РК ВАРДАР СОСТАВ 2024/2025:
голмани: Мигел Еспиња Фереира, Васил Гогов, Марко Богдановски
леви крила: Хансер Родригез, Марко Срдановиќ, Марио Стојановски
десни крила: Гоце Георгиевски, Мигел Пинто, Ален Ќосевски (?)
пивоти: Милан Лазаревски, Михаил Аларов, Ларс Коиј
леви бекови: Матија Николиќ, Стефан Петриќ, Нилтон Мело, Томче Стојановски, Дмитро Горига
средни бекови: Младен Крсманчиќ, Немања Гојковиќ (најверојатно си заминува), Марио Танкоски
десни бекови: Томислав Јагуриновски, Ашраф Маргели, Тавфик Бакар (најверојатно си заминува)
Според мене на голманската позиција, мислам дека Еспиња ќе го замени Томовски доволно, иако мислам дека не е константен, сепак е добро решение. Од Гогов не знам што да очекувам. Имаше животна партија против Веспрем, но после тој натпревар не заприметив дека има некаков напредок кај него, иако мислам дека има потенцијал. За Богдановски немам конкретно мислење, мислам дека е донесен колку толку да пополни ростер, како трет голман.
Левите крила се топ. Хансер може да покрие и како бек, навистина е добар поливалентен играч, иако треба работа на некои сегменти и со него. Срдановиќ е добро крило и супер пеналџија (промаши против Алкалоид во купот, но добро се случува). Марио Стојановски е иднината на клубот, па и на репрезентацијата на Македонија, прикажува добри партии и за младинската репрезентација.
Десните крила се искусниот Џомба и Пинто. За Георгиевски, мислам дека е ова последна сезона и ќе даде се од себе да се прикаже на високо ниво како и до сега. Пинто искрено не го знам, но мислам дека ќе биде добра замена за Џукиќ. За Ќосевски немам информација дали е во клубот...
Левите бекови ни се познати. Николиќ како играч многу ми се допаѓа и му одговара овој ,,модерен ракомет", Петриќ имаше тешка повреда и се надевам дека ќе си ја врати формата, тој е еден од нашите бомбардери. За Мело мислам дека е одличен одбранбен играч, како и Стојановски кој што е новајлија. Горига мислам дека исто супер ќе се покаже и ќе биде голема конкуренција на Петриќ во нападот.
За средната бековска позиција сум најмногу разочаран... Крсманчиќ е голема непознаница и според мене голема утка, но ќе видиме. Гојковиќ шуќур, ако си замиине. Да сумирам од Танкосен (можеби на некој ќе му биде иронично) очекувам највеќе, доколку не се донесе поквалитетен среден од него.
Десните бекови вклучувајќи ги Томи и Маргели (се надевам Бакар е out), ми се океј решение. Јагуриновски исто како и за Николиќ, сметам дека е играч за новиот ,,модерен ракомет" (иако да не се лажеме е далеку понеквалитетен од Матија). Кај Јагуриновски, ми се допаѓа неговата борбеност, мотивација и жртва за клубот, но мора да подобри некои сегменти (до каде што ќе успее). Маргели, за разлика од мнозинството тука на форумов, мислам дека ќе биде добро засилување. Ми има некоја фајтерска фаца и ми делува дека доста ќе и лежи на екипава. Од видеата кои што ги видов, ми делува на доста добар шутер, кој што знае да бие и со скок шут и шут од место.
Од пикерите сум најмногу задоволен. Мечка е ѕвер, во буквална смисла. Реинкарнација на Столе со поголема висина и има голем импакт на играта. Дај Боже да го задржиме во екипава уште многу сезони и да биде идниот наш капитен. Аларов е солиден одбранбен играч, кој што може да придонесе и во нападот со 7 на 6 игра со двајца пивоти во нападот. Ларс Коиј е исто така одлично засилување, со меѓународно искуство и доста успешни настапи за својата репрезентација.
Мислам дека оваа екипа може многу. Сакав да се промени тренерот, по мене требаше странец или пак макар Столе, но тоа е тоа. Очекувам борба за двојна круна и достоен настап во Европа лигата...
... се шалам). Може очекувањата не се такви дека Косуке си отиде, ама и ова што го имаме добро е. Ако сакавме некој брз централен бек, можеше да се земе Калајџиевски (по сто пати во верглам ова) и барем со екипи како Пролет, Бутел, па и Тиквеш, би бил и те како корисен. Ај може атмосферава ќе му се погоди на Марио па ќе биде солиден и добро би се вклопил. Другово е сосема солидно и коректно. На тренерска позиција сме можеби најслаби, ама тоа е да не претеруваме сега кога околностите се тие.
www.youtube.com
