Преговорите во Њујорк доживеаа колапс, сметаат експертите
За да не отварам нова тема во продолжение на оваа еве ги денешните вести!
Со последните њујоршки средби преговорите за името доживеа вистински колапс.
Паушалните изјави на Нимиц за засилен дијалог, наспроти реафирмирањето на црвените линии од страна на Скопје и Атина, ги отворија картите дека спорот со името се движи во ќорсокак, каде и медијаторот ја губи контролата.
- Мислам дека тие средби се за да и се покаже на јавноста дека нешто се движи дека нешто ново може да се случи, а во принцип напредок нема. Грчката позиција е крајно радикална, и грчките политичари и дипломати многу добро знаат дека тоа што тие го бараат тешко ќе се прифати во Македонија - смета Јоргос Пападакис, аналитичар.
- Она што се случи во њујорк не неочекувано, ниту изненадувачки за сите нас. Ги знеме грчките ставцови, така да најверојатно ли ке почекаме некои нови иницијативи или олабавување на грчкиот став. Додека тоа не го добиеме ние не може да продолжиме со преговорите, или пак да ги прекинеме - изјав Јован Донев од ”Евробалкан”.
Посилниот не попушта, а македонската Влада децидно се изјасни дека не се откажува од членство во ЕУ и НАТО. Алтернативни патишта без решение на спорот, според аналитичарите не постојат.
- Алтернативи нема, тоа најдобро го кажа еврокомесарот Фуле. Не сум уверен дека Грција сака искрено да се реши спорот, а од друга страна најголема штета трпи Македонија - вели Јоргос Пападакис, аналитичар.
- Премиерот Груевски излезе со некои идеи за евентулано изнаоѓање на алтернативни решенија. Меѓутоа крај на светот не е ако не влеземе во ЕУ и НАТО. Во крајна линија ние немаме рокови. Сами си ги посатвуваме и сами го правиме тоа што сакаме да го напаравиме во државата за да имаме подобро утре - смета Јован Донев,”Евробалкан”.
Времето покажа дека меѓународен притисок или не постои или нема ефект.
Брисел ја истроши енергијата, а САД после Косово повеќе нема интерес на Балканот. Сепак според истражувањата евроатланската изолираност на Македонија , освен како мотив за меѓупартиски препукувања , реално не се одразува на внатрешен план. Граѓаните се изјаснија дека името нема да го жртвуваат за членство во ЕУ и НАТО.
Извор:
Сител ТВ
--- надополнето ---
Шефот на македонската дипломатијата изјави – “Не е принципиелно поради еден ирационален грчки спор, на Република Македонија да и се дозволува да го брани НАТО кампот, а во исто време, да не и биде дозволено да спие во НАТО шаторот.”
Скопје и Атина брзо да се договорат за заеднички прифатливо решение за името - ова е пораката на американскиот потпретседател Џо Бајден по средбата со грчкиот премиер Папандреу.
Проблемот со името бил една од темите на синоќешната тет-а-тет средба со вториот човек на САД.
Индиректно, ставот на Вашингтон го пренесе и Даниел Сервер од Американскиот институт за мир.
Во интервјуто за Гласот на Америка на македонски, Сервер не убедува дека Македонија, Македонците и македонскиот јазик нема да исчезнат поради како што вели - “Неколку збора на хартија...”
“Во Уставот е наречена Соединетите Американски Држави, но некои ја нарекуваат Америка, некои Соединетите Држави, некои пак се противат што се нарекува Америка – сето тоа мене не ми значи многу. Во мојот начин на размислување, ниту едно парче хартија не одредува дали постои Македонија, дали постојат Македонци, дали постои македонски јазик. Сите тие постојат и нема да исчезнат поради неколку збора на парче хартија. Мислам дека Македонците мора да имаат повеќе самодоверба”.
И додека Сервер ни препорачува поголема самодоверба, истовремено признавајќи дека притисокот на САД врз Грција е премал, негира и дека е дел од фамозниот американски тим кој задкулисно бара решение за името - кое ќе му биде директно доставено на Нимиц.
Паралелно со Сервер, во Њујорк се обрати и министерот Милошоски. На работната Трансатлантска вечера на министри од земјите членки на НАТО и ЕУ, на кои Хилари Клинтон ги покани и Макеоднија и Швајцарија, шефот на дипломатијата изјави – “Не е принципиелно поради еден ирационален грчки спор, на Република Македонија да и се дозволува да го брани НАТО кампот, а во исто време, да не и биде дозволено да спие во НАТО шаторот.”
Извор:
Сител ТВ
--- надополнето ---
Спорот за името била една од темите за кои синоќа во Вашингтон разговараа старите пријатели, грчкиот премиер Јоргос Папандреу и американскиот потпретседател Бајден.
Грчкиот премиер Јоргос Папандреу по средбата изјави дека во разговорот со Бајден биле отворени прашањата за економската криза, Блискиот Исток , проблемот со Кипар како и проблемот со името меѓу Македонија и Грција.
Според соопштението на Белата куќа, потпретседателот Џозеф Бајден ја нагласил потребата за брзо решавање на проблемот меѓу двете земји.
„Потпретседателот Бајден ја нагласи потребата лидерите на Атина и Скопје брзо да се договорат за заедничко прифатливо решение за надминување на разликите околу проблемот со името”, се вели во соопштението од Белата Куќа.
Папандреу во Вашингтон се среќава и со членови на американскиот Конгрес
Извор:
Канал 5 ТВ
