Пред 14 години ете како мал имав репутација на "багабонт", моите родители за да не се плеткам со такви работи ме однесоа да спортувам. Прво почнав да играм тенис, а кога и таму бев причина за една поголема тепачка бев избркан. Татко ми буквално за партали шо се вели ме однесе да тренирам кошарка и му рече на тренерот дека ќе ме носи во 6, а ќе ме зема во 8 и секој ден да ме тепа. То ми беше еден вид војска таму кај шо морав да одам се до денот кога почнав да ја сакам кошарката, тренирав 11 години.
Не престанав да правам глупости. Продавав дрога, петарди, распрскувачки материјали, крадев, се тепав, играв комар, бев каматар, изнудувач или рекетар, а сум бил приведуван само неколку пати, но никогаш не сум бил обвинет, а камоли прогласен за виновен. Ме следела полицијата, на неколку наврати ми бил прислушкуван и телефонот. На училиште бев примерен ученик, основно и до втора година средно бев одличен, трета и четврта многу добар.
Кога дојдов трета година средно, сватив дека само моите другари и родителите дека ме сакат, а исто така сватив дека животот е премногу краток за да се биди негативец во серијата.
Мојата енергија ја пренасочив во правење на позитивни работи во кој покрај јас ќе уживаат сите.
Сега сум 22 години, се чувствувам прекрасно имам многу вишок на позитивна енергија, ја делам со сите наоколу, се смеам уживам во животот, стекнувам многу пријатели, тие шо ме знат од порано мислат дека сум пореметен или дека ептен сум влезен во дрогата, но еве чесно и одговорно тврдам дека во животот немам пробано ниту еден од видовите и подвидовите на дрога. Научив во животот дека треба сите да ги сакаш, да му пружиш дел од себе, кој ќе возврати е добредојден, кој нема тој е благословен, многу ми е убаво и сакам на овој начин со позитивна енергија да се избориме против сивилото кое ни е сервирано без наша желба, без наше знаење, без наша вина. Сакајте се, давајте се од себе во љубовта, другаството, смејте се, бидете ведри и радосни и кога времето е сончево и кога бурата ќе дојди, играјте на дождот и радувајте се на сонцето, тргнете ги негативните мисли и бидете то шо политичарите некат да бидеме, бидете среќни за тоа госпо шо ни го дал, не бидете несреќни за тоа што некој човек ни го одзел нечесно. Бидете големи во срцата и приберете ги сите под вашата стреа. Позитивната слика нека владее во наредните моменти, а додека го читавте ова се надевам ми верувавате дека успеав да си го сменам животот да си ги сменам мислите, да си ја сменам иднината, да се променам целиот. Не трудете се да го заборавите минатото, то иди секогаш зад вас како сенката, обидете се да ја промените вашата иднина и вашата слика која ќе ја оставите да не биде црно бела како предходната или како досегашната. Опуштете се и бидете позитивни оти само љубовта, среќата и ведрата мисла можат да ни ги продолжат животите !!! Поздрав и уживајте како шо уживам јас ...
бар да имав некоја подршка од моите дома , но и тие ја прават ситуацијата полоша со таа мисла дека е сеуште титово време па чим дипломира одма имаш работа или барај по фирми од врата на врата и слични малтетирања.. Многу сакам да знам каде грешам и незнам зашто неможам да го откријам тоа?
