ги сите состојки заедно и посолете.

Mимоза

Потребни состојки:
- 6 средно големи компири
- 6 јајца
- 350 гр. салама по избор
- 350 гр. сирење мешано
- 400 мл. павлака
- 300 мл. мајонез
- сол и бибер

Подгoтовка:
Сварете ги компирот (без лушпа) и јајцата. Оставете да се оладат за да можете лесно да ги изрендате. Додека тие се ладат, со миксер изматете ги павлаката и мајонезот со сол и бибер по желба.
Во стаклен длабок сад за салата почнете да ја сложувате по следниот редослед. На дното ставете половина од ренданиот компир. Благо со прстите распоредете го по дното за да биде целосно покриено. Премачкајте со 1/4 од изматениот фил. Преку филот изрендајте половина салама, па 3 сварени јајца и и 1/2 количина сирење. Благо израмнете и премачкајте со 1/4 фил. Изрендајте ги и преостанатите компири и премачкајте со 1/4 фил. Повторно рендате од остатокот салама, па јајца, сирење и завршувате со последната четвртина фил. Декорирајте по желба.
п.с.Препорачливо е салатава да ја правите во стаклен, проѕирен сад за да се видат убаво слоевите од намирниците.

Цвекло салата

Потребни состојки:
- 1тегла со цвекло(1кг)
- 1кг варена телешка кртина
- 4варени компири
- 4лажици мајонез
- 500гр павлака
- сол по вкус

Подготовка:
Цвеклото ситно се сецка и се става во цедалка да се исцеди. Вареното телешко го сецкате ситно, исто и компирите. Мешате се заедно и ја додавате павлаката и посолувате, па го додавате и мајонезот на крај.
п.с.Наместо телешко може да ставите варен пилешки стек

 

[Doc Holliday]

незнам колку е за во крем салати,ама ајде:
Урда салата(ала Док Холидеј стајл)
0.5 до 1кг урда
0,4 до 0,5 г салама
Лукче
1-2 краставици(зависи колку имате урда )
Ореви
Се тоа се меша,се остава да постои 10тина минути и се јаде.

 

[Darklady]

И покрај многубројните салати, сепак Руската салата и понатаму е на врвот, барем според мене.
Обожавам да ги приготвувам и никогаш не купувам готови крем салати, затоа што сепак домашните ми се далеку повкусни и можам да си експериментирам, самата да додавам или одземам некоја состојка.

Кикирики салата

Потребни состојки:

- околу 600гр, пилешко бело месо
- 10 кисели краставички
- 200 гр. пржени, солени кикирики
- 200 гр. кисела павлака
- 350 гр. мајонез
- 1 лажица сенф
- сол и црн бибер

Подготовка:
Пилешкото месо се вари и се сецка на коцки, краставичките исто се сецкаат на коцки, кикириките се сецкаат или во блендер или рачно (само да не се многу ситни), се додаваат киселата павлака, мајонезот, сенф, се посолува и се додаваат зачини по желба.

П.С Спојот на месото со кикириките е фантастичен

 

[Смрт за зони и пајак воз.]

Руска салата - само руска салата и ништо друго освен руска салата.
Од ноември до април, речиси постојано ја имаме во фрижидерот.
Речиси секоја втора недела ја подготвувам во количина „ кило “ ( од се по кило ).
Руската салата во некој земји се нарекува Оливие салата
Прочитајте на Википедија на Македонски:
http://mk.wikipedia.org/wiki/Руска_салата

 

[Mary Poppins]

^^ Ние ја викаме мајонез салата, а руска салата ја викаме онаа кога ставаш дробени краставички, моркови, пиперки зелени и карфиол во тегли и се кисели.
Како и да е, Величествената ги запишала речиси сите салати кои сите ги правиме по дома, секако секој со некои измени. Ние на пр. дома мајонез салатата ја правиме без грашок и сенф, а додаваме плус варени јајца.
И на мене ми прави исто така огромна разлика каков мајонез има ставено. Ако не е со домашен мајонез не ми е вкусна.

 

[Samurai Jack]

Ја колку што знам руската салата се прави со краставици, моркови, карфиол, зелка и уште нешто, а оваа вие што ја викате "руска" е всушност мајонезна...

 

[Олимпија]

Ја колку што знам руската салата се прави со краставици, моркови, карфиол, зелка и уште нешто, а оваа вие што ја викате "руска" е всушност мајонезна...

Taa се праи за зимница, во тегли се става и има исто име како оваа горе....само различни состојки

 

[Fringe]

Домашни омилени салати
Руска салата
Француска салата
Салата од пилешко и макарони
Цвекло салата
Урнебес салата
Порано од маркет периодично редовно ги купував,ама во последно време купувам продукти од маркет и моите ги терам да ги прават бидејќи се пензионери.

 

[Invader]

Слабост ми е мајонез(руската) салата

 

[Смрт за зони и пајак воз.]

Taa се праи за зимница, во тегли се става и има исто име како оваа горе....само различни состојки

Toa e мешана туршија, а руска саката, е руска салата

 

[Олимпија]

Toa e мешана туршија, а руска саката, е руска салата

За туршија се ставаат цели продукти, а за руска салата во тегли се става сецкана зелка, морков, краставички, патлиџан, карфиол и солило
Вака изгледа

 

[Fringe]

Ја колку што знам руската салата се прави со краставици, моркови, карфиол, зелка и уште нешто, а оваа вие што ја викате "руска" е всушност мајонезна...

Да бе вие таму од Кочани,Штип,Пробиштип........мешате баби и жаби
Тоа што вие го викате руска саклата е туршија и се користи заедно со ракија,може да се користи и со зелка од јува,а јувата може да се употреби и за трезнење.

 

[ElNinho]

Ја колку што знам руската салата се прави со краставици, моркови, карфиол, зелка и уште нешто, а оваа вие што ја викате "руска" е всушност мајонезна...

Карфиол и зелка WTF, зашто не сум сретнал таква!?

Руска салата (за зимница) знам е од зелен патлиџан, краставички, моркови и бели пиперки. Таа со карфиол имаше друго име...

Инаку од понудениве погоре, руската ми е едно од омилените јадења кога идам по гости (слава), а има една шо ја прави мајка ми по дома почесто, ко онаа францускана погоре е само без краставички и шунка - деликатес ипол!

 

[Ilumious]

U ovaa francuskava koga ke mi opnat pechurki

Inace se prodava ruska po marketive vo kutivce, gotova? Mrza sum

 

[Samurai Jack]

Да бе вие таму од Кочани,Штип,Пробиштип........мешате баби и жаби
Тоа што вие го викате руска саклата е туршија и се користи заедно со ракија,може да се користи и со зелка од јува,а јувата може да се употреби и за трезнење.

Различни краеви и тоа е тоа, нема сеа да се инатиме за една салата, кај вас така се вика кај нас се вика поразлично и тоа е тоа.
--- надополнето: 6 октомври 2012 во 00:20 ---

Карфиол и зелка WTF, зашто не сум сретнал таква!?

Руска салата (за зимница) знам е од зелен патлиџан, краставички, моркови и бели пиперки. Таа со карфиол имаше друго име...

Инаку од понудениве погоре, руската ми е едно од омилените јадења кога идам по гости (слава), а има една шо ја прави мајка ми по дома почесто, ко онаа францускана погоре е само без краставички и шунка - деликатес ипол!

Не бе така се вика руска, некои ставаат зелка некои не, а иначе без карфиол неможе да се замисли таа салата