Имотот на дамата
Имотот на дамата е турска ТВ серија која се темели на истоимениот популарен турски роман од Орхан Кемал и снимена е со буџет од 1,8 милиони долари.
Приказната започнува во 1950 година, време кога возбудата е во воздухот поради рокот на изборите, предизвик полн со конкуренција која расте од ден на ден помеѓу демократите и републиканците. Адана (град во јужна Турција), со својата плодна земја, огромни полиња со памук и фабрики, дава надеж за илјадниците сиромашни луѓе кои се борат да преживеат. Тоа е приказна за бунтот кој го создава социјалната неправда и каде сонот за заминување во друштво на повисокиата класа ги прави брутални тие очајни луѓе но, без оглед на се тоа е приказна во која надежта никогаш не умира. Приказната почнува со невината љубов помеѓу Гулу и Кемал.Гулу е сиромашна девојка која работи во една фабрика и е постојано злоупотребувана од нејзините татко и брат. Таа е вљубена во работникот Кемал, но нејзиниот татко не сака да слушне за таа врска бидејќи тој сака да ја омажи за Рамазан, внукот на сопственикот на фабриката. Гулу и Кемал решаваат да избегаат заедно, но тогаш полицијата го апси Кемал, а Гулу е вратена дома каде е претепана до смрт. Нејзината мајка не може да ја издржи несреќата на Гулу и оди во затворот кај Кемал. Таа го тера Кемал да и каже на Гулу дека не ја сака повеќе за таа да може да се омажи за избраниот сопруг. Кемал ја сфаќа ситуацијата на Гулу и и праќа такво писмо. Гулу е разочарана и решава да се омажи за Рамазан, кој ја носи на имотот на неговиот чичко за таму да се ожени со неа. Музафер, чичкото на Рамазан и сопственик на огромната фабрика и имот се вљубува во убавата Гулу и така Гулу всушност се мажи со стариот Музафер. По некое време во брак, Гулу почнува да го засакува нејзиниот сопруг и стануваат многу среќни заедно. Но не се случува голема трагедија и нејзиниот сопруг е убиен... Младата и бремена Гулу е сега богата и моќна дама во чии раце е оставено целото богатство на Музафер, неговата фабрика и неговиот имот. Дамата од имотот започнува да ги менува правилата во фабриката, застанува на страната на работниците и истовремено започнува потрага по убиецот на нејзиниот маж.
