Наместо постојано да лаете на темата Комити-ЖРК Вардар може да се соберете позазди гол вие ‘‘загрижените‘‘ и да навивате за девојките.
Не позади гол, туку на страна, со сезонски билети. Има такви. Но не се навивачи: не ги знаат песните, не знаат да се обединат околу една форма на навивање, не знаат во кој момент која песна е најсоодветна... Едноставно не живеат со клубот на тој начин како што навивачите живеат со клубот.
Тоа е како да бараш од Трајко Трајковски, што има возачка од Б категорија, да вози Формула 1.
А да си направите вие навивачка група и да си одоте да навивате за ЖРК? [1] Појма немате од навивање и вие ќе кажувате понижување, грешка мешка.
Никој не ви брани да се соберете позади гол и да навивате.
Преку глава ми е веќе пред секој натревар истите муабети ги пишувате.
[2] Ај ако не и за атлетски клуб вардар да навиваме. И тие дечки се дел од СД Вардар и сигурно со наша поддршка ќе имаат поголеми успеси.
[1] Точно. Затоа се тие повици и од клубот ЖРК Вардар, па и од други навивачи од време на време. Се бара помош од Комитите.
Да не беше интервјуто на Нацева, јас („ново школо навивач“, „непознавач“, „лаик“, „генерална публика“, „_________“ *вметни свој термин*) немаше да знам дека има таква ситуација кај Комитите. Верувам и останатите лаици и генерална публика; концептот на „грешка од минатото“ ја имаат само Комитите, а другите врска немаат и никој ништо не би забележал.
[2] Зарем не? Кометал Ѓорче Петров со поддршка на Комитите стана европски шампион.
Комити во минатото имале премногу грешки и тоа никој не го оспорува. Комитите погрешиле што покрај црвено-црната боја поддржуваа и зелено-жолта односно клуб по име Кометал. [1] Доколку Комити се вратат на ЖРК за сосема друг клуб со сосема други бои ќе биде крајно идиотски и голем срам. Но од друга страна се работи за клуб со име Вардар, но кога порано се направиле грешки тешко е сега да се исправат.
[2] Нас воопшто не ни е предизвик да идеме сега на ЖРК само затоа што Варвари најавиле присуство. Ако идеме би иделе за и само за ЖРК Вардар. Од друга страна нема заинтересираност затоа што се работи за спорт кој е популарен но далеку од машкиот или па од фудбалот. Комити се формирани за ФК и само за ФК. И сите други групи во светот се створени за ФК, а пропратно кога се има време навиваат и на други спортови од кој главни се Ракомет и Кошарка. Грците дури идат и на ватерполо. Сигурен сум дека Комити можеби не во иста бројка како за РК но би доаѓале и на ЖРК доколку не се направела грешка во минатото. Сега за сега Комити нема шанси да доаѓаат на ЖРК.
[3] Единствено решение би било доколку постој некоја група со друго име. Нешто како Комбат 87 за баскет.
[1] Идиотски и срам? Пред кого?
Постои ли Асоцијација на навивачки групи, кадешто се води евиденција која навивачка група за кој клуб навивала, па ако сега навива за некој трет клуб ќе биде казнета со суспензија од несмеење да навива за ниту еден клуб неколку години (или слично)? Ако да и ако Комити се дел од таква Асоцијација, тогаш ја разбирам ваквата поставеност. Инаку, не ми е јасно.
Дали, во времето на Кометал, постоел ЖРК Вардар, па Комити не навивале за него и сега потенцијално би имале проблем со тоа? Дури и да било така, во моментов ЖРК Вардар го водат луѓето што биле носечка сила во Кометал (Нацева и Кастратовиќ) и самите тие ги повикуваат Комитите, за доброто на ЖРК Вардар.
Повторно, ми се чини дека само Комитите сметаат дека е проблем ако навиваат за ЖРК Вардар. За повеќето други е сосема нормално Комити да навиваат за Вардар, во која било негова форма.
Уште не ми е јасно кои се тие грешки што се направиле, но сигурно не се ставени во камен и непроменливи. Ако имало грешки, од нив треба да се учи и да се продолжи понатаму, а не да се влечат цел живот и поради нив да се остане парализиран во постапките во иднина. А моментално дел од Вардар (ЖРК) може да изгуби ако Комитите не стојат до него.
[2] Дали ова значи дека всушност не се работи за „грешка во минатото“, туку за „непопуларност“? Дали, ако ЖРК Вардар стигне до Final 4, Комити би отишле во Будимпешта за да го бодрат?
[3] Ако тоа помогне ЖРК Вардар да има повеќе навивачи, зошто да не. Ако тоа помогне публиката подобро да навива и клубот да постигнува подобри резултати, така нека биде.
