Ако се исклучат судиските грешки во актуелната сезона во италијанското фудбалско првенство, Милан би бил лидер во Серија “А“ пред Фиорентина и Јувентус. Тоа е заклучок од истражувањето што го спроведе организацијата Observations on Arbitration Errors во соработка со Adiconsum.
Излегува дека во досегашниот дел од сезоната дури 171 бодови би биле распределени на друг начин да не влијаеле 163 грешки на судиите, заклучок е на студијата. Хипотетички, така Милан би бил лидер со 53 бода, пет повеќе од сегашната состојба на “росонерите“. Фиорентина би била втора со 51 бода (5 повеќе од сега), а Јувентус трет со 50 (3 помалку). Судиските грешки најмногу му оделе во корист на италијанскиот првак Интер. Да не биле тие, екипата на Мурињо во моментов би бил пократок за 11 бода (од 60 на 49) и се наоѓал дури на четвртото место на табелата.
Студијата е нарачана од повеќе субјекти во италијанскиот фудбал по серија јавни полемики во фудбалска Италија. Судиски пропусти имаше и во дербито на последното 26. коло од Серија “А“ во кое Интер на Џузепе Меаца го стигна водството на Рома од 2:0 и 3:1 и на крајот освои бод со резултат 3:3.
