Quote:
Како левичарот стана десничар
Владан Златановиќ, Скопје
Пред да се објават изданијата на Интернет, пред неколку дена ги купив „Вест“, „Дневник“ и „Утрински“. Насловите се следни: „Кој е Ѓорге Иванов“, „Иванов прв кандидат на ВМРО-ДПМНЕ“, „Неочекуван заплет во трката за претседател“...
Аналитички сумирано, господинот проф. Ѓорге Иванов е роден 1960 година во Валандово и преселен во Скопје. Дипломирал во 1982 година. Од 1988 до 1995 година се занимавал со уредувачката политика на Третата програма на Македонското радио. Магистрирал 1994 година и наредната станал асистент, докторирал 1998 и е избран за доцент. За цело време беше истакнат активист на СДСМ, а пред тоа беше и во југословенската младина (со Бранко Азески). Се' до 2005 година бил голем активист во СДСМ. За жал, таа година, неговиот брат, функционер во МВР, е фатен и осуден за шверц со луѓе! Е, тоа кандидатот за претседател на РМ не можел да им прости на СДСМ и се одметнал од партијата. Значи, 45 години наведениот кандидат бил левичар (како што љубат некои: комуњар), ама, поради братот, во последните три години станал десничар. И веднаш - кандидат за претседател!
Овие податоци се извадени од дневните весници и не одговарам за нивната валидност (само цитат). Си поставувам невозможно прашање: дали вљубените во ДПМНЕ имаат малку резон за да ги споредат податоците? За да знаат кој им е кандидатот!
