ФИЛМСКИ ВРЕМЕПЛОВ 1923-2022 (Патување 42: 2017 - 03.11-16.11.2025)

Инаку, со патувањето во 2023, веќе поминавме 40 патувања, па ајде мала статистика после овој milestone:

231 филм вкупно во Времепловот! Се уште води @Џонтра Волта дезертерот со 66 филма, пред мене со 60, и @McLovin со 53 филма. @frizider гледаше 21, @JBTgirl - 19, @Варвара - 10 и @Хоуп - 2.

Со оценките води @JBTgirl - 8.58, пред @Хоуп - 7,50, @McLovin - 6,95, @frizider - 6,71, @Варвара - 6,70, @Џонтра Волта - 6,48 и Гринч, јас - 6,42.

По години, најдобри се:
1. 1978 - 9,50
2. 1957 - 8,25
3. 2023 - 8,00

А најлоши:
1. 1964 - 4,00
2. 1987 - 4,67
3. 1948 - 5,00
 
На темава ништо не сум шкртнала цела година ама не сум ве заборавила :love: Летер ми е сведок дека дел изгледав во редовниот термин, наскоро ќе гледам да се вратам и со неколкуте што ми фалат. Сега нема смисла да пишувам за секој одделно, па затоа само ќе ги подредам и ќе ја изместам статистиката на Злате
1982: Fanny and Alexander 4.5/5
2023: The Zone of Interest 3.5/5
1945: Rome, Open City 4/5
1964: Red Desert (десет месеци подоцна и сe уште не знам како се чувствувам за филмов..)
1960: Kapo 3
1981: Mephisto: 3.5
2004: The Sea Inside 3.5
1972: The Discreet Charm of the Bourgeoisie 3.5
1933: Duck Soup 1.5
1954: Samurai I: Musashi Miyamoto 2
2001: Nowhere in Africa 4
1989: The Seventh Continent 3.5
1955: Rififi 3
1951: Miracle in Milan 3
2021: A Hero 4
1987: Babette's Feast 3.5
1929: Pandora's Box 1
1996: Kolya 3.5
1948: Germany, Year Zero 3
1973: Day for Night 4
1941: Ball of Fire 3.5
1995: Maborosi 4/5
1984: Dangerous Moves 2.5
 
61. The Grapes of Wrath - John Ford (1940)
1732824624407.png

Тежок филм за гледање. Од Џон Форд ги имам гледано уште и The Man Who Shot Liberty Valance и How Green Was My Valley, и особено вториот, веројатно најнезаслужениот Оскаровец ever беше подеднакво тежок како овој. Не дека филмот е лош и негледлив, туку самата приказна е траорна. Се работи за едно семејство од Оклахома кои се „избркани“ од својата фарма во триесетите, заради гладот и беспомошноста предизвикани од Dust Bowl и натерани својот спас да го бараат во Калифорнија која во голем дел е пустина и во која многу тешко се наоѓа работа. Но освен екстремно лошите временски услови, непогоди, смрт кои ги снаоѓаат по патот, пострашен е еден друг фактор - човекот. Ќе имаат многу тешко патување и ќе видите сцени кои се тмурни, мрачни и во кои нема ни зрнце убавина, но она што ги движи напред е нивната поврзаност како семејство и храброста да се истрае и покрај сите „водопади и стапици по течението на реката“, како што ќе каже на крај мајката.

Во времето на снимањето Хенри Фонда се уште бил млад актер кој се борел да постигне популарност и не сакал да се врзе за едно филмско студио и сакал самостојно да ги избере филмовите на кои што ќе работи, а не да му биде наложено од студио со кое би потпишал договор. Но кога ја добил улогата на Том Џоад во филмов, потпишал договор со 20th Century Fox на 7 години, зашто знаел дека ова е улогата на животот. По филмот, многу му се допаднала неговата глума на Стајнбек, авторот на романот по кој е правен филмов, па со него останале многу добри пријатели до крајот на животот (Фонда дури и одржал говор на погребот на Стајнбек).

Убав филм, но нималку лесен. Убава кинематографија, сенки и светло. Убава глума, не ми пречеше воопшто како што знае да има проблем со театралноста кај постарите филмови. Мислам дека е ова класик кој треба секој да го гледа еднаш во животот. 8/10
 
40. 1940

The Great Dictator


IMG_1040.jpeg


Филм режисиран од Чарли Чаплин, со главна улога во него.
Преку сатира претставен режимот на Хитлер и Мусолини.
За времето предобар филм, сигурен сум. Од денешен аспект за мене обичен филм со доза хумор од Чаплин.

3/5
 
Веќе се ближиме кон половината на овој предизвик па така често пати кога ќе го вклучам random.org ми дава години кои веќе сме ги поминале. Минатиот пат или две недели пред тоа, не се сеќавам, дури повеќе од 10 пати требаше да притиснам на копчето Generate додека да ме одведе во година каде не сме биле.

Овој пат, изненадувачки, ми ја даде 1962 од прва!

1733771244462.png

Патување 41: 1962 - 09.12-22.12.2024

1962 е годината на Lawrence in Arabia! Годината во која холивудската легенда Мерилин Монро била пронајдена мртва од предозирање. Ова е годината во која Сергеј Бондарчук го започнува со снимање епскиот спектакл Војна и мир, за чие завршување ќе му требаат уште цели 5 години. На 5 октомври со филмот Dr. No започнува серијалот на филмови за Џејмс Бонд, а со тоа и кариерата на првиот Бонд - Шон Конери. Бонд серијалот е вториот најдолг серијал на филмови во историјата на филмот, веднаш по Godzilla кој се уште трае, над 60 години подоцна.

Во 1962 се родени: Џим Кери, Џенифер Џејсон Ли, Адам Болдвин, Џон Бон Џови, Метју Бродерик, Емилио Естевез, Пола Абдул, Андре Броер, Том Круз, Весли Снајпс, Мишел Јео, Стив Карел, Дејвид Финчер, Баз Лурман, Боб Оденкирк, Деми Мур, Џоди Фостер, Фелисити Хофман, Ралф Фајнс и многу други.

Починале: Мајкл Куртиз, Мерилин Монро и многу други.

На филм дебитирале: Бернардо Бертолучи (како режисер), Питер Боулс, Џеки Чен, Џули Кристи, Роберт Дувал, Сали Филд, Сидни Полак (како актер), Џек Рајли и многу други.

1733772253456.png

1733772289515.png

Сите номинирани за Оскар: https://letterboxd.com/unofficialampas/list/35th-academy-awards-oscars-1963/
 
41. 1962

To Kill a Mockingbird


IMG_1300.jpeg


Ја имам читано книгата пред некоја година па решив да ја искористам шансата да го изгледам и филмов сега.
Книгата ми беше онака, убава ама ништо посебно. Исто и филмов.
Приказната се врти околу две главни теми, со централни карактери како децата Скаут и Џем со татко им Атикус, адвокат. Живеат во соседство со мистериозен човек за кој се носат најстрашните легенди, нешто што ги тера децата постојано да испитуваат и бараат одговори. Паралелно со тоа е прикажан судскиот процес на црнецот Том, клиент на таткото. Обвинет е во силување на бела девојка.

3.5/5
 
Традиционално, пред Нова година ќе направиме мала пауза со предизвикот (таман и јас ќе најдам време за филм од 1962), заради празниците, но и заради филмските награди кои се доделуваат на крајот на годината и почетокот на наредната. Се враќаме назад неделата по Божиќ.
 
Е па ајде дечки, по скоро цела година пауза, се враќаме назад во кокпитот на нашиот времеплов. Ни останаа само уште нешто повеќе од пола од годините во кои не сме патувале. Или поточно, уште 59. Пред тоа, мала ретроспектива:

257 филма гледавме од 41 различна година. Се уште води @Џонтра Волта со 66 филма гледани, пред мене со 61 филм, @ComfortablyNumb со 55 (тој е доказ колку ова веќе долго трае - во листата каде ги бележам оценките ми е запишан како Major Tom, а од тогаш има сменето уште две имиња - беше и McLovin и сега ComfortablyNumb), @Варвара 33, @frizider 21 , @JBTgirl 19 и @Хоуп 2 филма. По години, ова се топ 3 и bottom 3:

TOP:
1. 1978 - 9,50
2. 1957 - 8,25
3. 2023 - 8,00

BOTTOM:
1. 1964 - 4,00
2. 1987 - 4,67
3. 1948 - 5,00

Одиме понатаму! Не се сеќавам дали одевме со нова година секоја недела, но мислам дека подобро би било да одиме со 2 недели. Сепак, сакам да слушнам и ваше мислење за ова.

1762105139268.png

Патување 42: 2017 - 03.11-16.11.2025

Во 2017 филмското студио Illumination (Despicable Me) слави 10 години јубилеј.

Тоа е годината кога започна MeToo движењето. Кога беа обелоденети во Њу Јорк Тајмс и Њу Јоркер информациите за сексуални злоставувања на дотогаш филмскиот магнат Харви Вајнштајн, а тоа покрена подоцна и цела лавина cancel-ирања и на други познати актери, режисери, сценаристи и др. филмски работници, меѓу другите. Почнаа дури и да се снимаат филмови и серии на таа тематика како некое продолжување на woke движењето. Со тоа, мое мислење е дека филмот најмногу трпеше, но ќе видиме од изгледаните филмови.

Најпрофитабилен филм на годината беше Split.

Златна палма освои The Square на Рубен Остлунд.
Златен лав освои подоцна и Оскаровецот The Shape of Water на Гиљермо дел Торо.
Златна мечка освои унгарскиот On Body and Soul.

Во 2017 меѓу ѕвездите се преселија ѕвездите: Мајк Конорс (The Ten Commandments), Емануел Рива (Amour), Адам Вест (Batman), Елса Мартинели (Donatella), Мартин Ландау (Ed Wood), Џери Луис (The King of Comedy) и многу други. Слава им.

На филм дебитирале (меѓу другите): КЏеј Апа, Марија Бакалова (подоцна номинирана за Оскар) и Фион Вајтхед и тоа директно во главна улога во блокбастерот Dunkirk на Нолан.

Верувам дека се родени и многу идни филмски ѕвезди.

1762105618527.png

1762106407925.png
1762106450594.png

Сите номинирани за Оскар: https://letterboxd.com/unofficialampas/list/90th-academy-awards-oscars-2018/
 
You must log in or register to reply here.

Kajgana Shop

Back
На врв Bottom