Mourinho: Имавме тешка претсезона. Играчите доаѓаа еден по еден. Сите заедно работевме само три дена.... со шест нови играчи, нов тренер, на различен метод, малку време. Мораме да бидеме задоволни, но потребно ни е време. Во секој случај, Real Madrid нема да плаче, иако за кратко време ќе се сретнеме со Chelsea, Inter, Manchester, речиси без подготовки.... Тоа е реалноста, но нема да се жалиме.
Ова денес беше уште еден тренинг. Многу екипи во Шпанија играат како Peñarol. Peñarol ни овозможи еден многу реален тренинг. Сите затворени, чекајќи контра удар и со позитивна агресивност. Мораме повеќе притисок да внесеме напред. Не е секогаш најважно да победиш, но подобро е да победиш отколку да изгубиш и да бидеш непобедлив.
Van der Vaart ми се допаѓа. Денес играше малку, затоа што сакав да му дадам минути на Cristiano, бидејќи не играше во Аликанте. Немаше никаква порака, плус ги имавме и Benzema, Di María и Pedro León.
Lass не сака да игра како крило, но на таа позиција игра добро.
Ми се допаѓа Mateos, ми се допаѓа тој тип на играч кој добро брани, тоа ни е потребно. И жал ми е што не може со нас, а ни треба поради повредените. Зависи од тоа колкумина ќе си отидат дали Mateos ќе биде играч на првиот тим.
Во нашата култура, оние кои се технички добри, клучни играчи, магични, не се физички силни, туку итри играчи. Симулираат фаули, при најмал допир паѓаат како да се удриле во камион. Cristiano, за разлика од нив, има Британска култура, горд е и физички силен. Ги издржува сите удари и навреди, но судиите не го штитат. Ние, Португалците, Италијанците, Шпанците, Јужно Американците викаме дека некој играч е итар иако не игра фер. Cristiano е фер играч, но не е итар, тоа е проблем на фудбалска култура. Може да го прави истото што и другите, но јас тоа нема да го барам од него.
Marcelo: Ова беше последен натпревар пред да почне сезоната и мислам дека имавме добра претсезона. Peñarol беше добар ривал, компактен позади, а ние имаме многу работи на кои треба да работиме. Јас се чувствувам комотно во екипата и работам за да и помогнам.
Di María: Среќен сум за голот. Треба да продолжиме вака, ако сакаме титули. Јас морам да тренирам за да заслужам место во првите 11. Се надевам на добар почеток во недела.
