Гошев: Пречките и сопките доаѓаат од наши луѓе...
Објавено на 12 Септември 2014
Напишано од Душко Постолов
Прес-конференција на Зомимак-М во пресрет на утрешниот реванш меч.
Ракометарите на Зомимак со огромна негатива од 11 голови се вратија од првиот натпревар од двомечот со Горник Забрже во рамките на првото квалификационо коло од ЕХФ Купот. Струмичани загубија со 36:25 на првиот меч, одигран во Полска, иако во поголем дел од мечот беа само на минус 2 или 3 голови.
На денешната прес-конференција на македонскиот претставник во ЕХФ Купот, првиот човек на струмичкиот тим, Славе Гошев уште еднаш го изрази своето незадоволство од арбитражата на првиот меч во Полска.
„За жал ни се случи она што ни го наговестуваа одредени претставници од Ракометната Федерација од Европа дека Зомимак-М ќе го плати цехот за ланскиот успех. Судиите кумуваа на резултатот, до 40-та минута беше 2-3 разлика за полската екипа и тука беше некаде реалниот одзив на силите на теренот, меѓутоа по 40-тата минута се случи она што ние се плашевме, директна судиска кражба, заедно со делегатот на натпреварот и се случи на крајот резултатот да биде 11 разлика, што е далеку од реалната вредност на полскиот претставник, меѓутоа и разликата во квалитетот на двете екипи. Меѓутоа, тоа е зад нас, ние очекувавме вакво нешто да ни се случи, свесни бевме за тоа...“ истакна Славе Гошев, првиот човек на Зомимак-М.
„Пречките и сопките доаѓаат од наши луѓе кои се во Европската Ракометна Федерација, тие многу добро знаат на кои алудирам, ова не е место и време да го кажам името на човекот, меѓутоа тие добро го знаат. Сакам да прашам дали тој повеќе се грижи за македонскиот, или полскиот ракомет, или за нивните сопствени џебови...“ дополни Гошев.
„Судиите многу итро го судеа мечот во корист на полскиот претставник, многу добро париравме до 40-тата минута, во моментите кога се кршеше резултатот унгарските судии многу итро пресудија во корист на нашиот противник во првиот меч“ се надоврза еден од најдобрите индивидуалци во струмичкиот тим, грузискиот интернационалец Реваз Чантурија.
Реванш мечот се игра во салата „Парк“ во Струмица на утре со почеток од 19,00 часот. Струмичкиот тим дефинитивно ќе има голема мака во обидот за пласман во второто квалификациско коло за пласман во групната фаза од ЕХФ Купот.
http://www.sport365.mk/index.php/ve...sev-preckite-i-sopkite-doagjaat-od-nasi-lugje
Знае ли некој кој се тие наши луѓе во ЕХФ???
) ако не ги смачкат овие 10 разлика значи екипата ни е послаба од Пелистер 
